തിരുവനന്തപുരം: സംസ്ഥാനത്ത് വീണ്ടും കോലീബി സഖ്യം (കോൺഗ്രസ്-ലീഗ്-ബി.ജെ.പി) തിരിച്ചുകൊണ്ടുവരാനുള്ള ശ്രമമാണ് നടക്കുന്നതെന്ന് മുഖ്യമന്ത്രി പിണറായി വിജയൻ. സ്വർണക്കടത്ത് കേസിൽ കേന്ദ്ര മന്ത്രി വി. മുരളീധരനെതിരെ എൻഫോഴ്സ്മെൻറ് ഡയറക്ടറേറ്റിന് പരാതി ലഭിച്ചിട്ടുണ്ടെങ്കിലും അദ്ദേഹത്തിനെതിരെ കോൺഗ്രസ് എന്തുകൊണ്ട് പ്രതികരിക്കുന്നില്ല എന്ന മാധ്യമപ്രവർത്തകരുടെ ചോദ്യത്തിന് മറുപടി പറയുകയായിരുന്നു മുഖ്യമന്ത്രി.
പുതിയ സാഹചര്യം നോക്കുകയാണെങ്കിൽ ഇതൊരു സ്വാഭാവികമായ രീതി മാത്രമാണ്. ബി.ജെ.പി നേതാവ് രാവിലെ പറയുന്നതാണ് കുറച്ചുകഴിഞ്ഞ് കോൺഗ്രസ് പറയുന്നത്. അല്ലെങ്കിൽ തിരിച്ചും സംഭവിക്കുന്നു. പറച്ചിലിൽ മാത്രമല്ല, പ്രവൃത്തികളിലും ഇതുപോലെ തന്നെയാണ്.
സംസ്ഥാനത്ത് നേരത്തെയുണ്ടായിരുന്ന ശക്തമായ കോലീബി സഖ്യം തിരിച്ചുകൊണ്ടുവരാനുള്ള ശ്രമമാണ് നടക്കുന്നത്. അതിെൻറ ഒരുഭാഗം ഇപ്പോൾ വന്നുകഴിഞ്ഞു. അതുകൊണ്ടാണ് ഇവർ പരസ്പരം ആക്രമിക്കാൻ തുനിയാത്തതെന്നും മുഖ്യമന്ത്രി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.