ചന്ദ്രശേഖരൻ നായർ സ്റ്റേഡിയത്തെ ഇളക്കിമറിച്ച് കൊമ്പന്മാരുടെ വരവ്

തി​രു​വ​ന​ന്ത​പു​രം: കാ​ൽ​പ​ന്തു​ക​ളി​യു​ടെ ഈ​റ്റി​ല്ല​മാ​യി​രു​ന്ന ച​ന്ദ്ര​ശേ​ഖ​ര​ൻ നാ​യ​ർ സ്റ്റേ​ഡി​യ​ത്തെ 33 വ​ർ​ഷ​ത്തെ ഇ​ട​വേ​ള​ക്കു​ശേ​ഷം ഫു​ട്ബാ​ൾ ആ​ര​വ​ങ്ങ​ളി​ലേ​ക്കും ആ​ഘോ​ഷ​ങ്ങ​ളി​ലേ​ക്കും തി​രി​കെ കൊ​ണ്ടു​വ​ന്ന് സൂ​പ്പ​ർ ലീ​ഗ് കേ​ര​ള. ന​ഷ്ട​പ്ര​താ​പ​ത്തി​ന്‍റെ ഓ​ർ​മ​ക​ളി​ൽ​നി​ന്ന് ച​ന്ദ്ര​ശേ​ഖ​ര​ൻ നാ​യ​ർ പു​ൽ​മൈ​താ​ന​ത്തെ തി​രു​വ​ന​ന്ത​പു​രം കൊ​മ്പ​ന്മാ​രും തൃ​ശൂ​ർ മാ​ജി​ക് എ​ഫ്.​സി​യും ചേ​ർ​ന്ന് തീ​പി​ടി​പ്പി​ച്ച​പ്പോ​ൾ തി​രു​വോ​ണ​ത്തി​ന്‍റെ ആ​ല​സ്യം ഗാ​ല​റി​യി​ൽ ആ​റാ​ടി തീ​ർ​ക്കു​ക​യാ​യി​രു​ന്നു ഫു​ട്ബാ​ൾ ആ​രാ​ധ​ക​ർ.സ​ന്തോ​ഷ് ട്രോ​ഫി​ക്കും ദേ​ശീ​യ ഗെ​യിം​സ് ഫു​ട്ബാ​ൾ മ​ത്സ​ര​ങ്ങ​ൾ​ക്കും ജി.​വി. രാ​ജ, നെ​ഹ്റു ക​പ്പ് അ​ട​ക്കം അ​റി​യ​പ്പെ​ടു​ന്ന ടൂ​ർ​ണ​മെ​ന്‍റു​ക​ൾ​ക്കും വേ​ദി​യാ​യി​ട്ടു​ള്ള സ്റ്റേ​ഡി​യ​ത്തി​ന് 33 വ​ർ​ഷ​മാ​യി ഫു​ട്ബാ​ൾ ഇ​രു​ള​ട​ഞ്ഞ അ​ധ്യാ​യ​മാ​യി​രു​ന്നു.1991​ലെ നെ​ഹ്റു​ക​പ്പി​ന് ശേ​ഷം സു​പ്ര​ധാ​ന​മാ​യ ഒ​രു ടൂ​ർ​ണ​മെ​ന്‍റു​പോ​ലും സ്റ്റേ​ഡി​യ​ത്തി​ലേ​ക്ക് വ​ന്നി​ല്ല.

2015ൽ ​ദേ​ശീ​യ ഗെ​യിം​സു​മാ​യി ബ​ന്ധ​പ്പെ​ട്ട് സ്റ്റേ​ഡി​യം ന​വീ​ക​രി​ച്ചെ​ങ്കി​ലും ഫു​ട്ബാ​ൾ മാ​ത്രം അ​ക​റ്റി​നി​ർ​ത്ത​പ്പെ​ട്ടു. ഐ.​എ​സ്.​എ​ല്ലു​മാ​യി ബ​ന്ധ​പ്പെ​ട്ട് കേ​ര​ള ബ്ലാ​സ്റ്റേ​ഴ്സ് വ​ന്നെ​ങ്കി​ലും അ​ന്നും പ​രി​ശീ​ല​ന മ​ത്സ​ര​ങ്ങ​ൾ​ക്കാ​യി തെ​ര​ഞ്ഞെ​ടു​ത്ത​ത് ഗ്രീ​ൻ​ഫീ​ൽ​ഡി​നെ​യാ​യി​രു​ന്നു. ഒ​ടു​വി​ൽ കാ​ര്യ​വ​ട്ട​ത്തെ പ​ച്ച​പ്പാ​ടം ക്രി​ക്ക​റ്റി​ന് മാ​ത്ര​മാ​ക്കി നീ​ക്കി​വെ​ച്ച​തോ​ടെ ഫു​ട്ബാ​ൾ കൊ​ച്ചി​യും മ​ല​പ്പു​റ​വും കോ​ഴി​ക്കോ​ടും കേ​ന്ദ്രീ​ക​രി​ച്ച് മാ​ത്ര​മാ​യി. പൊ​ലീ​സി​ന്‍റെ നേ​തൃ​ത്വ​ത്തി​ൽ ല​ക്ഷ​ങ്ങ​ൾ മു​ട​ക്കി ഫു​ട്ബാ​ൾ മൈ​താ​നം ന​വീ​ക​രി​ച്ച​തോ​ടെ ത​ല​സ്ഥാ​ന​ത്തും കൊ​മ്പ​ന്മാ​രി​ലൂ​ടെ ത​ല​യെ​ടു​പ്പു​ള്ള ഫു​ട്ബാ​ൾ ഗ്രൗ​ണ്ട് രൂ​പ​പ്പെ​ട്ടു.

