പഴുതടച്ച തെളിവുതേടൽ; വ്യാ​ഴാ​ഴ്ച​ അ​ന്വേ​ഷ​ണ സം​ഘം ഹൈ​കോ​ട​തി​യി​ൽ റി​പ്പോ​ർ​ട്ട് നൽകും

കൊ​ച്ചി: ന​ടി​യെ ആ​ക്ര​മി​ച്ച കേ​സി​ലെ അ​ന്വേ​ഷ​ണ സം​ഘ​ത്തെ വ​ക​വ​രു​ത്താ​ൻ ഗൂ​ഢാ​ലോ​ച​ന ന​ട​ത്തി​യെ​ന്ന കേ​സി​ൽ പ്ര​തി​ക​ൾ​ക്ക് മു​ന്നി​ൽ ല​ഭ്യ​മാ​യ തെ​ളി​വു​ക​ൾ നി​ര​ത്തി മൂ​ന്നാം​ദി​വ​സ​ത്തെ ചോ​ദ്യം​ചെ​യ്യ​ൽ. ആ​ദ്യ ര​ണ്ട് ദി​വ​സ​ത്തെ മൊ​ഴി​ക​ളി​ലെ വൈ​രു​ധ്യ​ങ്ങ​ൾ ചൂ​ണ്ടി​ക്കാ​ട്ടി, ഡി​ജി​റ്റ​ൽ രേ​ഖ​ക​ളു​ടെ പി​ൻ​ബ​ല​ത്തി​ൽ തെ​ളി​വു​ക​ൾ ബ​ല​പ്പെ​ടു​ത്താ​നാ​ണ് അ​ന്വേ​ഷ​ണ സം​ഘ​ത്തി​ന്‍റെ അ​വ​സാ​ന മ​ണി​ക്കൂ​റു​ക​ളി​ലെ ന​ട​പ​ടി​ക​ൾ. സം​വി​ധാ​യ​ക​ൻ ബാ​ല​ച​ന്ദ്ര​കു​മാ​റി​ൽ​നി​ന്ന്​ ല​ഭി​ച്ച ശ​ബ്ദ​രേ​ഖ​ക​ള​ട​ക്കം തെ​ളി​വു​ക​ൾ നിരത്തി ചോ​ദ്യം ചെ​യ്തെ​ന്നാ​ണ് വി​വ​രം.

മൂ​ന്നാം ദി​വ​സ​വും രാ​വി​ലെ ഒ​മ്പ​തു​മു​ത​ൽ രാത്രി എ​ട്ടു​വ​രെ ചോ​ദ്യം​ചെ​യ്തതോ​ടെ കോ​ട​തി അ​നു​വ​ദി​ച്ച 33 മ​ണി​ക്കൂ​ർ അ​വ​സാ​നി​ച്ചു. ഒ​ന്നാം ദി​വ​സ​ത്തെ ചോ​ദ്യം​ചെ​യ്യ​ലി​ൽ ദി​ലീ​പ് വീ​ട്ടി​ലി​രു​ന്ന് സം​സാ​രി​ക്കു​ന്ന മൊ​ഴിയാണ് പ്ര​തി​ക​ളെ കേ​ൾ​പ്പി​ച്ച​ത്. ചൊ​വ്വാ​ഴ്ച വാ​ട്സ്​​ആ​പ് സ​ന്ദേ​ശ​ങ്ങ​ൾ, ഫോ​ൺ​വിളി രേ​ഖ​ക​ൾ എ​ന്നി​വ​യ​ട​ക്കം തെ​ളി​വു​ക​ളും നി​ര​ത്തി ചോ​ദ്യം​ചെ​യ്തു. അ​തേ​സ​മ​യം, സ​ത്യ​വാ​ങ്മൂ​ല​ത്തി​ലെ വി​വ​ര​ങ്ങ​ളി​ൽ​ത​ന്നെ ദി​ലീ​പ് ഉ​റ​ച്ചു​നി​ന്ന​താ​യാ​ണ് സൂ​ച​ന. വ്യാ​ഴാ​ഴ്ച​ അ​ന്വേ​ഷ​ണ സം​ഘം ഹൈ​കോ​ട​തി​യി​ൽ റി​പ്പോ​ർ​ട്ട് നൽകും.

ഡി​ജി​റ്റ​ൽ തെ​ളി​വു​ക​ളി​ലു​ള്ള​ത് ദി​ലീ​പ​ട​ക്കം പ്ര​തി​ക​ളു​ടെ ശ​ബ്ദ​മാണെ​ന്ന് ഉ​റ​പ്പി​ക്കാ​ൻ സു​ഹൃ​ത്തും സം​വി​ധാ​യ​ക​നു​മാ​യ വ്യാ​സ​ൻ എ​ട​വ​ന​ക്കാ​ടി​നെ ചൊ​വ്വാ​ഴ്ച വി​ളി​ച്ചു​വ​രു​ത്തി. ശ​ബ്ദം ദി​ലീ​പി​ന്‍റേ​ത് ത​ന്നെ​യെ​ന്ന് വ്യാ​സ​ൻ തി​രി​ച്ച​റി​ഞ്ഞി​ട്ടു​ണ്ട്. കേ​സി​നെ​ക്കു​റി​ച്ച് ഒ​ന്നും അ​റി​യി​ല്ലെ​ന്ന് വ്യാ​സ​ൻ പ്ര​തി​ക​രി​ച്ചു.

