തട്ടിപ്പ് റെക്കോഡിന് 'ഇരയായി' വിദ്യാഭ്യാസ വകുപ്പും; 'റെ​ക്കോ​ഡ് നേ​ട്ട'​ങ്ങ​ളെ അ​ഭി​ന​ന്ദി​ച്ച് മന്ത്രിമാർ

കോ​ഴി​ക്കോ​ട്: അ​പേ​ക്ഷി​ക്കു​ന്ന​വ​ർ​ക്കെ​ല്ലാം റെ​ക്കോ​ഡ് പു​സ്ത​ക​ത്തി​ൽ ഇ​ടം ന​ൽ​കു​ന്ന​വ​ർ സം​സ്ഥാ​ന വി​ദ്യാ​ഭ്യാ​സ വ​കു​പ്പി​നെ​യും 'ആ​ദ​രി​ച്ചു'. വി.​എ​ച്ച്.​എ​സ്.​ഇ നാ​ഷ​ന​ൽ സ​ർ​വി​സ് സ്കീ​മി​നും പൊ​തു​വി​ദ്യാ​ഭ്യാ​സ വ​കു​പ്പി​ന്‍റെ 'അ​ക്ഷ​ര​വൃ​ക്ഷം' പ​ദ്ധ​തി​ക്കു​മാ​ണ് റെ​ക്കോ​ഡ് സ​മ്മാ​നി​ച്ച​ത്.

നി​കു​തി​യ​ട​ക്കം 8500 രൂ​പ ഫീ​സ് വാ​ങ്ങു​ന്ന​വ​ർ തി​ക​ച്ചും സൗ​ജ​ന്യ​മാ​യാ​ണ് വി​ദ്യാ​ഭ്യാ​സ വ​കു​പ്പി​ന് 'അം​ഗീ​കാ​രം' ന​ൽ​കി​യ​ത്. ആ​ധി​കാ​രി​ക റെ​ക്കോ​ർ​ഡാ​ണെ​ന്ന് ര​ക്ഷി​താ​ക്ക​ളെ​യും വി​ദ്യാ​ർ​ഥി​ക​ളെ​യും അ​ധ്യാ​പ​ക​രെ​യും തെ​റ്റി​ദ്ധ​രി​പ്പി​ക്കാ​നാ​യി​രു​ന്നു ഈ ​നീ​ക്കം.

2021 ന​വം​ബ​റി​ല്‍ പൊ​തു​വി​ദ്യാ​ഭ്യാ​സ വ​കു​പ്പ് വി.​എ​ച്ച്.​എ​സ്.​ഇ നാ​ഷ​ന​ല്‍ സ​ര്‍വി​സ് സ്‌​കീം വി​ദ്യാ​ര്‍ഥി​ക​ള്‍ക്കു​വേ​ണ്ടി സം​ഘ​ടി​പ്പി​ച്ച വെ​ബി​നാ​ര്‍ സീ​രീ​സി​നാ​യി​രു​ന്നു റെ​ക്കോ​ഡ് പു​സ്ത​ക​ത്തി​ൽ ഇ​ടം കി​ട്ടി​യ​ത്. ഒ​രു മാ​സ​കാ​ല​യ​ള​വി​ല്‍ കൂ​ടു​ത​ല്‍ വെ​ബി​നാ​റു​ക​ള്‍ സം​ഘ​ടി​പ്പി​ച്ച​തി​നാ​യി​രു​ന്നു ഇ​ത്. ഈ '​നേ​ട്ട'​ത്തെ പൊ​തു​വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി പ്ര​ത്യേ​കം അ​ഭി​ന​ന്ദി​ച്ചി​രു​ന്നു.

