തിരുവനന്തപുരം: സർവർ സാങ്കേതിക തകരാറിനെ തുടർന്ന് സംസ്ഥാനത്ത് തുടർച്ചയായ രണ്ടാംദിവസവും റേഷൻ വിതരണം താളംതെറ്റി. ഇന്നലെ രാവിലെ 11ഓടെയാണ് ഇ-പോസ് മെഷീൻ വഴിയുള്ള വിതരണം നിലച്ചത്.
തുടർന്ന് വ്യാപാരി സംഘടന നേതാക്കളും വ്യാപാരികളും സംസ്ഥാന ഐ.ടി സെല്ലുമായി ബന്ധപ്പെട്ട് പ്രശ്നപരിഹാരത്തിന് ശ്രമിച്ചെങ്കിലും ഫലമുണ്ടായില്ല. ഇതോടെ കടകളിലെത്തിയ നൂറുകണക്കിന് കാർഡുടമകൾ നിരാശരായി മടങ്ങി. വെള്ളിയാഴ്ചയും ഇ-പോസ് പണിമുടക്കിയിരുന്നു.
വിതരണ കുടിശ്ശിക നൽകാത്തതിനെ തുടർന്ന് വാതിൽപടി വിതരണം ഏറ്റെടുത്തിരുന്ന ലോറി ഉടമകൾ ഈ മാസം ഒന്ന് മുതൽ ഭക്ഷ്യധാന്യവിതരണം നിർത്തിവെച്ചിരുന്നു.
ഒടുവിൽ കുടിശ്ശിക ഭാഗികമായി ധനവകുപ്പ് അനുവദിച്ചതോടെ ഈ മാസം 18 മുതലാണ് റേഷൻ വിതരണം പുനരാരംഭിച്ചത്. അപ്പോഴും എറണാകുളം കണയന്നൂർ അടക്കം സംസ്ഥാനത്തെ പല താലൂക്കുകളിലും കഴിഞ്ഞ ദിവസങ്ങളിലാണ് സാധനങ്ങളെത്തിയത്. ഇതിന് പിന്നാലെയായിരുന്നു ഇ-പോസിന്‍റെ പണിമുടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.