തി​രു​വ​ന​ന്ത​പു​രം: 16ാം ധ​ന​ക​മീ​ഷ​ൻ ചെ​യ​ർ​മാ​നും അം​ഗ​ങ്ങ​ളും അ​ട​ങ്ങി​യ സം​ഘം ഇന്ന് കേ​ര​ള​ത്തി​ലെ​ത്തും. നീ​തി ആ​യോ​ഗ്‌ മു​ൻ വൈ​സ്‌ ചെ​യ​ർ​മാ​ൻ ഡോ. ​അ​ര​വി​ന്ദ്‌ പ​ന​ഗാ​രി​യ ചെ​യ​ർ​മാ​നാ​യ ക​മീ​ഷ​ൻ റി​പ്പോ​ർ​ട്ട്‌ ത​യാ​റാ​ക്കു​ന്ന​തി​നാ​യി ന​ട​ത്തു​ന്ന പ​ഠ​ന​യാ​ത്ര​ക​ളു​ടെ ഭാ​ഗ​മാ​യാ​ണ്‌ മൂ​ന്നു​ദി​വ​സ​ത്തെ കേ​ര​ള സ​ന്ദ​ർ​ശ​നം. ഞാ​യ​റാ​ഴ്‌​ച ഉ​ച്ച​ക്ക്‌ കൊ​ച്ചി​യി​ലെ​ത്തു​ന്ന സം​ഘം തു​ട​ർ​ന്ന്‌ കു​മ​ര​ക​ത്തേ​ക്ക്‌ യാ​ത്ര​തി​രി​ക്കും. തി​ങ്ക​ളാ​ഴ്‌​ച രാ​വി​ലെ തി​രു​വാ​ർ​പ്പ്‌, അ​യ്​​മ​നം പ​ഞ്ചാ​യ​ത്തു​ക​ൾ സ​ന്ദ​ർ​ശി​ക്കും. വൈ​കീ​ട്ട്‌ കോ​വ​ള​ത്തെ​ത്തും. ചൊ​വ്വാ​ഴ്‌​ച രാ​വി​ലെ കോ​വ​ളം ലീ​ല ഹോ​ട്ട​ലി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ നേ​തൃ​ത്വ​ത്തി​ൽ സം​ഘ​ത്തെ സ്വീ​ക​രി​ക്കും. തു​ട​ർ​ന്ന്‌ മ​ന്ത്രി​സ​ഭാം​ഗ​ങ്ങ​ളു​മാ​യി ച​ർ​ച്ച.

ക​മീ​ഷ​ൻ മു​മ്പാ​കെ കേ​ര​ള​ത്തി​ന്റെ ആ​വ​ശ്യ​ങ്ങ​ൾ അ​വ​ത​രി​പ്പി​ക്കാ​നും, അ​ർ​ഹ​ത​പ്പെ​ട്ട അ​വ​കാ​ശ​ങ്ങ​ളെ​ല്ലാം നേ​ടി​യെ​ടു​ക്കാ​നും കൃ​ത്യ​മാ​യ മു​ന്നൊ​രു​ക്ക​ങ്ങ​ളാ​ണ്‌ സം​സ്ഥാ​ന സ​ർ​ക്കാ​ർ സ്വീ​ക​രി​ച്ചി​ട്ടു​ള്ള​തെ​ന്ന്‌ ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ൽ പ​റ​ഞ്ഞു. 2026 ഏ​പ്രി​ൽ ഒ​ന്നു​മു​ത​ലാ​ണ്‌ ക​മീ​ഷ​ന്റെ ശി​പാ​ർ​ശ പ്ര​കാ​ര​മു​ള്ള ധ​ന​വി​ഹി​തം കേ​ര​ള​ത്തി​നും ല​ഭ്യ​മാ​യി​ത്തു​ട​ങ്ങു​ക.

കേ​ന്ദ്ര വി​ഹി​ത​ത്തി​ൽ അ​സ​ന്തു​ലി​വാ​സ്ഥ നേ​രി​ടു​ന്ന സാ​ഹ​ച​ര്യ​ത്തി​ൽ 16ാം ധ​ന ക​മീ​ഷ​നി​ൽ ഏറെ പ്ര​തീ​ക്ഷ​യ​ാണ്​ കേ​ര​ളത്തിനുള്ളത്. മേ​ഖ​ല​ക​ൾ തി​രി​ച്ചു​ള്ള നി​വേ​ദ​നം സ​മ​ർ​പ്പി​ക്കാ​നും 15ാം ക​മീ​ഷ​ൻ സ​മീ​പ​ന​ങ്ങ​ളി​ലെ പോ​രാ​യ്മ​ക​ൾ ചൂ​ണ്ടി​ക്കാ​ട്ടാ​നു​മാ​ണ്​ സം​സ്ഥാ​നം ശ്ര​മി​ക്കു​ക. പ​ത്താം ധ​ന ക​മീ​ഷ​ൻ ശി​പാ​ർ​ശ​പ്ര​കാ​രം കേ​ര​ള​ത്തി​ന്​ 3.8 ശ​ത​മാ​നം നി​കു​തി​വി​ഹി​ത​മു​ണ്ടാ​യി​രു​ന്ന​ത്​ 15ാം ക​മീ​ഷ​ൻ ശി​പാ​ർ​ശ​​ക​ളോ​ടെ 1.9 ശ​ത​മാ​ന​മാ​യി ​ചു​രു​ങ്ങി​യി​രു​ന്നു. 28 സം​സ്ഥാ​ന​ങ്ങ​ളു​ടെ പ​ട്ടി​ക​യി​ൽ നി​കു​തി​വി​ഹി​തം കി​ട്ടു​ന്ന കാ​ര്യ​ത്തി​ൽ 15ാം സ്ഥാ​ന​ത്താ​ണ്​ കേ​ര​ളം.

