പീരുമേട്: പരുന്തുംപാറ വിനോദസഞ്ചാരകേന്ദ്രത്തിന് സമീപം ഓഫ് റോഡ് ജീപ്പ് മറിഞ്ഞ് 12 പേർക്ക് പരിക്ക്. തിങ്കളാഴ്ച രാവിലെ പതിനൊന്നോടെയായിരുന്നു അപകടം. ഗുരുതര പരിക്കേറ്റ എട്ടുപേരെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. നിയന്ത്രണ വിട്ട ജീപ്പ് റോഡിൽ നിന്ന് മറിഞ്ഞാണ് അപകടം.
പരിക്കേറ്റവർ തമിഴ്നാട് നാഗർകോവിൽ സ്വദേശികളാണ്. ഡയാന (29), ആൽവിൻ (54), അനീഷ (22), ജയപാൽ (48), ജോ അലക്സാണ്ടർ (33), ചാൾസ് (45), പ്രീത (47), മിലേഖ (24) എന്നിവരെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. നാലുപേരെ പീരുമേട് താലൂക്ക് ആശുപത്രിയിൽ പ്രഥമ ശുശ്രൂഷ നൽകി വിട്ടയച്ചു. കുട്ടിക്കാനം സ്വദേശിയുടെ വീട്ടിൽ എത്തിയവരാണ് അപകടത്തിൽപെട്ടത്. പരിക്കേറ്റവരെ നാട്ടുകാരും വിനോദസഞ്ചാരികളുമാണ് ആശുപത്രിയിൽ എത്തിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.