കൊച്ചി: എറണാകുളം ചക്കരപ്പറമ്പിൽ കോളജ് വിദ്യാർഥികൾ സഞ്ചരിച്ചിരുന്ന ബസ് മറിഞ്ഞ് മൂന്ന് പേർക്ക് പരിക്ക്. ദേശീയപാതയിൽ പുലർച്ചെ മൂന്ന് മണിയോടെയാണ് അപകടം. തമിഴ്നാട്ടിലെ കോളജിൽ നിന്നുള്ള വിദ്യാർഥികളാണ് ബസിലുണ്ടായിരുന്നത്. കോയമ്പത്തൂരിൽ നിന്ന് വർക്കലയിലേക്ക് പോകുകയായിരുന്നു ബസ്.
ബസ് റോഡിലെ ഡിവൈഡറിൽ ഇടിച്ച് മറിയുകയായിരുന്നു. 30 വിദ്യാർഥികളാണ് ബസിലുണ്ടായിരുന്നത്. ഡ്രൈവർക്കും രണ്ട് വിദ്യാർഥികൾക്കുമാണ് പരിക്കേറ്റത്. ആർക്കും ഗുരുതര പരിക്കില്ല. അപകടത്തെ തുടർന്ന് റോഡിൽ ഗതാഗത തടസ്സമുണ്ടായി. പൊലീസും ഫയർഫോഴ്സും എത്തിയാണ് ബസ് റോഡിൽ നിന്ന് മാറ്റിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.