വധശ്രമം: ഒളിവിലായിരുന്ന ഒന്നാം പ്രതി അറസ്റ്റിൽ

​​കോ​ഴ​ഞ്ചേ​രി: എ​ക്സൈ​സു​കാ​ർ​ക്ക് ഒ​റ്റി​ക്കൊ​ടു​ത്തു എ​ന്ന​തി​ലു​ള്ള വി​രോ​ധ​ത്തി​ൽ വ​യോ​ധി​ക​നെ വീ​ടു​ക​യ​റി കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ ഒ​ളി​വി​ലാ​യി​രു​ന്ന ഒ​ന്നാം പ്ര​തി​യെ കോ​യി​പ്രം പൊ​ലീ​സ് പി​ടി​കൂ​ടി.

കോ​യി​പ്രം നെ​ല്ലി​മ​ല വ​ട​ക്കേ​ക്കാ​ലാ​യി​ൽ വീ​ട്ടി​ൽ വി​വേ​ക് പ്ര​ദീ​പാ​ണ്​ (18) അ​റ​സ്റ്റി​ലാ​യ​ത്. ഇ​യാ​ൾ​ക്കെ​തി​രെ തി​രു​വ​ല്ല എ​ക്സൈ​സി​ൽ ക​ഞ്ചാ​വ് കേ​സ് നി​ല​വി​ലു​ണ്ട്. വി​വേ​കി​ന്‍റെ പി​താ​വും ര​ണ്ടാം പ്ര​തി​യു​മാ​യ പ്ര​ദീ​പി​നെ നേ​ര​ത്തേ പി​ടി​കൂ​ടി​യി​രു​ന്നു. ആ​ക്ര​മ​ണ​ത്തി​ൽ നെ​ല്ലി​മ​ല അ​ട​പ്പ​നാം​ക​ണ്ട​ത്തി​ൽ വീ​ട്ടി​ൽ സാം​കു​ട്ടി എ​ബ്ര​ഹാ​മി​നാ​ണ്​ (മാ​ത്തു​ക്കു​ട്ടി -63) ത​ല​ക്കും മു​ഖ​ത്തും ക​ഴു​ത്തി​നും ഗു​രു​ത​ര പ​രി​ക്കേ​റ്റ​ത്. 21ന് ​ഉ​ച്ച​ക്ക്​ വീ​ട്ടി​ൽ ഭ​ക്ഷ​ണം ക​ഴി​ച്ചു​കൊ​ണ്ടി​രി​ക്ക​വെ അ​തി​ക്ര​മി​ച്ചു​ക​യ​റി കു​പ്പി​ഗ്ലാ​സ് അ​ടി​ച്ചു​പൊ​ട്ടി​ച്ച​ശേ​ഷം കു​ത്തി​പ്പ​രി​ക്കേ​ൽ​പി​ച്ചു.

ര​ണ്ടാം പ്ര​തി പ്ര​ദീ​പ് മേ​ശ​പ്പു​റ​ത്തി​രു​ന്ന കു​പ്പി​ഗ്ലാ​സ് എ​ടു​ത്ത് മു​ഖ​ത്തും ക​ഴു​ത്തി​ലും അ​ടി​ക്കു​ക​യാ​യി​രു​ന്നു. പ്ര​ദീ​പി​നെ ഇ​യാ​ളു​ടെ വീ​ടി​നു​സ​മീ​പ​ത്തു​നി​ന്നും പൊ​ലീ​സ് പി​ടി​കൂ​ടി​യി​രു​ന്നു.

വി​വേ​കി​നെ സം​ഭ​വ​സ്ഥ​ല​ത്ത് എ​ത്തി​ച്ച് തെ​ളി​വെ​ടു​പ്പ് ന​ട​ത്തി കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു. കോ​യി​പ്രം ഇ​ൻ​സ്‌​പെ​ക്ട​ർ സ​ജീ​ഷ് കു​മാ​റി​നെ കൂ​ടാ​തെ എ​സ്.​ഐ ഉ​ണ്ണി​കൃ​ഷ്ണ​ൻ, സി.​പി.​ഒ​മാ​രാ​യ ഷ​ബാ​ന അ​ഹ​മ്മ​ദ്‌, ജോ​ബി​ൻ, ബ്ലെ​സ​ൺ എ​ന്നി​വ​ര​ട​ങ്ങി​യ സം​ഘ​മാ​ണ്​ കേ​സ്​ അ​ന്വേ​ഷി​ച്ച​ത്.