ആദിവാസി യുവതിക്ക് ജീപ്പിൽ സുഖപ്രസവം

കോ​ന്നി: ആ​ശു​പ​ത്രി​യി​ലേ​ക്ക് വ​രും​വ​ഴി ആ​വ​ണി​പ്പാ​റ ആ​ദി​വാ​സി കോ​ള​നി​യി​ലെ യു​വ​തി ജീ​പ്പി​നു​ള്ളി​ൽ ആ​ൺ​കു​ഞ്ഞി​ന് ജ​ന്മം ന​ൽ​കി. ഞാ​യ​റാ​ഴ്ച രാ​വി​ലെ ഏ​ഴ​ര​യോ​ടെ ആ​യി​രു​ന്നു സം​ഭ​വം. ആ​വ​ണി​പ്പാ​റ ആ​ദി​വാ​സി കോ​ള​നി​യി​ൽ താ​മ​സി​ക്കു​ന്ന സ​ജി​ത​യാ​ണ് (20) പ്ര​സ​വി​ച്ച​ത്. തി​ങ്ക​ളാ​ഴ്ച സ​ജി​ത​യെ ആ​ശു​പ​ത്രി​യി​ൽ പ്ര​വേ​ശി​പ്പി​ക്കാ​നി​രി​ക്കെ ഞാ​യ​റാ​ഴ്ച വേ​ദ​ന​യെ​ത്തു​ട​ർ​ന്ന് ബ​ന്ധു​ക്ക​ൾ ആ​വ​ണി​പ്പാ​റ ആ​ദി​വാ​സി കോ​ള​നി​യി​ലെ ട്രൈ​ബ​ൽ പ്ര​മോ​ട്ട​ർ ഹ​രി​ത​യെ വി​വ​രം അ​റി​യി​ച്ചു. ഇ​വ​ർ എ​ത്തി യു​വ​തി​യെ ജീ​പ്പി​ൽ ക​ല്ലേ​ലി - ആ​വ​ണി​പ്പാ​റ റോ​ഡി​ലെ ദു​ർ​ഘ​ട വ​ന​പാ​ത​യി​ലൂ​ടെ കോ​ന്നി​യി​ലേ​ക്ക് പു​റ​പ്പെ​ട്ടു.

എ​ന്നാ​ൽ, മ​ണ്ണാ​റ​പ്പാ​റ വ​ന​ഭാ​ഗ​ത്ത് എ​ത്തി​യ​പ്പോ​ൾ യു​വ​തി പ്ര​സ​വി​ക്കു​ക​യാ​യി​രു​ന്നു. ഉ​ട​ൻ കോ​ന്നി താ​ലൂ​ക്ക് ആ​ശു​പ​ത്രി​യി​ലെ 108 ആം​ബു​ല​ൻ​സി​ൽ കൊ​ക്കാ​ത്തോ​ട് പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ലെ ന​ഴ്സ് സ​ജി​ത, എം.​ബി.​ബി.​എ​സ് വി​ദ്യാ​ർ​ഥി​നി​യാ​യ മ​ക​ളെ​യും കൂ​ട്ടി സ്ഥ​ല​ത്തെ​ത്തി പ്രാ​ഥ​മി​ക ശു​ശ്രൂ​ഷ​ക​ൾ ന​ൽ​കി. അ​മ്മ​യെ​യും കു​ഞ്ഞി​നെ​യും കോ​ന്നി താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ചു. പി​ന്നീ​ട് തു​ട​ർ ചി​കി​ത്സ​ക്ക്​ പ​ത്ത​നം​തി​ട്ട ജ​ന​റ​ൽ ആ​ശു​പ​ത്രി​യി​ലേ​ക്ക് മാ​റ്റു​ക​യു​മാ​യി​രു​ന്നു. അ​മ്മ​യും കു​ഞ്ഞും പൂ​ർ​ണ ആ​രോ​ഗ്യ​ത്തോ​ടെ​യി​രി​ക്കു​ന്ന​താ​യി ആ​ശു​പ​ത്രി അ​ധി​കൃ​ത​ർ അ​റി​യി​ച്ചു.