സംഘടനക്കുള്ളിലെ പോര്​: ആർ.എസ്.എസ് പ്രവർത്തക​െൻറ വീട്ടിൽ പട്ടട തീർത്ത് കൊടിനാട്ടി

പന്തളം: ആർ.എസ്.എസ്-ബി.ജെ.പി വിഭാഗീയതയെ തുടർന്ന്​ ആർ.എസ്.എസ് പ്രവർത്തക​െൻറ വീട്ടിൽ പട്ടടതീർത്ത് കൊടിനാട്ടി. പന്തളം മുളമ്പുഴ ശിവ ഭവനിൽ എം.സി സദാശിവ​െൻറ വീട്ടിലാണ് ചൊവ്വാഴ്ച രാത്രി സംഭവം നടന്നത്. ചാണകം മെഴുകിയതിന് സമീപത്തായി ഉരുളി കമഴ്ത്തി ഉരുളിക്ക് മുകളിലായി ആറ്​ ഉരുളയും ഉരുട്ടിവെച്ചിരുന്നു.

സമീപത്തായി പച്ചക്കായും ഉണ്ടായിരുന്നു. ഇതിനോട് ചേർന്ന് ആർ.എസ്​.എസിെൻറ കൊടിമരവും വെച്ചിരുന്നു. പുലർച്ച നാലിന്​ പുറത്തിറങ്ങിയ വീട്ടുകാരാണ് ഇത് കണ്ടത്. സമീപത്തെ വീട്ടിൽനിന്നാണ് ഉരുളി മോഷ്​ടിച്ചതെന്ന് വീട്ടുകാർ പറഞ്ഞു. കഴിഞ്ഞ ഒരുവർഷമായി പന്തളത്ത് ആർ.എസ് എസ്-ബി.ജെ.പി പ്രവർത്തകരിൽ വിഭാഗീയത രൂക്ഷമാണ്. ശബരിമലയിൽ സ്ത്രീ പ്രവേശനവുമായി ബന്ധപ്പെട്ട വിഭാഗീയതാണ് ഇപ്പോൾ മറനീക്കി പുറത്തവന്നത്.

ബി.ജെ.പി മുൻ ജില്ല കമ്മിറ്റി അംഗവും നിലവിൽ മഹാദേവ ക്ഷേത്ര സംരക്ഷണ സമിതി പ്രസിഡൻറുമായ എസ്. കൃഷ്ണകുമാർ അയ്യപ്പധർമ സംരക്ഷണ സമിതി എന്ന സംഘടന രൂപവത്​കരിച്ച് സമരപരിപാടികൾ സംഘടിപ്പിച്ചിരുന്നു. സംഘടനയുടെ ചെയർമാൻ കൂടിയായ എസ്. കൃഷ്കുമാർ പന്തളത്ത് വനിതകളെ സംഘടിപ്പിച്ച് പ്രക്ഷോഭവും ആരംഭിച്ചു.

തുടർന്ന്​ ആർ.എസ്.എസ് ഇതിനെതിരെ പന്തളം കൊട്ടാര ഭാരവാഹികളെ ഉൾപ്പെടെത്തി ശബരിമല കർമസമിതിക്ക് രൂപം നൽകി സമരങ്ങൾ സംഘടിപ്പിച്ചു. ഇതോടെയാണ് സംഘ്​പരിവാറിൽ വിഭാഗീയത ഉടലെടുത്തത്​. തുടർന്ന്​ കൃഷ്ണകുമാറി​െൻറ നേതൃത്വത്തിൽ 30 ഓളം പ്രവർത്തകർ ആർ.എസ്.എസിനും ബി.ജെ.പിക്കും എതിരായി മാറി. സമരത്തിൽ പങ്കെടുത്തുവെന്ന പേരിൽ കൃഷ്ണകുമാർ അടക്കം ചില പ്രവർത്തകരെ പൊലീസ് അറസ്​റ്റ് ചെയ്ത്​ 23 ദിവസം ജയിലിൽ അടച്ചു.

പുറത്തിറങ്ങിയ പ്രവർത്തകർ പിന്നിട് നമ്മുടെ നാട് എന്ന ചാരിറ്റബിൾ സൊസൈറ്റി രൂപവത്​കരിച്ചു. ഇതി​െൻറ വൈസ് പ്രസിഡൻറി​െൻറ വീട്ടിലാണ് കഴിഞ്ഞ രാത്രി അതിക്രമം നടന്നത്. ആർ.എസ്.എസി​െൻറ സജീവ പ്രവർത്തകനും ബി.എം.എസ് മുൻ പന്തളം മേഖല പ്രസിഡൻറുമാണ് സദാശിവൻ.

കൃഷ്ണകുമാറി​െൻറ നേതൃത്വത്തിൽ ഒരുവിഭാഗം സി.പി.എമ്മിലേക്ക് പോകുന്നുവെന്ന് സൂചനയുണ്ട്. എന്നാൽ, സംഭവത്തിൽ ആർ.എസ്.എസിന് പങ്കില്ലെന്നും സാമൂഹികവിരുദ്ധരാണ് പിന്നിലെന്നും ബി.ജെ.പി മുനിസിപ്പൽ സെക്രട്ടറി ടി. രൂപേഷ് 'മാധ്യമ'ത്തോടെ പറഞ്ഞു. പന്തളം പൊലീസ് എത്തി നടപടി സ്വീകരിച്ചു. ആർ.എസ്.എസ് പൊലീസിൽ പരാതി നൽകിയിട്ടുണ്ട്.