പ്ര​തി​ക​ൾ ഗൂ​ഢാ​ലോ​ച​ന ന​ട​ത്തി​യെ​ന്ന് തെ​ളി​വു​ക​ളു​ടെ അ​ടി​സ്ഥാ​ന​ത്തി​ൽ കോ​ട​തി​യെ ബോ​ധ്യ​പ്പെ​ടു​ത്തു​ക​യാ​ണ് അ​ന്വേ​ഷ​ണ സം​ഘ​ത്തി​ന്‍റെ മു​ഖ്യ​ല​ക്ഷ്യം. ഇ​തി​നാ​യി ശ​ബ്ദ​രേ​ഖ​യി​ലു​ള്ള​ത് പ്ര​തി​ക​ളു​ടേ​ത് ത​ന്നെ​യാ​ണെ​ന്ന് സ്വ​ത​ന്ത്ര മൊ​ഴി​ക​ളി​ലൂ​ടെ സ്ഥി​രീ​ക​രി​ക്കാ​നാ​ണ് വ്യാ​സ​ന​ട​ക്ക​മു​ള്ള​വ​രെ വി​ളി​ച്ചു​വ​രു​ത്തി​യ​ത്. തി​ങ്ക​ളാ​ഴ്ച തി​ര​ക്ക​ഥാ​കൃ​ത്ത് റാ​ഫി​യെ​യും വി​ളി​ച്ചു​വ​രു​ത്തി​യി​രു​ന്നു.

അ​തേ​സ​മ​യം, പ്ര​തി​ക​ൾ ചോ​ദ്യം​ചെ​യ്യ​ലി​നോ​ട് സ​ഹ​ക​രി​ച്ചെന്നാ​ണ് അ​ന്വേ​ഷ​ണ സം​ഘം വ്യ​ക്ത​മാ​ക്കി​യ​ത്. കേ​സി​ലെ നാ​ലും അ​ഞ്ചും പ്ര​തി​ക​ളാ​യ ദി​ലീ​പി​ന്‍റെ സു​ഹൃ​ത്ത് ബൈ​ജു ചെ​ങ്ങ​മ​നാ​ട്, അ​പ്പു എ​ന്നി​വ​രാ​ണ് മൂ​ന്നാം​ദി​ന​ത്തി​ലെ ചോ​ദ്യം ചെ​യ്യ​ലി​ന് ആ​ദ്യം ക​ള​മ​ശ്ശേ​രി ക്രൈം​ബ്രാ​ഞ്ച് ഓ​ഫി​സി​ലെ​ത്തി​യ​ത്. ഒ​മ്പ​തോ​ടെ ഒ​ന്നു​മു​ത​ൽ മൂ​ന്നു​വ​രെ പ്ര​തി​ക​ളാ​യ ന​ട​ൻ ദി​ലീ​പ്, സ​ഹോ​ദ​ര​ൻ അ​നൂ​പ്, സ​ഹോ​ദ​രീ ഭ​ർ​ത്താ​വ് സു​രാ​ജ് എ​ന്നി​വ​രു​മെ​ത്തി. ഉ​ച്ച​യോ​ടെ എ.​ഡി.​ജി.​പി എ​സ്. ശ്രീ​ജി​ത്ത് എ​ത്തി ചോ​ദ്യം​ചെ​യ്യ​ലി​ലെ പു​രോ​ഗ​തി വി​ല​യി​രു​ത്തി.

ല​ഭി​ച്ച വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ പു​തി​യ റി​പ്പോ​ർ​ട്ട് ത​യാ​റാ​ക്കു​ക​യാ​ണ് ഉ​ദ്യോ​ഗ​സ്ഥ​ർ. ചി​ല ഡി​ജി​റ്റ​ൽ തെ​ളി​വു​ക​ളു​ടെ ശാ​സ്ത്രീ​യ പ​രി​ശോ​ധ​ന റി​പ്പോ​ർ​ട്ട് കി​ട്ടി​യി​ട്ടു​ണ്ടെ​ന്ന് ക്രൈം​ബ്രാ​ഞ്ച് എ.​ഡി.​ജി.​പി എ​സ്. ശ്രീ​ജി​ത്ത് പ​റ​ഞ്ഞു. വ്യാ​ഴാ​ഴ്ച അ​ന്വേ​ഷ​ണ​സം​ഘം സ​മ​ർ​പ്പി​ക്കു​ന്ന റി​പ്പോ​ർ​ട്ടി​ന്‍റെ​കൂ​ടി അ​ടി​സ്ഥാ​ന​ത്തി​ലാ​യി​രി​ക്കും ദി​ലീ​പി​ന്‍റെ മു​ൻ​കൂ​ർ ജാ​മ്യ​ഹ​ര​ജി​യി​ൽ ഹൈ​കോ​ട​തി വി​ധി പ​റ​യു​ക. 

