കാസർകോട്: വോർക്കാടിയിൽ യു.ഡി.എഫ് പ്രവർത്തകർ ആക്രമിക്കാൻ ശ്രമിച്ചെന്നാരോപിച്ച് പി. കരുണാകരൻ എം.പി ജില്ലാ പൊലീസ് മേധാവിക്ക് പരാതി നൽകി. വോർക്കാടി പഞ്ചായത്തിലെ എൽ.ഡി.എഫ് കുടുംബയോഗങ്ങൾ കഴിഞ്ഞ് വെള്ളിയാഴ്ച രാത്രി കാസർകോട്ടേക്ക് വരുമ്പോൾ വോർക്കാടി ബാക്രബയലിൽ വെച്ച് ഒരുസംഘം ആളുകൾ വാഹനം തടഞ്ഞ് തന്നെയും ഒപ്പമുണ്ടായിരുന്ന എൽ.ഡി.എഫ് നേതാക്കളെയും ഭീഷണിപ്പെടുത്തുകയായിരുന്നു.
രാഷ്ട്രീയ പ്രവർത്തകരുടെയും ജനപ്രതിനിധികളുടെയും സഞ്ചാര സ്വാതന്ത്ര്യത്തിന് നേരെയുള്ള കടന്നാക്രമണം കൂടിയാണിതെന്നും എം.പി പ്രസ്താവനയിൽ പറഞ്ഞു. തന്നോട് കയർക്കുന്ന രംഗം മൊബൈലിൽ പകർത്തിയ സംഘം സോഷ്യൽ മീഡിയയിലൂടെ അപവാദ പ്രചാരണവും നടത്തുന്നുണ്ട്. ഇവിടെ പഞ്ചായത്തിലേക്ക് മത്സരിക്കുന്ന പട്ടികജാതി വനിതാ സ്ഥാനാർഥിയെയും യു.ഡി.എഫുകാർ ഭീഷണിപ്പെടുത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.