തിരുവനന്തപുരം: ലാവ് ലിന്‍ കേസില്‍ പൊളിറ്റ് ബ്യൂറോ അംഗം പിണറായി വിജയനെതിരായ സര്‍ക്കാര്‍ നീക്കം രാഷ്ട്രീയ പ്രേരിതമാണെന്ന് സി.പി.എം. നിയമസഭാ തെരഞ്ഞടുപ്പ് മുന്നില്‍ കണ്ട് ഉമ്മന്‍ ചാണ്ടി സൃഷ്ടിച്ച നാടകമാണിതെന്ന് സി.പി.എം നേതാവ് പി. ജയരാജന്‍ പറഞ്ഞു. ഉമ്മന്‍ ചാണ്ടി സോളാര്‍ അഴിമതി ആരോപണം നേരിടുന്ന സാഹചര്യത്തിൽ പുതിയ സംഭവങ്ങള്‍ കെട്ടിച്ചമക്കുകയാണ് കോണ്‍ഗ്രസെന്നും ജയരാജന്‍ ആരോപിച്ചു.
സി.പി.എമ്മിനെതിരെയുള്ള രാഷ്ട്രീയ ഗൂഢാലോചനയാണിതെന്ന് പൊളിറ്റ് ബ്യൂറോ അംഗം എസ്. രാമചന്ദ്രൻ പിള്ള പറഞ്ഞു. ഗൂഢാലോചനയിലേക്ക് ഉമ്മൻചാണ്ടി കോടതിയെ കൂടി വലിച്ചിഴക്കുകയാണെന്നും എസ്.ആർ.പി കുറ്റപ്പെടുത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.