‘ഇത് ഞങ്ങളുടെ നാട്, ഞങ്ങളുടെ ഭൂമി’

കൊ​ച്ചി: ല​ക്ഷ​ദ്വീ​പി​ലെ കോ​ടി​ക​ൾ വി​ല​മ​തി​ക്കു​ന്ന പ​ണ്ടാ​ര​ഭൂ​മി ന​ഷ്ട​പ​രി​ഹാ​ര​മി​ല്ലാ​തെ പി​ടി​ച്ചെ​ടു​ക്കാ​ൻ നീ​ക്ക​വു​മാ​യി ദ്വീ​പ്​ ഭ​ര​ണ​കൂ​ടം. ടൂ​റി​സം പ​ദ്ധ​തി​ക്കെ​ന്ന പേ​രി​ൽ സു​ഹേ​ലി ചെ​റി​യ​ക​ര, ചെ​റി​യം, തി​ലാ​ക്കം, പി​ട്ടി, തി​ന്ന​ക്ക​ര, പ​ര​ളി, ബം​ഗാ​രം ദ്വീ​പു​ക​ൾ കേ​ന്ദ്രീ​ക​രി​ച്ചാ​ണ് ന​ട​പ​ടി വ​രു​ന്ന​ത്. ഭൂ​വു​ട​മ​ക​ളു​ടെ അ​റി​വോ സ​മ്മ​ത​മോ ഇ​ല്ലാ​തെ ഏ​ക​പ​ക്ഷീ​യ​മാ​യാ​ണ് ഏ​റ്റെ​ടു​ക്ക​ലെ​ന്ന് ദ്വീ​പ് നി​വാ​സി​ക​ൾ ആ​രോ​പി​ക്കു​ന്നു. ദ്വീ​പി​ലെ ആ​ദാ​യ​ത്തി​ന് മാ​ത്രം തു​ച്ഛ​വി​ല നി​ശ്ച​യി​ച്ചാ​ണ് പി​ടി​ച്ചെ​ടു​ക്ക​ലെ​ന്നും അ​വ​ർ പ​റ​യു​ന്നു.

സു​ഹേ​ലി ചെ​റി​യ​ക​ര, തി​ലാ​ക്കം, ബം​ഗാ​രം തി​ന്ന​ക്ക​ര, പ​ര​ളി എ​ന്നി​വി​ട​ങ്ങ​ളി​ലെ ഭൂ​മി പി​ടി​ച്ചെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട് ല​ക്ഷ​ദ്വീ​പ്​ അ​ഡ്മി​നി​സ്ട്രേ​ഷ​ൻ ഉ​ത്ത​ര​വി​റ​ക്കി. ഇ​തി​ൽ സു​ഹേ​ലി ചെ​റി​യ​ക​ര, തി​ലാ​ക്കം എ​ന്നി​വി​ട​ങ്ങ​ളി​ലെ ന​ട​പ​ടി​ക​ൾ ഹൈ​കോ​ട​തി സ്റ്റേ ​ചെ​യ്തു. ബം​ഗാ​രം, തി​ന്ന​ക്ക​ര എ​ന്നി​വി​ട​ങ്ങ​ളു​മാ​യി ബ​ന്ധ​പ്പെ​ട്ട് നി​യ​മ​ന​ട​പ​ടി​ക്ക് പോ​കു​ക​യാ​ണ് ജ​ന​ങ്ങ​ൾ. ദ്വീ​പി​ലെ ആ​കെ​യു​ള്ള 1999.958 ഹെ​ക്ട​റി​ൽ 989 ഹെ​ക്ട​റാ​ണ് പ​ണ്ടാ​ര ഭൂ​മി​യെ​ന്നാ​ണ് ഔ​ദ്യോ​ഗി​ക രേ​ഖ​ക​ൾ. ഇ​ത് 19,522 പേ​രു​ടെ കൈ​വ​ശ​മാ​ണു​ള്ള​ത്.

