അനൂപുമായി ബിനീഷ്​ നടത്തിയത്​ 5.17 കോടിയുടെ ഇടപാടെന്ന്​ ഇ.ഡി

ബംഗളൂരു: ബിനീഷ്​ കോടിയേരിയെ കൂടുതൽ കുരുക്കിലാക്കുന്ന തെളിവുകളുമായി എൻഫോഴ്​സ്​മെൻറ്​ ഡയറക്​ടറേറ്റ്​ (ഇ.ഡി). കസ്​റ്റഡി കാലാവധി നീട്ടിനൽകണമെന്നാവശ്യപ്പെട്ട്​ ബംഗളൂരു സിറ്റി സിവിൽ കോടതിയിൽ സമർപ്പിച്ച റിപ്പോർട്ടിലാണ്​ ബിനീഷി​െനതിരെ ഗുരുതര ആരോപണങ്ങളുള്ളത്​. ഏഴു വർഷത്തിനിടെ മയക്കുമരുന്ന്​ ഇടപാടിലൂടെ അഞ്ചു കോടിയിലേറെ രൂപ ബിനീഷ്​ സമ്പാദിച്ചതായാണ്​ ഇ.ഡിയുടെ ആരോപണം. മാത്രവുമല്ല; മയക്കുമരുന്ന്​ കേസിലെ രണ്ടാം പ്രതി കൊച്ചി സ്വദേശി അനൂപ്​ മുഹമ്മദുമായും മൂന്നാം പ്രതി റിജേഷ്​ രവീന്ദ്രനുമായും ചേർന്ന്​ റിയാൻഹ, യൂഷ്​ തുടങ്ങി വിവിധ പേരുകളിൽ ഇവൻറ്​ മാനേജ്​മെൻറ്​ കമ്പനികൾ നടത്തിയിരുന്നു. ഇതി​െൻറ മറവിൽ നടന്ന ഇടപാടുകളെക്കുറിച്ച്​ അന്വേഷണം വേണം. ദുബൈയിലെ സാമ്പത്തിക തട്ടിപ്പ്​ കേസിൽ പ്രതിയാണെന്ന്​ ബിനീഷ്​ സമ്മതിച്ചിട്ടുണ്ടെന്നും ഇതേക്കുറിച്ചും കൂടുതൽ അന്വേഷണം വേണമെന്നും ഇ.ഡി ചൂണ്ടിക്കാട്ടുന്നു. 2012 മുതൽ 2019 വരെയുള്ള കാലയളവിൽ വിവിധ അക്കൗണ്ടുകളിലായി അനൂപ്​ മുഹമ്മദിന്​ 5,17,36,600 രൂപ ബിനീഷ്​ കൈമാറിയെന്നതാണ്​ ഏറ്റവും പ്രധാനപ്പെട്ട ആരോപണം. ഇത്രയും വലിയ തുക എങ്ങനെ, ആരിൽനിന്ന്​ ലഭിച്ചുവെന്ന ചോദ്യങ്ങൾക്കാണ്​ നാലു ദിവസമായിട്ടും ബിനീഷ്​ വ്യക്തമായ മറുപടി നൽകാത്തത്​. മയക്കുമരുന്ന്​ ഇടപാടിലൂടെ നേടിയ പണമാണിതെന്ന നിഗമനത്തിലാണ്​ അന്വേഷണ സംഘം.

അതേസമയം, ബിനീഷി​െൻറ അക്കൗണ്ടുകൾ വഴി ഏഴു വർഷത്തിനിടെ കൈമാറിയ തുകയും അദ്ദേഹം അതത്​ വർഷങ്ങളിൽ ആദായ നികുതി വകുപ്പിന്​ നൽകിയ വരുമാന വിവരത്തിലെ തുകയും തമ്മിൽ പൊരുത്തക്കേടുകളുണ്ടെന്നതാണ്​ ഇ.ഡിയുടെ മറ്റൊരു കണ്ടെത്തൽ. ഇതി​െൻറ വിശദ പട്ടിക കോടതിയിൽ സമർപ്പിച്ചു. ബിനീഷ്​ കൊക്കെയ്​ൻ ഉപയോഗിച്ചതായും അദ്ദേഹത്തിന്​ ലഹരി കച്ചവടത്തിൽ പങ്കുണ്ടെന്നും തങ്ങൾക്ക്​ മൊഴി ലഭിച്ചതായും കോടതിയിൽ സമർപ്പിച്ച റിപ്പോർട്ടിൽ പറയുന്നു.

യു.എ.ഇ കോൺസുലേറ്റിലെ നയതന്ത്ര ബാഗേജ്​ വഴി കേരളത്തിലേക്ക്​ സ്വർണം കടത്തിയ കേസിലെ പ്രതി അബ്​ദുൽ ലത്തീഫ്​ ബിനീഷി​െൻറ ബിനാമിയാണെന്നും ഇയാൾവഴി വിവിധ കമ്പനികളിലായി വൻതുക നിക്ഷേപിച്ചതായും ഇ.ഡി ചൂണ്ടിക്കാട്ടി. കേരളത്തിലും കർണാടകയിലുമായി വൻ ബിനാമി ഇടപാടുകൾ നടന്നിട്ടു​െണ്ടന്നും ഇവ വിശദമായി അന്വേഷിക്കേണ്ടതു​െണ്ടന്നും ബിനീഷി​െൻറ പേരിൽ പല കേസുകളുണ്ടെന്നും അദ്ദേഹം സ്​ഥിരം കുറ്റവാളിയാണെന്നും പബ്ലിക്​ പ്രോസിക്യൂട്ടർ പ്രസന്ന കുമാർ കോടതിയെ അറിയിച്ചു.