ബംഗളൂരു: രാജ്യംവിട്ട വിവാദ വ്യവസായി വിജയ് മല്യയുടെ സ്വത്തുക്കള്‍ കണ്ടുകെട്ടാന്‍ ബാങ്കുകള്‍ക്ക് ഡെബ്റ്റ് റിക്കവറി ട്രൈബ്യൂണല്‍ (ഡി.ആര്‍.ടി) ബെഞ്ച് അനുമതി നല്‍കി. കിങ്ഫിഷര്‍ എയര്‍ലൈന്‍സ് ലിമിറ്റഡിനോടും മല്യ രക്ഷാധികാരിയായ മറ്റു മൂന്നു കമ്പനികളോടും 6,203 കോടി രൂപയും 11.5 ശതമാനം പലിശയും നല്‍കാനാണ് ട്രൈബ്യൂണല്‍ ഉത്തരവിട്ടത്. സ്റ്റേറ്റ് ബാങ്ക് ഓഫ് ഇന്ത്യയുടെ നേതൃത്വത്തിലുള്ള ബാങ്കിങ് കണ്‍സോര്‍ട്ട്യം നല്‍കിയ ഹരജികളിലാണ് പ്രിസൈഡിങ് ഓഫിസര്‍ കെ. ശ്രീനിവാസന്‍ സ്വത്തുക്കള്‍ കണ്ടുകെട്ടാന്‍ അനുമതി നല്‍കിയത്.
മല്യയുടെ ഉടമസ്ഥതയിലുള്ള കിങ്ഫിഷര്‍ എയര്‍ലൈന്‍സും മറ്റു കമ്പനികളും വായ്പ കുടിശ്ശിക വരുത്തിയതിനെ തുടര്‍ന്ന് 2013ലാണ് 17 ബാങ്കുകള്‍ ഉള്‍പ്പെട്ട കണ്‍സോര്‍ട്ട്യം ട്രൈബ്യൂണലിനെ സമീപിച്ചത്. കണ്‍സോര്‍ട്ട്യം ട്രൈബ്യൂണലിനെ സമീപിച്ചതു മുതലുള്ള പലിശ നല്‍കണമെന്നും ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.