‘ഇ​നി​യാ​ണ് ക​ളി, ഇ​താ​ണ് ക​ളി’ എ​ന്ന മു​ദ്രാ​വാ​ക്യ​വു​മാ​യി തി​ങ്ക​ളാ​ഴ്ച വൈ​കീ​ട്ട് അ​ഞ്ചു​മു​ത​ൽ ആ​യി​ര​ങ്ങ​ളാ​ണ് സ്റ്റേ​ഡി​യ​ത്തി​ലേ​ക്ക് ഒ​ഴു​കി​യെ​ത്തി​യ​ത്. ഓ​ണ​ത്തി​ന്‍റെ ആ​വേ​ശം ചോ​രാ​തെ ചെ​ണ്ട, ബാ​ൻ​ഡ്​ മേ​ള​വു​മാ​യി അ​ന​ന്ത​പു​രി​യു​ടെ മ​ണ്ണി​ലെ കൊ​മ്പ​ന്മാ​രു​ടെ ആ​ദ്യ ക​ളി​മേ​ള​ത്തി​നാ​യി അ​വ​ർ കാ​ത്തി​രി​ക്കു​ന്നു. കൊ​മ്പ​ന്മാ​ർ മ​ഞ്ഞ ജേ​ഴ്സി​യി​ൽ ഇ​റ​ങ്ങു​ന്ന​ത് കാ​ണാ​ൻ ഫു​ട്ബാ​ൾ പ്രേ​മി​ക​ൾ ആ​ർ​ത്തി​ര​മ്പി. എ​ന്നാ​ൽ, ആ​ദ്യ ഹോം ​മാ​ച്ചി​നി​റ​ങ്ങി​യ കൊ​മ്പ​ന്മാ​രാ​ക​ട്ടെ നീ​ല ജേ​ഴ്സി​യി​ലാ​യി​രു​ന്നു. ത​ങ്ങ​ളു​ടെ പ്രി​യ താ​ര​ങ്ങ​ൾ​ക്കു​ള്ള പി​ന്തു​ണ ത​ല​സ്ഥാ​ന​ത്തെ ഫു​ട്ബാ​ൾ പ്രേ​മി​ക​ൾ കു​റ​ച്ചി​ല്ല. ഓ​റ​ഞ്ച് ജേ​ഴ്സി​യി​ലാ​യി​രു​ന്നു മു​ൻ കേ​ര​ള ബ്ലാ​സ്റ്റേ​ഴ്സ് താ​ര​വും മ​ല​യാ​ളി​യു​മാ​യ സി.​കെ. വി​നീ​തി​ന്‍റെ നേ​തൃ​ത്വ​ത്തി​ലു​ള്ള തൃ​ശൂ​ർ പ​ട ഇ​റ​ങ്ങി​യ​ത്. ജി​ല്ല ഫു​ട്ബാ​ൾ അ​സോ​സി​യേ​ഷ​ൻ മു​ൻ പ്ര​സി​ഡ​ന്‍റും വി​ദ്യാ​ഭ്യാ​സ മ​ന്ത്രി​യു​മാ​യ വി. ​ശി​വ​ൻ​കു​ട്ടി​യും ആ​ന്‍റ​ണി രാ​ജു എം.​എ​ൽ.​എ​യും ചേ​ർ​ന്ന് താ​ര​ങ്ങ​ളെ പ​രി​ച​യ​പ്പെ​ട്ടു.