വിദ്യാഭ്യാസ മന്ത്രിയും മേയറും അറിയാൻ; ഈ ‘സ്കൂളി’ലുള്ളതും നമ്മുടെ മക്കളാണ് സർ...

തി​രു​വ​ന​ന്ത​പു​രം: പൊ​തു​വി​ദ്യാ​ഭ്യാ​സ മേ​ഖ​ല​യെ ശ​ക്തി​പ്പെ​ടു​ത്തു​ന്ന​തി​നും കു​ട്ടി​ക​ളു​ടെ സ​ർ​വ​തോ​ന്മു​ഖ​മാ​യ വി​കാ​സ​ത്തി​നും​വേ​ണ്ട പ​ഠ​ന അ​ന്ത​രീ​ക്ഷം ഒ​രു​ക്കു​മെ​ന്ന് നാ​ഴി​ക​ക്ക് നാ​ൽ​പ​തു​വ​ട്ടം പ​റ​യു​ന്ന വി​ദ്യാ​ഭ്യാ​സ​മ​ന്ത്രി​യു​ടെ​യും ന​ഗ​രം ഭ​രി​ക്കു​ന്ന മേ​യ​റു​ടെ​യും ശ്ര​ദ്ധ​ക്ക്... ഈ ​കാ​ണു​ന്ന​താ​ണ് ബീ​മാ​പ​ള്ളി ന​ഴ്സ​റി സ്കൂ​ൾ. പു​റ​ത്ത് നി​ന്ന് നോ​ക്കു​ന്ന​വ​ർ​ക്ക് ഒ​റ്റ​നോ​ട്ട​ത്തി​ൽ മ​ത്സ്യ​ഭ​വ​ന്‍റെ കെ​ട്ടി​ട​മാ​ണെ​ന്ന് തോ​ന്നു​മെ​ങ്കി​ലും അ​ക​ത്തു​ക​യ​റി​യാ​ൽ കാ​ണാം ഒ​റ്റ​മു​റി ക്ലാ​സി​ലെ കു​രു​ന്നു​ക​ളു​ടെ വി​ങ്ങ​ലും ശ്വാ​സം മു​ട്ട​ലും. ഈ ​നാ​ലു ചു​മ​രു​ക​ൾ​ക്കി​ട​യി​ൽ ബാ​ലാ​വ​കാ​ശ നി​ഷേ​ധ​ങ്ങ​ളു​ണ്ട്, ഒ​ന്ന​ല്ല, ഒ​രു​പി​ടി. ഒ​പ്പം മാ​ലി​ന്യ​ക്കൂ​മ്പാ​ര​ത്തി​ന് ന​ടു​വി​ൽ അ​ക്ഷ​രം നു​ണ​യേ​ണ്ടി​വ​രു​ന്ന​വ​ന്‍റെ നി​ഷ്ക​ള​ങ്ക​മാ​യ നി​സ​ഹാ​യ​ത​യും.

തി​രു​വ​ന​ന്ത​പു​രം കോ​ർ​പ​റേ​ഷ​ന്‍റെ നേ​രി​ട്ടു​ള്ള നി​യ​ന്ത്ര​ണ​ത്തി​ൽ പ്ര​വ​ർ​ത്തി​ക്കു​ന്ന ഈ ​ന​ഴ്സ​റി സ്കൂ​ൾ. അ​ടി​സ്ഥാ​ന സൗ​ക​ര്യ​ങ്ങ​ളി​ല്ലാ​തെ ന​ട്ടം​തി​രി​യാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി. ബീ​മാ​പ​ള്ളി​യി​ൽ മ​ത്സ്യ​ഭ​വ​ന്‍റെ മ​റ്റ് ര​ണ്ട് ഓ​ഫി​സു​ക​ൾ​ക്ക് ന​ടു​വി​ൽ ഒ​റ്റ​മു​റി​യി​ലാ​ണ് ‘സ്കൂ​ൾ’ എ​ന്ന പേ​രി​ൽ ഒ​റ്റ​മു​റി​യി​ൽ സ്ഥാ​പ​നം പ്ര​വ​ർ​ത്തി​ക്കു​ന്ന​ത്. ക​ട​ലോ​ര​മേ​ഖ​ല​യി​ലെ സാ​ധാ​ര​ണ​ക്കാ​രു​ടെ ഒ​ന്നു​മു​ത​ൽ ആ​റു​വ​യ​സു​വ​രെ മാ​ത്രം പ്രാ​യ​മു​ള്ള മ​ക്ക​ൾ പ​ഠി​ക്കു​ന്ന ഇ​വി​ടെ നാ​ളി​തു​വ​രെ സ്കൂ​ളി​ന്‍റെ പേ​രെ​ഴു​തി​യ ബോ​ർ​ഡു​പോ​ലും സ്ഥാ​പി​ക്കാ​ൻ അ​ധി​കൃ​ത​ർ​ക്ക് ക​ഴി​ഞ്ഞി​ട്ടി​ല്ല എ​ന്ന​തി​ൽ തു​ട​ങ്ങു​ന്നു കോ​ർ​പ​റേ​ഷ​ന്‍റെ ‘വി​ക​സ​ന​പ്ര​വ​ർ​ത്ത​ന​ങ്ങ​ൾ’.

