ബ്രഹ്മപുരം: കരാർ മൂന്നാമത് കമ്പനിക്ക് നൽകിയതിൽ അമിക്കസ് ക്യൂറിയുടെ റിപ്പോർട്ട് തേടി

കൊ​ച്ചി: ബ്ര​ഹ്മ​പു​രം പ്ലാ​ന്‍റി​ലെ ഖ​ര​മാ​ലി​ന്യ സം​സ്ക​ര​ണം മൂ​ന്നാ​മ​തൊ​രു ക​മ്പ​നി​ക്ക്​ ന​ൽ​കി​യ​ത് സം​ബ​ന്ധി​ച്ച അ​ന്വേ​ഷ​ണ​ത്തി​ന് അ​മി​ക്ക​സ് ക്യൂ​റി​ക്ക് ഹൈ​കോ​ട​തി നി​ർ​ദേ​ശം. ക​രാ​ർ ന​ൽ​കി​യ​തി​ൽ വീ​ഴ്ച​ക​ളു​ണ്ടെ​ങ്കി​ൽ റി​പ്പോ​ർ​ട്ടി​ൽ വ്യ​ക്ത​മാ​ക്കാ​നും ജ​സ്റ്റി​സ് എ​സ്.​വി. ഭ​ട്ടി, ജ​സ്റ്റി​സ് ബ​സ​ന്ത് ബാ​ലാ​ജി എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച് ആ​വ​ശ്യ​പ്പെ​ട്ടു.

ക​രാ​ർ സം​ബ​ന്ധി​ച്ച രേ​ഖ​ക​ളു​ടെ പ​ക​ർ​പ്പു​ക​ൾ അ​മി​ക്ക​സ് ക്യൂ​റി​ക്ക് കൊ​ച്ചി ന​ഗ​ര​സ​ഭ സെ​ക്ര​ട്ട​റി ചൊ​വ്വാ​ഴ്ച വൈ​കു​ന്നേ​ര​ത്തി​ന​കം ന​ൽ​ക​ണം. അ​മി​ക്ക​സ് ക്യൂ​റി ഈ ​രേ​ഖ​ക​ൾ പ​രി​ശോ​ധി​ച്ച് ഏ​പ്രി​ൽ പ​ത്തി​ന​കം റി​പ്പോ​ർ​ട്ട്​ ന​ൽ​ക​ണം. ബ്ര​ഹ്മ​പു​ര​ത്തെ മാ​ലി​ന്യ പ്ലാ​ന്‍റി​ലു​ണ്ടാ​യ തീ​പി​ടി​ത്ത​ത്തെ തു​ട​ർ​ന്ന് ഹൈ​കോ​ട​തി സ്വ​മേ​ധ​യ പ​രി​ഗ​ണി​ക്കു​ന്ന ഹ​ര​ജി​യി​ലാ​ണ് ഈ ​നി​ർ​ദേ​ശം. ഹ​ര​ജി വീ​ണ്ടും ഏ​പ്രി​ൽ 11ന് ​പ​രി​ഗ​ണി​ക്കും.

സം​സ്ഥാ​ന​ത്തെ മാ​ലി​ന്യ സം​സ്ക​ര​ണ​ത്തി​ന് സ്വീ​ക​രി​ച്ച ന​ട​പ​ടി​ക​ൾ വ്യ​ക്ത​മാ​ക്കി ത​ദ്ദേ​ശ ഭ​ര​ണ അ​ഡീ. ചീ​ഫ് സെ​ക്ര​ട്ട​റി​യും എ​റ​ണാ​കു​ളം ജി​ല്ല ക​ല​ക്ട​റും മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡും റി​പ്പോ​ർ​ട്ടു​ക​ൾ ന​ൽ​കി​യി​രു​ന്നു. മ​റ്റ്​ ജി​ല്ല​ക​ളി​ലെ മാ​ലി​ന്യ സം​സ്ക​ര​ണ​വു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ൾ പ​രി​ശോ​ധി​ക്കാ​ൻ നി​യോ​ഗി​ച്ച മ​റ്റ്​ അ​മി​ക്ക​സ് ക്യൂ​റി​മാ​ർ ഇ​വ പ​രി​ശോ​ധി​ച്ച്​ ഏ​പ്രി​ൽ പ​ത്തി​ന​കം റി​പ്പോ​ർ​ട്ട്​ ന​ൽ​ക​ണം.