ബ്രൂവറികൾ അനുവദിച്ചത്​ സർക്കാർ നയത്തിനെതിരല്ല -മുഖ്യമന്ത്രി

തിര​ുവനന്തപുരം: ബ്രൂവറിയും ഡിസ്​റ്റലറിയും അനുവദിച്ചത്​ സർക്കാർ നയത്തി​ന്​ എതിരല്ലെന്ന്​​ മുഖ്യമന്ത്രി പിണറായി വിജയൻ. മദ്യ നിരോധനമല്ല മദ്യവർജ്ജനമാണ്​​ എൽ.ഡി.എഫ്​ പ്രകടനപത്രികയിൽ വ്യക്തമാക്കിയത്​. അതു പ്രകാരമുള്ള നടപടികളുമായാണ്​ സർക്കാർ മുന്നോട്ടു പോകുന്നതെന്നും അദ്ദേഹം വാർത്താസമേമളനത്തിൽ വ്യക്തമാക്കി.

​മൂന്നു ബ്രൂവറിക്കും രണ്ട്​ ബ്ല​​​​െൻറിങ്​ കോംപൗണ്ടിങ്​ ആൻറ്​ ബോട്​ലിങ്​ യൂണിറ്റുകൾക്കുമാണ്​ തത്വത്തിൽ അനുമതി നൽകിയിരിക്കുന്നത്​. പൊതു സംവിധാനത്തിനകത്തുള്ള രണ്ട്​ യൂണിറ്റുകൾക്ക്​ ശേഷി വർദ്ധിപ്പിക്കുന്നതിനുള്ള അനുമതിയും നൽകിയിട്ടുണ്ട്​. ഉത്​പാദന കേന്ദ്രത്തിൽ നിന്ന്​ ചില്ലറ വിൽപന ഉണ്ടാവില്ല. അതുകൊണ്ടു തന്നെ മദ്യം ഒഴുക്കുകയെന്ന പ്രശ്​നം വരുന്നേയില്ല.

ഇവിടെ ഉൽപാദിപ്പിക്കുന്ന മദ്യം ബിവറേജ്​ കോർപറേഷനാണ്​ നൽകുക. നിലവിൽ മദ്യത്തി​​​​​െൻറ എട്ടു ശതമാനവും ബിയറി​​​​​െൻറ 40ശതമാനവും പുറത്തു നിന്നാണ്​ ബിവറേജ്​ കോർപ്പറേഷന്​ ലഭിക്കുന്നത്​. ഇവിടെ ഉത്​പാദനം ആരംഭിച്ചാൽ പുറത്തു നിന്നു വരുന്ന എട്ട്​ ശതമാനം ആവശ്യമായി വരില്ല. പുറത്തു നിന്ന്​ മദ്യം നൽകുന്ന സ്​ഥാപനങ്ങൾക്ക്​ നഷ്​ടമുണ്ടാവും.​

മാത്രമല്ല, ഇത്തരം സ്​ഥാപനങ്ങൾ വരുമ്പോൾ സംസ്​ഥാനത്ത്​ നൂറു കണക്കിന്​ തൊഴിലവസരങ്ങൾ വർധിക്കുകയും നികുതി ഇനത്തിൽ വരുമാന വർധനയുമുണ്ടാവു​കയും ചെയ്യും. ഇത്​ സംസ്​ഥാനത്തിനെതിരാണെന്ന്​ പ്രതിപക്ഷ നേതാവിനു മാത്രമേ പറയാനാവൂ എന്നും മുഖ്യമന്ത്രി പറഞ്ഞു.

ബ്രൂവറികൾ അനുവദിച്ചതുമായി ബന്ധപ്പെട്ടുള്ള​​ പ്രതിപക്ഷ നേതാവി​​​​​െൻറ ആരോപണം സർക്കാറിനെതിരെ ജനങ്ങളെ തിരിച്ചു വിടുന്നതിനു വേണ്ടിയാണ്​. പല കാര്യങ്ങളിലും അടിസ്​ഥാനരഹിതമായ സംശയം ഉന്നയിക്കാൻ പ്രതിപക്ഷ നേതാവിന്​ പ്രാവീണ്യമുണ്ട്​. അദ്ദേഹം ജനങ്ങളെ തെറ്റിദ്ധരിപ്പിക്കുകയാണ്​. പ്രളയ സമയത്തും ഇത്തരം നീക്കമുണ്ടായെങ്കിലും അത്​ ജനങ്ങൾ തള്ളിക്കളഞ്ഞു.

ശബരിമല: സുപ്രീംകോടതി വിധി നടപ്പാക്കും

ശബരിമലയിലെ സ്​ത്രീ പ്രവേശനവുമായി ബന്ധപ്പെട്ട്​ സുപ്രീംകോടതി വിധി സർക്കാർ നടപ്പാക്കുമെന്ന്​ മുഖ്യമന്ത്രി വ്യക്തമാക്കി. മണ്ഡലകാലത്ത്​ എത്തുന്ന സ്​ത്രീകൾക്ക്​ എല്ലാവിധ സൗകര്യങ്ങളും സർക്കാർ ഉറപ്പു വരുത്തും. സുപ്രീംകോടതി ഒരു വിധി പ്രസ്​താവിച്ചു കഴിഞ്ഞാൽ മറ്റൊരു നിയമം നിലവിൽവരുന്നതു വരെ അതാണ്​ നിയമം. അത്​ നടപ്പിലാക്കാൻ സർക്കാർ ബാധ്യസ്​ഥമാണ്​. സുപ്രീംകോടതി വിധിയിൽ സർക്കാർ റിവ്യു ഹരജി നൽകില്ല.