ബാ​ലാ​വ​കാ​ശ നി​ഷേ​ധ​ം തു​ട​ർ​ക്ക​ഥ

പാ​വ​പ്പെ​ട്ട കു​ടും​ബ​ത്തി​ൽ നി​ന്ന് വ​രു​ന്ന കു​ട്ടി​ക​ൾ പ​ഠി​ക്കു​ന്ന ഈ ​ന​ഴ്സ​റി സ്കൂ​ളി​ൽ കു​ട്ടി​ക​ൾ​ക്ക് ഇ​രി​ക്കാ​നു​ള്ള സൗ​ക​ര്യ​മു​ണ്ടെ​ന്ന് ഒ​ഴി​ച്ചാ​ൽ പ​ഠ​ന​ത്തി​നാ​വ​ശ്യ​മാ​യ മ​റ്റൊ​ന്നും ത​ന്നെ​യി​ല്ല. പ്രീ ​പ്രൈ​മ​റി പ​ഠ​ന​രീ​തി പൂ​ർ​ണ​മാ​യും ക​ളി​ക​ൾ​ക്ക് ഊ​ന്ന​ൽ കൊ​ടു​ക്കു​ന്ന​താ​ണ​ങ്കി​ൽ സ്കൂ​ളി​ലെ ക​രു​ന്നു​ക​ൾ ഒ​രു ക​ളി​പ്പാ​ട്ടം ക​ണ്ടി​ട്ട് അ​ഞ്ചു​വ​ർ​ഷ​മാ​കു​ന്നു. ക​ളി​സ്ഥ​ലം പോ​ലും ഇ​വ​ർ​ക്ക് നി​ഷേ​ധി​ച്ചു. കു​ട്ടി​ക​ൾ​ക്ക് ഭ​ക്ഷ​ണം ക​ഴി​ക്കാ​നു​ള്ള സ്ഥ​ലം, കൈ​ക​ഴു​കാ​നു​ള്ള പൈ​പ്പു​ക​ളോ പ്രാ​ഥ​മി​കാ​വ​ശ്യ​ങ്ങ​ൾ നി​റ​വേ​റ്റാ​നു​ള്ള ശൗ​ചാ​ല​യ​മോ എ​ന്തി​ന് ശു​ദ്ധ​മാ​യ കു​ടി​വെ​ള്ളം​പോ​ലു​മി​ല്ല. മ​ത്സ്യ​ഭ​വ​നി​ലെ ജീ​വ​ന​ക്കാ​ർ​ക്ക് അ​നു​വ​ദി​ച്ച ശൗ​ചാ​ല​യ​മാ​ണ് ഇ​പ്പോ​ൾ കു​ട്ടി​ക​ൾ ഉ​പ​യോ​ഗി​ക്കു​ന്ന​ത്. സ്കൂ​ളി​ൽ വെ​ള്ള​മി​ല്ലാ​ത്ത​തി​നാ​ൽ കു​ട്ടി​ക​ൾ​ക്ക് ശൗ​ചാ​ല​യ​ത്തി​ൽ പോ​ക​ണ​മെ​ങ്കി​ൽ ആ​യ​മാ​രോ അ​ധ്യാ​പി​ക​യോ പു​റ​ത്ത് നി​ന്ന് വെ​ള്ളം ബ​ക്ക​റ്റി​ൽ ശേ​ഖ​രി​ച്ചു​കൊ​ണ്ടു​വ​രേ​ണ്ട സ്ഥി​തി​യാ​ണ്.

