ചോറ്റാനിക്കര കോട്ടയത്തുപാറ സ്വദേശി മോഹനന്റെ വീടിന്റെ അടക്കുളഭാഗത്തെ ഇരുമ്പ് ഗ്രില്‍ മോഷ്ടാക്കള്‍ തകര്‍ത്ത നിലയില്‍
ചോറ്റാനിക്കര: വീട്ടുകാർ കുമ്പസാരത്തിനു പോയ സമയത്ത് വീട് കുത്തിത്തുറന്ന് 11 ലക്ഷം രൂപ വിലമതിക്കുന്ന 25 പവന്‍ സ്വര്‍ണവും 15,000 രൂപയും മോഷ്ടിച്ചു. കോട്ടയത്തുപാറ കോളനിപ്പടി എ.പി.വര്‍ക്കി റോഡില്‍ ഞാളിയത്ത് മോഹനന്‍ തോമസിന്റെ വീട്ടിലാണ് മോഷണം നടന്നത്.
വ്യാഴാഴ്ച വൈകീട്ട് 6.30 ഓടെ മോഹനനും ഭാര്യ ജെസി ടീച്ചറും എരുവേലി പള്ളിയില്‍ കുമ്പസാരത്തിനു പോയതായിരുന്നു. രാത്രി 9 മണിയോടെ തിരിച്ചെത്തിയപ്പോഴാണ് വാതില്‍ തുറന്നു കിടക്കുന്നത് ശ്രദ്ധയില്‍പ്പെട്ടത്. മുറിയിലെ അലമാരയും തുറന്നു കിടക്കുന്ന നിലയിലായിരുന്നു. പരിശോധിച്ചപ്പോഴാണ് സ്വര്‍ണവും പണവും മോഷണം പോയതായി കണ്ടെത്തിയത്.
അടുക്കളയുടെ ഭാഗത്തെ ഇരുമ്പ് ഗ്രില്‍ തകര്‍ത്താണ് കള്ളന്‍ അകത്തേക്ക് പ്രവേശിച്ചതെന്ന് കരുതുന്നു. ചോറ്റാനിക്കര പോലീസ് കേസെടുത്ത് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.