രാ​ഹു​ൽ ഗാ​ന്ധി​യു​ടെ ‘ഭാ​ര​ത് ജോ​ഡോ യാ​ത്ര’ ജ​മ്മു ക​ശ്മീ​രി​ൽ പുനരാരംഭിച്ചു; സുരക്ഷ ഒരുക്കണമെന്ന് മല്ലികാർജുൻ ഖാർഗെ

ശ്രീ​ന​ഗ​ർ: സു​ര​ക്ഷാ​വീ​ഴ്ച​മൂ​ലം നി​ർ​ത്തി​വെ​ച്ച കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി​യു​ടെ ‘ഭാ​ര​ത് ജോ​ഡോ യാ​ത്ര’ ജ​മ്മു ക​ശ്മീ​രി​ൽ പുനരാരംഭിച്ചു. പു​ൽ​വാ​മ​യി​ലെ അ​വ​ന്തി​പോ​റ​യി​ൽ നിന്നാണ് രാവിലെ യാത്ര പുനരാരംഭിച്ചത്. പി.​ഡി.​പി അ​ധ്യ​ക്ഷയും മുൻ മുഖ്യമന്ത്രിയുമായ മെ​ഹ്ബൂ​ബ മു​ഫ്തി, എ.ഐ.സി.സി ജനറൽ സെക്രട്ടറി പ്രിയങ്ക ഗാന്ധി അടക്കമുള്ളവർ പദയാ​ത്ര​യി​ൽ പങ്കെടുക്കും. സുരക്ഷാ കാരണം ഉച്ചക്ക് പന്താചൗക്കിൽ പദയാത്ര അവസാനിക്കും. സുരക്ഷക്കായി 15 കമ്പനി സി.ഐ.പി.എഫിനെയും 10 കമ്പനി ജമ്മു കശ്മീർ പൊലീസിനെയും വിന്യസിച്ചതായി അധികൃതർ വ്യക്തമാക്കിയിട്ടുണ്ട്.

ഇതിനിടെ, മതിയായ സുരക്ഷ ഒരുക്കണമെന്ന് ചൂണ്ടിക്കാട്ടി കോൺഗ്രസ് ദേശീയ അധ്യക്ഷൻ മല്ലികാർജുൻ ഖാർഗെ കേന്ദ്ര ആഭ്യന്തര മന്ത്രി അമിത് ഷാക്ക് കത്തെഴുതി. ജനുവരി 30നാണ് ജോഡോ യാത്രയുടെ സമാന സമ്മേളനം നടക്കുക. സമ്മേളനത്തിൽ വിവിധ രാഷ്ട്രീയ പാർട്ടിയുടെ നേതാക്കൾ പങ്കെടുക്കുമെന്നും സുരക്ഷ ഉറപ്പാക്കണമെന്നും ഖാർഗെ കത്തിൽ ചൂണ്ടിക്കാട്ടി.

ജമ്മു-​ക​ശ്മീ​ർ ഭ​ര​ണ​കൂ​ടം സു​ര​ക്ഷാ​കാ​ര്യ​ത്തി​ൽ അ​ലം​ഭാ​വം കാ​ണി​ച്ചു​വെ​ന്നും ജ​ന​ങ്ങ​ളെ നി​യ​ന്ത്രി​ക്കാ​നു​ള്ള സം​വി​ധാ​ന​ങ്ങ​ൾ ഒ​രു​ക്കി​യി​ല്ലെ​ന്നും ചൂണ്ടിക്കാട്ടി ക​ശ്മീ​ർ താ​ഴ്വ​ര​യി​ലേ​ക്കു​ള്ള ക​വാ​ടമായ ഗാ​സി​കു​ണ്ടി​ന് സ​മീ​പ​ത്തുവെച്ചാണ് ‘ഭാ​ര​ത് ജോ​ഡോ യാ​ത്ര’ നിർത്തിവെച്ചത്. രാ​ഹു​ലി​ന്റെ സം​ഘ​ത്തി​ന്റെ പു​റം​ചു​റ്റി​ലു​ള്ള സു​ര​ക്ഷ ചു​മ​ത​ല​യാ​ണ് ​പൊ​ലീ​സി​നു​ണ്ടാ​യി​രു​ന്ന​ത്.

യാ​ത്രാ​സം​ഘ​ത്തി​ന് പു​റ​ത്തു​ള്ള സു​ര​ക്ഷാ​വ​ല​യ​ത്തി​ന്റെ അ​ഭാ​വം പൊ​ടു​ന്ന​നെ കോ​ൺ​ഗ്ര​സ് പ്ര​വ​ർ​ത്ത​ക​രു​ടെ ശ്ര​ദ്ധ​യി​ൽ​പെ​ട്ടതോടെ സു​ര​ക്ഷ​യി​ല്ലാ​തെ മു​ന്നോ​ട്ടു​ പോ​കേ​ണ്ടെ​ന്ന് കോ​ൺ​ഗ്ര​സ് തീ​രു​മാ​നിക്കുകയായിരുന്നു. അ​തോ​ടെ, വെ​ള്ളി​യാ​ഴ്ച 11 കി​ലോ​മീ​റ്റ​ർ ന​ട​ക്കാ​ൻ പ​ദ്ധ​തി​യി​ട്ടി​രു​ന്ന രാ​ഹു​ലി​ന് 500 മീ​റ്റ​ർ മാ​ത്രം ന​ട​ന്ന് ആ ​ദി​വ​സ​ത്തെ യാ​ത്ര അ​വ​സാ​നി​​പ്പി​ക്കേ​ണ്ടി വ​ന്നു. സു​ര​ക്ഷ​യി​ല്ലാ​ത്ത സാ​ഹ​ച​ര്യ​ത്തി​ലു​ള്ള യാ​ത്ര ജീ​വ​ൻ​വെ​ച്ചു​ള്ള ക​ളി​യാ​കു​മെ​ന്ന് ക​ണ്ട​തോ​ടെ​യാ​ണ് മു​ന്നോ​ട്ടു പോ​കേ​ണ്ടെ​ന്ന് കോൺഗ്രസ് നേ​തൃ​ത്വം തീ​രു​മാ​നി​ച്ച​ത്.

പൊ​ലീ​സി​ന്റെ സു​ര​ക്ഷ സം​വി​ധാ​നം പൂ​ർ​ണ​മാ​യി ത​കി​ടം​മ​റി​ഞ്ഞു​വെ​ന്നാണ് രാ​ഹു​ൽ ഗാ​ന്ധി ഇന്നലെ പ​റ​ഞ്ഞത്. കാ​ണാ​വു​ന്നി​ട​ത്തൊ​ന്നും പൊ​ലീ​സ് ഉ​ണ്ടാ​യി​രു​ന്നി​ല്ലെന്നും രാ​ഹു​ൽ വ്യ​ക്ത​മാ​ക്കി. ജ​നു​വ​രി 30ന് ​ശ്രീ​ന​ഗ​റി​ലാ​ണ് ജോഡോ യാ​ത്ര സ​മാ​പിക്കുന്നത്.