2015ൽ ​ര​ക്ഷി​താ​ക്ക​ൾ നി​ര​വ​ധി അ​പേ​ക്ഷ​ക​ൾ ന​ൽ​കി​യ​തി​നെ തു​ട​ർ​ന്ന് കെ​ട്ടി​ട​ത്തി​ന് മു​ക​ളി​ൽ ടെ​റ​സ് റൂ​ഫി​ങ് ചെ​യ്തി​രു​ന്നെ​ങ്കി​ലും പ​ണി പൂ​ർ​ത്തി​യാ​കാ​ത്ത​തോ​ടെ ഇ​തെ​ല്ലാം ഇ​പ്പോ​ൾ ഉ​പ​യോ​ഗ​ശൂ​ന്യ​മാ​യ അ​വ​സ്ഥ​യി​ലാ​ണ്. ല​ക്ഷ​ങ്ങ​ളു​ടെ പ​ഠ​നോ​പ​ക​ര​ങ്ങ​ളും ക​ളി​ക്കോ​പ്പു​ക​ളു​മാ​ണ് ഭ​ര​ണാ​ധി​കാ​രി​ക​ളു​ടെ കെ​ടു​കാ​ര്യ​സ്ത​ത​മൂ​ലം ചെ​ത​ലെ​ടു​ത്ത് ന​ശി​ച്ച​ത്.

മ​ത്സ്യ​ഭ​വ​ന്‍റെ ര​ണ്ട് ഓ​ഫി​സു​ക​ൾ​ക്കും സ്കൂ​ളി​നു​മാ​യി പൊ​തു​വാ​യ ഒ​രു​ഗേ​റ്റ് മാ​ത്ര​മാ​ണ് ഉ​ള്ള​ത്. നാ​ട്ടു​കാ​രും അ​പ​രി​ചി​ത​രു​മ​ട​ക്കം പ​ല ആ​വ​ശ്യ​ങ്ങ​ൾ​ക്കും മ​ത്സ്യ​ഭ​വ​നി​ലേ​ക്ക് വ​രു​ന്ന​തി​നാ​ൽ ഗേ​റ്റ് പൂ​ട്ടി​യി​ടാ​ൻ ക​ഴി​യാ​ത്ത സാ​ഹ​ച​ര്യ​വും ഉ​ണ്ട്. ഇ​ത് കു​ട്ടി​ക​ളു​ടെ സു​ര​ക്ഷ​യി​ലും ആ​ശ​ങ്ക​യു​ണ​ർ​ത്തു​ന്ന​താ​യി ര​ക്ഷി​താ​ക്ക​ൾ പ​റ​യു​ന്നു. ക്ലാ​സ് മു​റി​യും തി​ര​ക്കേ​റി​യ റോ​ഡും ത​മ്മി​ൽ ഒ​രു മീ​റ്റ​റി​ന്‍റെ വ്യ​ത്യാ​സ​മാ​ത്രം ഉ​ള്ള​തി​നാ​ൽ ഏ​ത് സ​മ​യ​ത്തും വ​ലി​യൊ​രു അ​പ​ക​ട​മാ​ണ് ഈ ​മ​ക്ക​ളെ കാ​ത്തി​രി​ക്കു​ന്ന​ത്..

ഈ ​കു​ഞ്ഞു​ങ്ങ​ളും മ​നു​ഷ്യ​ര​ല്ലേ...

പി​ഞ്ചു​കു​ഞ്ഞു​ക​ൾ പ​ഠി​ക്കു​ന്ന ക്ലാ​സ് മു​റി​ക്ക് സ​മീ​പം വ​ലി​യൊ​രു മാ​ലി​ന്യ​കൂ​ന​യാ​ണ്. മൂ​ക്ക് പൊ​ത്താ​തെ സ്കൂ​ളി​ന​ക​ത്ത് പ്ര​വേ​ശി​ക്കാ​നോ നി​ൽ​ക്കാ​നോ ക​ഴി​യി​ല്ല. ഈ​ച്ച​ക​ളും പു​ഴു​ക്ക​ളും പ്രാ​ണി​ക​ളും കൊ​തു​കു​ക​ളും നി​റ​ഞ്ഞ് വൃ​ത്തി​ഹീ​ന​മാ​യ അ​ന്ത​രീ​ക്ഷ​ത്തി​ലാ​ണ് വി​ദ്യാ​ർ​ഥി​ക​ൾ പ​ഠി​ക്കു​ന്ന​ത്.