മൊഴിയെടുപ്പ് തീരുമാനം മാറ്റി

കൊ​ച്ചി: അ​ന്വേ​ഷ​ണ സം​ഘ​ത്തെ വ​ക​വ​രു​ത്താ​ൻ ന​ട​ൻ ദി​ലീ​പ​ട​ക്കം പ്ര​തി​ക​ൾ ഗൂ​ഢാ​ലോ​ച​ന ന​ട​ത്തി​യെ​ന്ന കേ​സി​ൽ മൊ​ഴി​യെ​ടു​ക്കാ​ൻ സം​വി​ധാ​യ​ക​ൻ ബാ​ല​ച​ന്ദ്ര​കു​മാ​റി​നെ വി​ളി​ച്ചു​വ​രു​ത്താ​നു​ള​ള തീ​രു​മാ​നം ക്രൈം​ബ്രാ​ഞ്ച് മാ​റ്റി. ദി​ലീ​പി​നും മ​റ്റ് പ്ര​തി​ക​ൾ​ക്കു​മൊ​പ്പ​മി​രു​ത്തി മൊ​ഴി​യെ​ടു​ക്കാ​നാ​യി​രു​ന്നു തീ​രു​മാ​നം. ബാ​ല​ച​ന്ദ്ര​കു​മാ​റി​ന്‍റെ വെ​ളി​പ്പെ​ടു​ത്ത​ലു​ക​ളാ​യി​രു​ന്നു പു​തി​യ കേ​സി​ന് വ​ഴി​വെ​ച്ച​ത്.

എ​ന്നാ​ൽ, നി​ല​വി​ലെ സാ​ഹ​ച​ര്യ​ത്തി​ൽ ബാ​ല​ച​ന്ദ്ര​കു​മാ​റി​നെ പ്ര​തി​ക​ൾ​ക്കൊ​പ്പ​മി​രു​ത്തി ചോ​ദ്യം​ചെ​യ്യു​ന്ന​ത് ഉ​ചി​ത​മാ​കി​ല്ലെ​ന്ന വി​ല​യി​രു​ത്ത​ലി​ന്‍റെ അ​ടി​സ്ഥാ​ന​ത്തി​ലാ​ണ് തീ​രു​മാ​നം മാ​റ്റി​യ​ത്. റി​പ്പോ​ർ​ട്ട് കോ​ട​തി​യി​ൽ സ​മ​ർ​പ്പി​ച്ച​ശേ​ഷം വെ​ള്ളി​യാ​ഴ്ച​യോ തു​ട​ർ​ന്നു​ള്ള ദി​വ​സ​ങ്ങ​ളി​ലോ ഇ​ദ്ദേ​ഹ​ത്തെ വി​ളി​ച്ചു​വ​രു​ത്തി​യേ​ക്കും. പ്ര​തി​ക​ളു​ടെ മൊ​ഴി​ക​ളി​ൽ ല​ഭി​ച്ച വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലു​ള്ള കാ​ര്യ​ങ്ങ​ളാ​യി​രി​ക്കും ബാ​ല​ച​ന്ദ്ര​കു​മാ​റി​നോ​ട് ചോ​ദി​ച്ച​റി​യു​ക.

അ​തി​നി​ടെ പ്ര​തി​ക​ളു​ടെ ഒ​രു​വ​ർ​ഷ​ത്തെ ഫോ​ൺ​വിളി രേ​ഖ​ക​ൾ ക്രൈം​ബ്രാ​ഞ്ച് ശേ​ഖ​രി​ച്ചി​ട്ടു​ണ്ട്. ഇ​തി​ൽ കൂ​ടു​ത​ൽ​ത​വ​ണ വി​ളി​ച്ച​വ​രെ പ്ര​ത്യേ​കം തെ​ര​ഞ്ഞെ​ടു​ത്ത് മൊ​ഴി​യെ​ടു​ക്കു​ം. അ​ന്വേ​ഷ​ണ സം​ഘ​ത്തി​നെ​തി​രാ​യ ഗൂ​ഢാ​ലോ​ച​ന​യി​ൽ ഇ​വ​രി​ൽ ഉ​ൾ​പ്പെ​ട്ടി​ട്ടു​ണ്ടോ​യെ​ന്ന​ത​ട​ക്ക​മു​ള്ള വി​വ​ര​ങ്ങ​ൾ പ​രി​ശോ​ധി​ക്കു​ക​യാ​ണ്.