മലപ്പുറം: കോവിഡ് ബാധിച്ച് മരിച്ച പ്രവാസികളുടെ കുടുംബങ്ങൾക്കും നഷ്ടപരിഹാരം നൽകണമെന്ന് ഇ.ടി മുഹമ്മദ് ബഷീർ എം.പി. പ്രവാസികളെ ആശ്രയിച്ച് കഴിയുന്ന പല കുടുംബങ്ങളും ദുരിതത്തിലാണ്. സുപ്രീംകോടതി ഉത്തരവിന്‍റെ പശ്ചാത്തലത്തിൽ പ്രവാസികളെ കൂടി ഉൾപ്പെടുത്തണമെന്ന് ആവശ്യപ്പെട്ട് പ്രധാനമന്ത്രിക്കും കേന്ദ്ര വിദേശകാര്യമന്ത്രിക്കും കത്ത് നൽകുമെന്നും ഇ.ടി മുഹമ്മദ് ബഷീർ പറഞ്ഞു.
കോവിഡ് ബാധിച്ച മരിച്ചവരുടെ കുടുംബങ്ങൾക്ക് നഷ്ടപരിഹാരം നൽകാനുള്ള സുപ്രീംകോടതി തീരുമാനം സ്വാഗതാർഹമാണ്. നഷ്ടപരിഹാരം നൽകാൻ സാധിക്കില്ലെന്നായിരുന്നു കേന്ദ്രസർക്കാർ വാദം. എന്നാൽ, ഇൗ വാദം തള്ളിയാണ് സുപ്രീംകോടതിയിൽ നിന്നും വിധിയുണ്ടായത്. ആറാഴ്ചക്കകം നഷ്ടപരിഹാരത്തിൽ തീരുമാനമെടുക്കണമെന്നാണ് വിധിയെന്നും ഇ.ടി മുഹമ്മദ് ബഷീർ വ്യക്തമാക്കി.
നേരത്തെ കോവിഡ് മരണങ്ങൾ നിശ്ചയിച്ചതിൽ പാളിച്ചയുണ്ടായിട്ടുണ്ടെന്ന ആരോപണവുമായി പ്രതിപക്ഷ നേതാവ് വി.ഡി സതീശൻ രംഗത്തെത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.