ക്ലാ​സ് പ​രി​സ​ര​ത്തെ മാ​ലി​ന്യ നി​ക്ഷേ​പ​ത്തെ തു​ട​ർ​ന്ന് മ​ഴ​ക്കാ​ല​ത്ത​ട​ക്കം കു​ട്ടി​ക​ൾ​ക്കും ജീ​വ​ന​ക്കാ​ർ​ക്കും ഛർ​ദി, പ​നി, ചു​മ, ച​ർ​മ രോ​ഗ​ങ്ങ​ളും പ​തി​വാ​ണ്. ഇ​തി​നെ​തി​രെ അ​ധ്യാ​പി​ക അ​ട​ക്കം പ​ല​ത​വ​ണ കോ​ർ​പ​റേ​ഷ​നി​ൽ പ​രാ​തി​പ്പെ​ട്ടി​ട്ടും മാ​ലി​ന്യം നീ​ക്കം ചെ​യ്യു​ന്ന​തി​നു​ള്ള യാ​തൊ​രു ന​ട​പ​ടി​യും അ​ധി​കൃ​ത​ർ സ്വീ​ക​രി​ച്ചി​ല്ല. വീ​ട്ടി​ലെ മാ​ലി​ന്യ​ങ്ങ​ളും അ​റ​വു​മാ​ലി​ന്യ​ങ്ങ​ളും ആ​കാ​ശ​വാ​ണി​യു​ടെ ഉ​ട​മ​സ്ഥ​ത​യി​ലു​ള്ള ഈ ​കോ​മ്പൗ​ണ്ടി​ലാ​ണ് നി​ക്ഷേ​പി​ക്കു​ന്ന​തും ക​ത്തി​ക്കു​ന്ന​തും. കോ​വി​ഡി​ന് മു​മ്പ് 64 ഓ​ളം കു​ട്ടി​ക​ളാ​ണ് ഈ ​വി​ദ്യാ​ല​യ​ത്തി​ൽ പ​ഠി​ച്ചി​രു​ന്ന​ത്. മാ​ലി​ന്യ​നി​ക്ഷേ​പ​ത്തെ തു​ട​ർ​ന്ന് കു​ട്ടി​ക​ൾ പ​ല​രും രോ​ഗി​ക​ളാ​യ​തോ​ടെ ഇ​വ​രി​ൽ പ​ല​രും ര​ക്ഷി​താ​ക്ക​ൾ സ്വ​കാ​ര്യ വി​ദ്യാ​ല​യ​ങ്ങ​ളി​ലേ​ക്ക് മാ​റ്റി. നി​ല​വി​ൽ പാ​വ​പ്പെ​ട്ട കു​ടും​ബ​ങ്ങ​ളി​ലെ 25 ഓ​ളം കു​ട്ടി​ക​ളാ​ണ് യാ​തൊ​രു നി​വൃ​ത്തി​യു​മി​ല്ലാ​തെ ഈ ​മാ​ലി​ന്യ​ത്തി​ന്‍റെ രൂ​ക്ഷ​ഗ​ന്ധ​വും പേ​റി ക്ലാ​സ് മു​റി​യി​ൽ ക​ഴി​ച്ചു​കൂ​ട്ടു​ന്ന​ത്. ന​ഗ​ര​ത്തി​ലെ ഒ​രു ന​ഴ്സ​റി സ്കൂ​ളി​നും ഇ​ല്ലാ​ത്ത ദു​ര​വ​സ്ഥ​യാ​ണ് ബീ​മാ​പ​ള്ളി​യോ​ട് മാ​ത്ര​മാ​യി കോ​ർ​പ​റേ​ഷ​ൻ വ​ച്ചു​പു​ല​ർ​ത്തു​ന്ന​തെ​ന്ന് നാ​ട്ടു​കാ​ർ ആ​രോ​പി​ക്കു​ന്നു. അ​തേ​സ​മ​യം മാ​ലി​ന്യം ഘ​ട്ടം ഘ​ട്ട​മാ​യി നീ​ക്കി​വ​രി​ക​യാ​ണെ​ന്ന് വാ​ർ​ഡ് കൗ​ൺ​സി​ല​ർ ജെ. ​സു​ധീ​ർ ‘മാ​ധ്യ​മ’​ത്തോ​ട് പ​റ​ഞ്ഞു.