ഓ​ണ​സ​മ്മാ​ന വി​വാ​ദം: തൃ​ക്കാ​ക്ക​ര ന​ഗ​ര​സ​ഭ കാ​ര്യാ​ല​യത്തിൽ സംഘർഷാവസ്ഥ

കാ​ക്ക​നാ​ട്: ഓ​ണ​സ​മ്മാ​ന വി​വാ​ദ​ത്തി​ൽ കു​ടു​ങ്ങി​യ തൃ​ക്കാ​ക്ക​ര ന​ഗ​ര​സ​ഭ അ​ധ്യ​ക്ഷ അ​ജി​ത ത​ങ്ക​പ്പ​ൻ ചേം​ബ​റി​ൽ ക​യ​റി​യ​ത്​ നാ​ട​കീ​യ സം​ഭ​വ​ങ്ങ​ൾ​ക്കൊ​ടു​വി​ൽ. അ​ധ്യ​ക്ഷ എത്തു​മെ​ന്ന വി​വ​രം ല​ഭി​ച്ച​തോ​ടെ ന​ഗ​ര​സ​ഭ കാ​ര്യാ​ല​യം സം​ഘ​ർ​ഷ​ഭ​രി​ത​മാ​യി​രു​ന്നു. പ്ര​തി​ഷേ​ധ​വു​മാ​യി പ്ര​തി​പ​ക്ഷ​വും അ​ധ്യ​ക്ഷ​ക്ക് പി​ന്തു​ണ​യു​മാ​യി ഭ​ര​ണ​പ​ക്ഷ​വും പൊ​ലീ​സും നി​ല​യു​റ​പ്പി​ച്ചു.

ഉ​ച്ച​യാ​യി​ട്ടും അ​ജി​ത എ​ത്താ​തി​രു​ന്ന​തോ​ടെ പ്ര​തി​പ​ക്ഷം ഭ​ക്ഷ​ണ​ം കഴിക്കാൻ പോ​യി. ഈ ​സ​മ​യ​ത്ത് അധ്യക്ഷയെ​ത്തി​. ന​ഗ​ര​സ​ഭ ജീ​പ്പി​ലാ​യി​രു​ന്നു വ​ര​വ്. ചേം​ബ​റി​ന് സ​മീ​പ​ത്തെ​ത്തി​യെ​ങ്കി​ലും താ​ക്കോ​ൽ മ​റ​ന്ന​തോ​ടെ കാ​ത്ത് നി​ൽ​ക്കേ​ണ്ടി വ​ന്നു. താ​ക്കോ​ൽ സം​ഘ​ടി​പ്പി​ച്ച് അ​ക​ത്ത് ക​യ​റി​യ​തി​ന് പി​ന്നാ​ലെ പ്രതിപക്ഷ കൗ​ൺ​സി​ല​ർ​മാ​ർ കൂ​ട്ട​മാ​യെ​ത്തി. അധ്യക്ഷ അ​ക​ത്തു​ നി​ന്ന് ചേം​ബ​ർ പൂ​ട്ടി​യ​തി​നാ​ൽ മ​റ്റു​ള്ള​വ​ർ​ പുറത്തിരുന്നു.

തു​ട​ർ​ന്ന് പ്ര​തി​പ​ക്ഷം മ​ണി​ക്കൂ​റു​ക​ളോ​ളം കുത്തിയിരുന്നു. നി​ല​ത്തി​രു​ന്ന് മ​ടു​ത്തവർ ക​സേ​ര​ക​ളിലേ​ക്ക് ഇ​രി​പ്പ് മാ​റ്റി. ല​ഘു​ഭ​ക്ഷ​ണ​ങ്ങ​ളു​മാ​യി എ​ൽ.​ഡി.​എ​ഫ് പ്ര​വ​ർ​ത്ത​ക​രു​മെ​ത്തി.

വൈ​കീ​ട്ട് അ​ഞ്ചു​വ​രെ പു​റ​ത്തി​റ​ങ്ങാ​തി​രു​ന്ന അ​ജി​ത തൃ​ക്കാ​ക്ക​ര സി.​ഐ​യുടെ സം​ര​ക്ഷ​ണം തേടി. പൊ​ലീ​സ് എ​ത്തി​യ​തോ​ടെ സെ​ക്ര​ട്ട​റി​യു​ടെ ഉ​ത്ത​ര​വ് ലം​ഘി​ച്ച അ​ധ്യ​ക്ഷ​യെ അ​റ​സ്​​റ്റ്​ ചെ​യ്യ​ണ​മെ​ന്നാ​യി. ക​ഴി​യി​ല്ലെ​ന്ന് പ​റ​ഞ്ഞ​തോ​ടെ വാ​ക്കേ​റ്റ​മാ​യി. അ​തി​നി​ടെ, അ​ധ്യ​ക്ഷ​ക്ക് പി​ന്തു​ണ​യു​മാ​യി യു.​ഡി.​എ​ഫ് കൗ​ൺ​സി​ല​ർ​മാ​രെ​ത്തി​യ​തോ​ടെ ഇ​രു​വി​ഭാ​ഗ​വും ത​മ്മി​ൽ ഉ​ന്തും ത​ള്ളു​മു​ണ്ടാ​യി. പൊ​ലീ​സ് ഇ​ട​പെ​ട്ട് ശാ​ന്ത​മാ​ക്കി​യെ​ങ്കി​ലും അ​ധ്യ​ക്ഷ​യെ പു​റ​ത്തി​റ​ങ്ങാ​ൻ അ​നു​വ​ദി​ക്കി​ല്ലെ​ന്ന നി​ല​പാ​ടി​ൽ കൗ​ൺ​സി​ല​ർ​മാ​ർ ഉ​റ​ച്ചു​നി​ന്ന​തോ​ടെ പൊ​ലീ​സ് അവരെ അ​റ​സ്​​റ്റ്​ ചെ​യ്ത് നീ​ക്കി.

തെ​റ്റ്​ ചെ​യ്തി​ട്ടി​ല്ലെ​ന്ന് ബോ​ധ്യ​മു​ള്ള​തി​നാ​ൽ പ്ര​തി​പ​ക്ഷ​ ഉ​മ്മാ​ക്കി യെ ഭ​യ​ക്കി​ല്ലെ​ന്ന് അ​ജി​ത ത​ങ്ക​പ്പ​ൻ പറഞ്ഞു. ന​ഗ​ര​സ​ഭ പ്ര​വ​ർ​ത്തി​ക്കു​ന്ന മു​ഴു​വ​ൻ ദി​വ​സ​വും താ​ൻ ഓ​ഫി​സി​ലെ​ത്തും. 25 വ​ർ​ഷം നീ​ണ്ട സം​ശു​ദ്ധ രാ​ഷ്​​ട്രീ​യ പ്ര​വ​ർ​ത്ത​ന​ത്തി​ന് പാ​ർ​ട്ടി ത​ന്ന അം​ഗീ​കാ​ര​മാ​ണ് ചെ​യ​ർ​പേ​ഴ്​​സ​ൻ പ​ദ​വി. ക​ഴ​മ്പി​ല്ലാ​ത്ത, കെ​ട്ടി​ച്ച​മ​ച്ച വി​വാ​ദ​ങ്ങ​ൾ​ക്ക് പി​ന്നി​ൽ അ​ത് ഉ​പേ​ക്ഷി​ക്കാ​ൻ ത​യാ​റ​ല്ലെ​ന്നും കൂ​ട്ടി​ച്ചേ​ർ​ത്തു.