നളന്ദ: അലിഗഡ് സർവകലാശാലയിലെ ജിന്ന വിവാദം തുടരുന്നതിനിടെ പ്രതികരണവുമായി യോഗ ഗുരു ബാബ രാംദേവ്. മുസ്ലിംകൾ ഫോട്ടോകൾക്കും വിഗ്രഹങ്ങൾക്കും പ്രാധാന്യം നൽകാറില്ല. അതിനാൽ തന്നെ ജിന്നയുടെ ചിത്രത്തിൽ അസ്വസ്ഥപ്പെടേണ്ടതില്ലെന്നും അദ്ദേഹം പറഞ്ഞു. കഴിഞ്ഞ ദിവസം ബിഹാറിലെ നളന്ദയിലെ യോഗ ക്ലാസിന് ശേഷമാണ് രാംദേവ് ഇക്കാര്യം പറഞ്ഞത്.
പാകിസ്താൻ സ്ഥാപകൻ അവരുടെ രാജ്യത്തിന് നല്ലയാളാവാം. എന്നാൽ മതേതരത്വത്തിന് കളങ്കമുണ്ടാക്കിയ ഒരു വ്യക്തിയെ ഒരിക്കലും ഇന്ത്യക്ക് ആരാധ്യപുരുഷനായി കാണാനാവില്ലെന്നും രാംദേവ് മാധ്യമങ്ങളോട് പറഞ്ഞു.
മുഹമ്മദലി ജിന്നയുടെ ചിത്രം നീക്കണമെന്നാവശ്യപ്പെട്ടാണ് അലീഗഢ് മുസ്ലിം സർവകലാശാലയിൽ യു.പി മുഖ്യമന്ത്രി യോഗി ആദിത്യനാഥിെൻറ സംഘടനയായ ഹിന്ദു യുവവാഹിനി പ്രവർത്തകർ കഴിഞ്ഞദിവസം അക്രമം നടത്തിയത്. ജിന്നയുടെ ചിത്രം നീക്കംചെയ്യുമെന്ന് പറഞ്ഞ് ജയ് ശ്രീറാം വിളികളുമായി പ്രവർത്തകർ കാമ്പസിലേക്ക് നടത്തിയ മാർച്ച് വിദ്യാർഥികൾ സംഘടിച്ചു തടഞ്ഞതോടെയാണ് സംഘർഷമുണ്ടായത്. ഹിന്ദുത്വ പ്രവർത്തകരെ െപാലീസ് നീക്കംചെയ്തെങ്കിലും കാമ്പസിൽ അതിക്രമിച്ചു കയറിയതിനെതിരെ കേസെടുക്കാൻ തയാറായില്ല. ഇതിനെതിെര വിദ്യാർഥി യൂനിയെൻറ നേതൃത്വത്തിൽ പ്രതിഷേധിച്ചപ്പോൾ പൊലീസ് ലാത്തിച്ചാർജ് നടത്തുകയും കണ്ണീർവാതകം പ്രയോഗിക്കുകയും ചെയ്തു. പൊലീസ് അതിക്രമത്തിൽ വിദ്യാർഥി യൂനിയൻ നേതാക്കൾക്ക് പരിക്കേറ്റു.
അതേസമയം, മുഹമ്മദലി ജിന്ന അലീഗഢ് സർവകലാശാല സ്ഥാപിത അംഗമാണെന്ന് സർവകലാശാല അറിയിച്ചു. ഇന്ത്യ വിഭജനത്തിനു മുമ്പുതന്നെ അദ്ദേഹത്തിന് സർവകലാശാല ആജീവനാന്ത അംഗത്വം നൽകിയിരുന്നു. കൂടാതെ, മഹാത്മ ഗാന്ധി, സരോജിനി നായിഡു, ജവഹർലാൽ നെഹ്റു തുടങ്ങിയ നിരവധി പേർക്ക് സർവകലാശാല ആജീവനാന്ത അംഗത്വം നൽകിയിട്ടുണ്ട്. അവരുടെ ചിത്രങ്ങളെല്ലാം കാമ്പസിലുണ്ടെന്നും വൈസ് ചാൻസലറുടെ വക്താവ് അറിയിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.