കെ​ട്ടി​ട​ങ്ങ​ൾ നി​ർ​മി​ക്കാ​ൻ സ​ർ​ക്കാ​ർ പ​ണ്ടാ​ര ഭൂ​മി ഏ​റ്റെ​ടു​ത്ത ഘ​ട്ട​ങ്ങ​ളി​ലൊ​ക്കെ ഭൂ​വു​ട​മ​ക​ൾ​ക്ക് ന​ഷ്ട​പ​രി​ഹാ​രം ന​ൽ​കി​യി​രു​ന്നു. കൈ​വ​ശാ​വ​കാ​ശം ന​ൽ​കാ​ൻ 2020 ഫെ​ബ്രു​വ​രി 26ന് ​ചേ​ർ​ന്ന കേ​ന്ദ്ര മ​ന്ത്രി​സ​ഭ​യും തീ​രു​മാ​നി​ച്ചു. ഇ​തി​നു​വേ​ണ്ടി ലാ​ൻ​ഡ് ടെ​ന​ൻ​സി റെ​ഗു​ലേ​ഷ​നി​ൽ ഭേ​ദ​ഗ​തി വ​രു​ത്തി​യെ​ങ്കി​ലും 2023 ഒ​ക്ടോ​ബ​ർ 25ന് ​ഇ​ത് ഒ​ഴി​വാ​ക്ക​പ്പെ​ട്ട​ത് പ​ണ്ടാ​ര​ഭൂ​മി കൈ​വ​ശം വെ​ച്ചി​ട്ടു​ള്ള​വ​രു​ടെ താ​ൽ​പ​ര്യ​ത്തി​നും സം​ര​ക്ഷ​ണ​ത്തി​നു​മെ​തി​രാ​ണെ​ന്ന് ല​ക്ഷ​ദ്വീ​പി​ലെ സാ​മൂ​ഹി​ക പ്ര​വ​ർ​ത്ത​ക​നും മു​ൻ കേ​ന്ദ്ര ആ​ഭ്യ​ന്ത​ര​മ​ന്ത്രി​യു​ടെ ഉ​പ​ദേ​ശ​ക സ​മി​തി അം​ഗ​വു​മാ​യ എ. ​മി​സ്ബാ​ഹ് ‘മാ​ധ്യ​മ’​ത്തോ​ട് പ​റ​ഞ്ഞു.

അ​വ​കാ​ശ​ങ്ങ​ൾ നി​ഷേ​ധി​ച്ച് പ​ട്ടി​ക​വ​ർ​ഗ​ക്കാ​ര​ല്ലാ​ത്ത വ​ൻ​കി​ട വ്യ​വ​സാ​യി​ക​ൾ​ക്ക് ദ്വീ​പു​കാ​രു​ടെ ഭൂ​മി വി​ട്ടു​ന​ൽ​കാ​നു​ള്ള നീ​ക്ക​മാ​ണ് ന​ട​ക്കു​ന്ന​ത്. ഇ​ത് പ​ട്ടി​ക​വ​ർ​ഗ സം​ര​ക്ഷ​ണ നി​യ​മ​ങ്ങ​ൾ​ക്കും ഭ​ര​ണ​ഘ​ട​ന​ക്കു​മെ​തി​രാ​ണെ​ന്നും അ​ദ്ദേ​ഹം പ​റ​ഞ്ഞു.

പ​ണ്ടാ​ര ഭൂ​മി

700ക​ളി​ൽ രാ​ജാ​വ് വ​രു​മാ​ന​ത്തി​നാ​യി ഏ​റ്റെ​ടു​ത്ത്, 1890ക​ളി​ൽ ജ​ന​ങ്ങ​ൾ​ക്ക് തി​രി​കെ കൃ​ഷി ആ​വ​ശ്യ​ത്തി​നാ​യി ന​ൽ​കി​യ സ്ഥ​ല​ങ്ങ​ളാ​ണ് പ​ണ്ടാ​ര ഭൂ​മി. ക​ഴി​ഞ്ഞ 100 വ​ർ​ഷ​ത്തി​ല​ധി​ക​മാ​യി ക​വ​ര​ത്തി, ക​ൽ​പേ​നി, അ​ഗ​ത്തി ദ്വീ​പു​കാ​ർ ത​ല​മു​റ​ക​ളാ​യി കൃ​ഷി​ചെ​യ്ത് ഉ​പ​യോ​ഗി​ച്ചു​വ​രു​ക​യാ​ണി​വി​ടം. പ​ണ്ടാ​ര​ഭൂ​മി​ക്ക് കൈ​വ​ശാ​വ​കാ​ശം ന​ൽ​ക​ണ​മെ​ന്ന് 1965ലെ ​ലാ​ൻ​ഡ് ടെ​ന​ൻ​സി റെ​ഗു​ലേ​ഷ​ൻ വ്യ​ക്ത​മാ​ക്കി​യി​രു​ന്നു. തു​ട​ർ​ന്ന് ഇ​തി​നു​വേ​ണ്ടി കേ​ന്ദ്ര​സ​ർ​ക്കാ​ർ പ​ല​വ​ട്ടം നി​ർ​ദേ​ശി​ച്ചി​രു​ന്നെ​ങ്കി​ലും മി​നി​ക്കോ​യി​യി​ലൊ​ഴി​കെ മ​റ്റൊ​രി​ട​ത്തും ന​ട​പ്പാ​യി​ല്ല.