ലോ​​ക്​​​ഡൗ​​ൺ കാ​​ല​​ത്ത്​ വീ​​ട്ടി​​ല​​ക​​പ്പെ​​ട്ട വി​​ദ്യാ​​ർ​​ഥി​​ക​​ളു​​ടെ സ​​ർ​​ഗ സൃ​ഷ്ടി​ക​ളു​ൾ​പ്പെ​ടു​ത്തി വി​ദ്യാ​ഭ്യാ​സ വ​കു​പ്പ് പ്ര​സി​ദ്ധീ​ക​രി​ച്ച 'അ​ക്ഷ​ര​വൃ​ക്ഷ'​ത്തി​ന് 2020ൽ ​ആ​യി​രു​ന്നു റെ​ക്കോ​ഡ് ല​ഭി​ച്ച​ത്.​ സ​ർ​​ട്ടി​​ഫി​​ക്ക​​റ്റ്, മെ​​ഡ​​ൽ, റെ​​ക്കോ​​ഡ്​ ബു​​ക്ക്, ബാ​​ഡ്​​​ജ്, പേ​​ന എ​​ന്നി​വ​യ​ട​ങ്ങി​യ റെ​ക്കോ​ഡ് എ​സ്.​സി.​ഇ.​ആ​ർ.​ടി ഡ​യ​റ​ക്ട​റാ​യി​രു​ന്ന ഡോ. ​ജെ. പ്ര​സാ​ദാ​ണ് ഏ​റ്റു​വാ​ങ്ങി​യ​ത്.

പ​ണം വാ​ങ്ങി​യു​ള്ള റെ​ക്കോ​ഡു​ക​ൾ​ക്ക് അ​നാ​വ​ശ്യ സ്വീ​കാ​ര്യ​ത കി​ട്ടി​യ​ത് ഈ ​സം​ഭ​വ​ങ്ങ​ൾ​ക്കു ശേ​ഷ​മാ​ണ്. ശ​ബ​രി​മ​ല വി​ഷ​യ​ത്തെ തു​ട​ർ​ന്ന് 2019 ജ​നു​വ​രി ഒ​ന്നി​ന് ന​ട​ത്തി​യ വ​നി​ത മ​തി​ലി​ന് മ​റ്റൊ​രു കൂ​ട്ട​രു​ടെ റെ​ക്കോ​ഡ് ല​ഭി​ച്ചി​രു​ന്നു. ഈ ​റെ​ക്കോ​ഡ് പു​സ്ത​കം ത​ട്ടി​പ്പ​ല്ലെ​ന്നാ​ണ് ന​ട​ത്തി​പ്പു​കാ​രു​ടെ അ​വ​കാ​ശ​വാ​ദം. മ​ന്ത്രി​മാ​രും ജ​ന​പ്ര​തി​നി​ധി​ക​ളും മു​ത​ൽ പ്രാ​ദേ​ശി​ക രാ​ഷ്ട്രീ​യ നേ​താ​ക്ക​ളും ക്ല​ബു​ക​ളും സ്കൂ​ൾ പി.​ടി.​എ​ക​ളു​മെ​ല്ലാം റെ​ക്കോ​ഡ് ജേ​താ​ക്ക​ളെ ആ​ദ​രി​ക്കാ​ൻ പ​ര​ക്കം പാ​യു​ന്ന​തും പ​തി​വാ​ണ്.

പൊ​തു​വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി​യു​ടെ ഫേ​സ്ബു​ക്ക് പേ​ജി​ലും കു​ട്ടി​ക​ളു​ടെ റെ​ക്കോ​ഡ് വി​ശേ​ഷ​ങ്ങ​ൾ കാ​ണാം. ദേ​വ​സ്വം മ​ന്ത്രി കെ. ​രാ​ധാ​കൃ​ഷ്ണ​ൻ, മൃ​ഗ​സം​ര​ക്ഷ​ണ മ​ന്ത്രി ജെ. ​ചി​ഞ്ചു റാ​ണി തു​ട​ങ്ങി​യ​വ​രും കു​ട്ടി​ക​ളു​ടെ 'റെ​ക്കോ​ഡ് നേ​ട്ട'​ങ്ങ​ളെ അ​ഭി​ന​ന്ദി​ച്ചി​ട്ടു​ണ്ട്. പ​ണം ന​ൽ​കി​യാ​ണ്​ റെ​ക്കോ​ഡു​ക​ൾ ല​ഭ്യ​മാ​ക്കു​ന്ന​തെ​ന്ന്​ ജേ​താ​ക്ക​ൾ വെ​ളി​പ്പെ​ടു​ത്താ​റി​ല്ല. കൂ​ടു​ത​ൽ പ​ണം ന​ൽ​കി​യാ​ൽ ദേ​ശീ​യ​മാ​ധ്യ​മ​ങ്ങ​ളി​ല​ട​ക്കം വാ​ർ​ത്ത​ക​ൾ ന​ൽ​കാ​മെ​ന്ന വാ​ഗ്ദാ​ന​വും സം​ഘാ​ട​ക​ർ ന​ൽ​കു​ന്നു.