മുറിക്കുന്നതിനിടെ തൊഴിലാളി മരത്തിൽ കുടുങ്ങി, അഗ്നിശമനസേന​ രക്ഷിച്ചു; പ്രതിപക്ഷ നേതാവിന്‍റെ ഔദ്യോഗിക വസതിയിലാണ് സംഭവം

തി​രു​വ​ന​ന്ത​പു​രം: പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ന്‍റെ ഔ​ദ്യോ​ഗി​ക വ​സ​തി​യാ​യ ക​ന്‍റോ​ൺ​മെ​ന്‍റ്​ ഹൗ​സി​ലെ പ​റ​മ്പി​ൽ ആ​ൽ​മ​രം മു​റി​ക്ക​വേ കൈ ​മ​ര​ത്തി​നി​ട​യി​ൽ കു​ടു​ങ്ങി​യ തൊ​ഴി​ലാ​ളി​യെ അ​ഗ്നി​ശ​മ​ന​സേ​ന സാ​ഹ​സി​ക​മാ​യി ര​ക്ഷ​പ്പെ​ടു​ത്തി. ആ​ര്യ​നാ​ട്​ പു​ളി​മൂ​ട്​ സ്വ​ദേ​ശി രാ​ധാ​കൃ​ഷ്ണ​നാ​ണ്​ (48) പ​രി​ക്കേ​റ്റ​ത്.

70 അ​ടി ഉ​യ​ര​മു​ള്ള ആ​ൽ​മ​ര​ത്തി​ന്റെ കൊ​മ്പ് മു​റി​ക്കു​ന്ന​തി​നി​ടെ സ​മീ​പ​ത്തു​ള്ള ആ​ഞ്ഞി​ലി മ​ര​ത്തി​ന്റെ​യും ആ​ൽ​മ​ര​ത്തി​ന്റെ​യും ശി​ഖ​ര​ങ്ങ​ൾ​ക്കി​ട​യി​ൽ കൈ ​കു​ടു​ങ്ങു​ക​യാ​യി​രു​ന്നു.

അ​ഗ്​​നി​ശ​മ​ന സേ​നാം​ഗ​ങ്ങ​ളാ​യ ജീ​വ​ൻ, അ​നു, ശ്രീ​രാ​ജ് എ​ന്നി​വ​ർ ഏ​ണി​യും ക​യ​റും ഉ​പ​യോ​ഗി​ച്ച്​ മ​ര​ത്തി​നു മു​ക​ളി​ലെ​ത്തി അ​വ​ശ​നാ​യ രാ​ധാ​കൃ​ഷ്ണ​നെ മ​ര​ത്തി​നോ​ട് ചേ​ർ​ത്ത്​ ചു​റ്റി​നി​ർ​ത്തി. കൈ ​കു​ടു​ങ്ങി​യ ശി​ഖ​രം മു​റി​ച്ചു​മാ​റ്റി​യ​ശേ​ഷം തൊ​ഴി​ലാ​ളി​യെ വ​ല​യി​ലാ​ക്കി സു​ര​ക്ഷി​ത​മാ​യി നി​ല​ത്തി​റ​ക്കി. തു​ട​ർ​ന്ന് ഇ​ദ്ദേ​ഹ​ത്തെ ആ​ശു​പ​ത്രി​യി​ലെ​ത്തി​ച്ചു.

അ​സി​സ്റ്റ​ന്റ് സ്റ്റേ​ഷ​ൻ ഓ​ഫി​സ​ർ ഷാ​ജി​ഖാ​ന്‍റെ നേ​തൃ​ത്വ​ത്തി​ലാ​യി​രു​ന്നു ര​ക്ഷാ​ദൗ​ത്യം. ര​ക്ഷാ​പ്ര​വ​ർ​ത്ത​നം ആ​ദ്യം​മു​ത​ൽ അ​വ​സാ​നം​വ​രെ നേ​രി​ൽ ക​ണ്ട പ്ര​തി​പ​ക്ഷ നേ​താ​വ് ജീ​വ​ന​ക്കാ​രെ വ​സ​തി​യി​ൽ വി​ളി​ച്ചു​വ​രു​ത്തി അ​ഭി​ന​ന്ദി​ച്ചു.