സ്​ത്രീകളുടെ സുരക്ഷക്കായി മതിയായ വനിതാ പൊലീസുകാരെ ശബരിമലയിൽ വിന്യസിക്കും. സംസ്​ഥാനത്തിനകത്തുള്ള വനിത പൊലീസുകാർ പര്യാപ്​തമല്ലെങ്കിൽ മറ്റു സംസ്​ഥാനങ്ങളിൽ നിന്നുള്ള വനിത പൊലീസുകാരുടെ സേവനവും ഉപയോഗപ്പെടുത്തുമെന്നും മുഖ്യമന്ത്രി പറഞ്ഞു. റിവ്യു ഹരജി നൽകുമെന്ന ദേവസ്വം ബോർഡ്​ പ്രസിഡൻറി​​​​െൻറ അഭിപ്രായ പ്രകടനം ഏത്​ സാഹചര്യത്തിലാണെന്ന്​ അറിയില്ല. ദേവസ്വം ബോർഡ്​ റിവ്യു ഹരജി നൽകില്ല. ​സിഡൻറി​​​​െൻറ അഭിപ്രായം അദ്ദേഹത്തി​​​​െൻറ സ്വന്തം അഭിപ്രായമാണെന്നും മുഖ്യമന്ത്രി പറഞ്ഞു.​

പ്രളയ നഷ്​ടം: പ്രത്യേക പാക്കേജിനായി കേന്ദ്രത്തെ സമീപിക്കും

കേരളത്തിലുണ്ടായ പ്രളയ നഷ്​ടവുമായി ബന്ധപ്പെട്ട്​ കേരളത്തിന്​ പ്രത്യേക പാക്കേജ്​ അനുവദിക്കണമെന്ന ആവശ്യവുമായി ​േകന്ദ്രത്തെ സമീപിക്കും. ലോക ബാങ്കും ഏഷ്യന്‍ ഡെവലപ്മെന്‍റ് ബാങ്കും ചേര്‍ന്ന് നടത്തിയ റാപ്പിഡ് ഡിസാസ്റ്റര്‍ നീഡ് അസസ്മെന്‍റ് പ്രകാരം പ്രധാന മേഖലകളിലെ മാത്രം നഷ്ടം 25,050 കോടി രൂപയാണ്. ഹൗസിംഗ്- 2,534 കോടി, പൊതു സ്ഥാപനങ്ങള്‍ - 191 കോടി, നഗരങ്ങളിലെ അടിസ്ഥാന സൗകര്യം - 2,093 കോടി, ഗ്രാമങ്ങളിലെ അടിസ്ഥാന സൗകര്യം - 5,216 കോടി, ജലസേചനവും ജലവിതരണവും - 1,484 കോടി, വൈദ്യുതി - 353 കോടി, ഗതാഗതം - 8,554 കോടി, ആരോഗ്യം - 280 കോടി, ജീവിതോപാധികള്‍ക്കുണ്ടായ നഷ്ടം (ടൂറിസം ഉള്‍പ്പെടെ) - 3,801 കോടി, പരിസ്ഥിതി-ജൈവവൈവിധ്യം - 452 കോടി, സാംസ്കാരിക പൈതൃകം - 86 കോടിഇപ്രകാരമാണ് ലോകബാങ്ക്-എ.ഡി.ബി ടീം 25,050 കോടി രൂപയുടെ നഷ്ടം കണക്കാക്കിയത്. വായ്പ അനുവദിക്കുന്നതുമായി ബന്ധപ്പെടുത്തി ഭൗതിക അടിസ്ഥാന സൗകര്യങ്ങള്‍ സംബന്ധിച്ച നഷ്ടം വിലയിരുത്തുന്നതിലാണ് അവര്‍ ശ്രദ്ധിച്ചത്. എന്നാൽ ഇൗ നഷ്​ടത്തേക്കാൾ വലുതാണ്​ സംസ്​ഥാനത്തി​​​​​െൻറ യഥാർത്ഥ നഷ്​ടമെന്നും മുഖ്യമന്ത്രി വ്യക്തമാക്കി.

പുതിയ കേരളം സൃഷ്​ടിക്കുകയാണ്​ ലക്ഷ്യം. ഇതിനായി ധനശേഖരണം ആവശ്യമാണ്​. കേരളത്തി​​​​​െൻറ പുനർ നിർമാണത്തിന്​ പ്രവാസികളുടെ സഹായം ആവശ്യപ്പെട്ട്​ മന്ത്രിമാരുടെ സംഘം ഇൗ മാസം 17 മുതൽ 20വരെയുള്ള ദിവസങ്ങളിൽ വിദേശ രാജ്യങ്ങൾ സന്ദർശിക്കും. വിദേശ രാജ്യങ്ങളിലെ മലയാളി കൂട്ടായ്​മകളെ സഹകരിപ്പിക്കാനുള്ള പ്രവർത്തനങ്ങളാണ്​ സർക്കാർ ആസൂത്രണം ചെയ്യുന്നതെന്നും അദ്ദേഹം പറഞ്ഞു.