കോഴിക്കോട്: യുവ പ്രസാധകയുടെ പരാതിയിൽ എഴുത്തുകാരൻ വി.ആർ. സുധീഷിനെതിരെ വനിത പൊലീസ് കേസെടുത്തു. സ്ത്രീത്വത്തെ അപമാനിച്ചെന്നാണ് പ്രധാന പരാതി.
എഴുത്തുകാരനുമായുള്ള അഭിമുഖത്തിനായി അദ്ദേഹത്തെ വീട്ടിൽ പോയി കണ്ടിരുന്നു. അന്നെടുത്ത ഫോട്ടോ തന്നെ അപകീർത്തിപ്പെടുത്തുന്ന തരത്തിൽ സമൂഹ മാധ്യമങ്ങൾ വഴി പ്രചരിപ്പിച്ചെന്നും ഫോണിലൂടെയും മറ്റും ഭീഷണിപ്പെടുത്തിയെന്നും പരാതിയിൽ പറയുന്നു. ബുധനാഴ്ച ഡി.സി.പി ഓഫിസിലെത്തിയാണ് യുവതി പരാതി നൽകിയത്. വ്യാഴാഴ്ച നടക്കാവ് പൊലീസ് വീട്ടിലെത്തി മൊഴിയെടുത്തു.
പ്രാഥമികാന്വേഷണ ശേഷം ഐ.പി.സി 354 വകുപ്പ് പ്രകാരമാണ് കേസെടുത്തത്. തന്‍റെ സ്ഥാപനത്തിൽ ജോലി ചെയ്ത യുവതിയെ പിരിച്ചുവിട്ടതോടെയാണ് വി.ആർ. സുധീഷ് തനിക്കെതിരെ അപകീർത്തികരമായ പരാമർശങ്ങൾ ഉന്നയിക്കുന്നതെന്ന് പരാതിക്കാരി വ്യക്തമാക്കി. തന്നെ ഭീഷണിപ്പെടുത്തി അയച്ച ഓഡിയോ സന്ദേശങ്ങളും പരാതിക്കാരി ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.