തിരുവനന്തപുരം: സംസ്ഥാനത്ത് ബി.ജെ.പി ഗൗരവമേറിയ മത്സരം നടത്തുന്നു എന്ന തോന്നലുണ്ടാക്കിയില്ലെന്ന് സി.പി.എം ആക്ടിങ് സെക്രട്ടറി എ.വിജയരാഘവൻ. ത്രികോണ മത്സരമുണ്ടാക്കാൻ ബി.ജെ.പിക്ക് കഴിഞ്ഞില്ലെന്നും ബി.ജെ.പി സ്ഥാനാർഥികളുടെ പത്രിക തള്ളിയത് ഗൗരവമേറിയ മത്സരം നടത്തുന്നു എന്ന തോന്നലുണ്ടാക്കിയില്ലെന്നും വിജയരാഘവൻ പറഞ്ഞു. കോൺഗ്രസും ബി.ജെ.പിയും വോട്ട് വിനിമയത്തിലായിരുന്നു. എന്നാലും അതിന്‍റെ മുകളിൽ ജയിക്കാൻ എൽ.ഡി.എഫിന് സാധിക്കുമെന്നും വിജയരാഘവൻ പറഞ്ഞു.
ഈ തെരഞ്ഞെടുപ്പിൽ രാഷ്ട്രീയത്തെ മാറ്റി വിശ്വാസത്തെ കൊണ്ടുവരാൻ ശ്രമിച്ചത് കോൺഗ്രസിന് തിരിച്ചടിയാവും. വിശ്വാസികൾ ഇടതുപക്ഷത്തോടൊപ്പമാകും. തെരഞ്ഞെടുപ്പിൽ ബി.ജെ.പി സംഘർഷമുണ്ടാക്കി. എങ്കിലും പൊതുവേ സമാധാന പരമായിരുന്നു ഇക്കുറി തെരഞ്ഞെടുപ്പ്. എൻ.എസ്.എസ് നേതൃത്വം ഇടതുപക്ഷ വിരുദ്ധത തെളിയിച്ചു. സമദൂരത്തിൽ നിന്നുമുള്ള വ്യത്യാസമാണിത്. പക്ഷേ, സുകുമാരൻ നായർ പ്രതിനിധീകരിക്കുന്ന സമുദായം ഇടതുപക്ഷത്തിന് വോട്ട് ചെയ്യുമെന്നും വിജയരാഘവൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.