കൊച്ചി: സിനിമ നടി ലിസിയുടെ പിതാവെന്ന് അവകാശപ്പെട്ട് ജീവനാംശം തേടി നല്‍കിയ ഹരജികളുടെ വിശദാംശങ്ങളും രേഖകളും ഹാജരാക്കാന്‍ സര്‍ക്കാറിന് ഹൈകോടതി നിര്‍ദേശം. ലിസിയുടെ പിതാവാണെന്ന് തെളിയിക്കാന്‍ ശാസ്ത്രീയ പരിശോധന നടത്താന്‍ നിര്‍ദേശം നല്‍കണമെന്ന ഹരജിയുമായി ബന്ധപ്പെട്ട വിശദാംശങ്ങള്‍ നല്‍കാനും കോടതി ഉത്തരവിട്ടു. നേരത്തേ ലിസി ജീവനാംശം നല്‍കണമെന്ന് ആവശ്യപ്പെട്ട് ആര്.ഡി.ഒ കോടതിയെ സമീപിക്കുകയും അനുകൂല ഉത്തരവ് സമ്പാദിക്കുകയും ചെയ്ത മൂവാറ്റുപുഴ സ്വദേശി എന്‍.ഡി. വര്‍ക്കി നല്‍കിയ ഹരജിയിലാണ് സിംഗിള്‍ ബെഞ്ചിന്‍െറ ഉത്തരവ്.
അതേസമയം, കോടതിയുടെ പരിഗണനയിലുള്ള കേസുകളില്‍ കക്ഷിചേരാന്‍ അനുമതിതേടി ലിസിയുടെ മാതാവ് ഏലിയാമ്മയും കോടതിയില്‍ അപേക്ഷ നല്‍കി. ജീവനാംശം നല്‍കാന്‍ ആര്.ഡി.ഒ കോടതിവിധി ഉണ്ടായെങ്കിലും ഹരജിക്കാരന്‍ പിതാവല്ളെന്ന് ചൂണ്ടിക്കാട്ടി ലിസി വീണ്ടും നിയമനടപടി തുടരുന്ന സാഹചര്യത്തിലാണ് പിതൃത്വപരിശോധന നടത്താന്‍ ഉത്തരവിടണമെന്ന് ആവശ്യപ്പെട്ട് എന്‍.ഡി. വര്‍ക്കി കോടതിയിലത്തെിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.