വി​പു​ല​മാ​യ എ​യ്​​ഡ​ഡ്​ വി​ദ്യാ​ഭ്യാ​സ മേ​ഖ​ല​യ​ട​ക്കം ഉ​​ൾ​ക്കൊ​ള്ളു​ന്ന സം​സ്ഥാ​ന​ത്ത്​ റ​വ​ന്യൂ ചെ​ല​വ്​ വ​ള​രെ വ​ലു​താ​ണ്. സം​സ്ഥാ​ന​ങ്ങ​ൾ​ക്കു​ള്ള നി​കു​തി​വി​ഹി​തം നി​ർ​ണ​യി​ക്കാ​നു​ള്ള മാ​ന​ദ​ണ്ഡ​ങ്ങ​ളി​ൽ റ​വ​ന്യൂ ചെ​ല​വു​ക​ളും പ​രി​ഗ​ണി​ക്ക​ണ​മെ​ന്ന ആ​വ​ശ്യ​വു​മു​ണ്ട്. 2015 മു​ത​ൽ പ്ര​കൃ​തി​ദു​ര​ന്ത​ങ്ങ​ൾ നി​ര​ന്ത​രം പ്ര​ഹ​ര​മേ​ൽ​പ്പി​ക്കു​ക​യാ​ണ്. നി​കു​തി​വി​ഹി​തം വീ​തം​വെ​ക്കു​ന്ന​തി​നു​ള്ള മാ​ന​ദ​ണ്ഡ​ങ്ങ​ളി​ൽ പ്ര​കൃ​തി​ദു​ര​ന്ത​ങ്ങ​ളും കാ​ലാ​വ​സ്ഥ​വ്യ​തി​യാ​ന​വും ഉ​ൾ​പ്പെ​ടു​ത്ത​ണ​മെ​ന്ന ആ​വ​ശ്യ​മാ​ണ്​ മ​റ്റൊ​ന്ന്.

ഈ ​സാ​ഹ​ച​ര്യ​ത്തി​ൽ ത​ണ്ണീ​ർ​ത്ത​ട​ങ്ങ​ൾ, മ​ല​യോ​ര പ്ര​ദേ​ശ​ങ്ങ​ൾ, തീ​ര​ത്തി​ന്‍റെ നീ​ളം തു​ട​ങ്ങി​യ ഭൂ​മി​ശാ​സ്ത്ര സ​വി​ശേ​ഷ​ത​ക​ൾ​​ക്കൊ​പ്പം പ്ര​കൃ​തി​ദു​ര​ന്ത സാ​ധ്യ​ത​കൂ​ടി ഉ​ൾ​പ്പെ​ടു​ത്തി ക​മീ​ഷ​ന്​ സം​സ്ഥാ​നം നി​വേ​ദ​നം സ​മ​ർ​പ്പി​ക്കും. മാ​ന​ദ​ണ്ഡ​ങ്ങ​ളി​ൽ പ്ര​കൃ​തി​ദു​ര​ന്ത ഭീ​ഷ​ണി​കൂ​ടി പ​രി​ഗ​ണി​ച്ചാ​ൽ ഹൈ ​റി​സ്​​ക്​ സം​സ്ഥാ​ന​ങ്ങ​ളാ​യ ​ഗു​ജ​റാ​ത്ത്, കേ​ര​ളം, പ​ശ്ചി​മ ബം​ഗാ​ൾ, ഉ​ത്ത​ർ​പ്ര​ദേ​ശ്, ഒ​ഡി​ഷ, ആ​ന്ധ്ര​പ്ര​ദേ​ശ്​ എ​ന്നി​വ​ക്ക്​ കൂ​ടു​ത​ൽ ധ​ന​വി​ഹി​ത​ത്തി​ന്​ അ​ർ​ഹ​ത കൈ​വ​രു​മെ​ന്നാ​ണ്​ വി​ല​യി​രു​ത്ത​ൽ.

നി​കു​തി​വി​ഹി​തം 50 ശ​ത​മാ​നം സം​സ്ഥാ​ന​ങ്ങ​ൾ​ക്കാ​യി നീ​ക്ക​ണം

രാ​ജ്യ​ത്തെ മൊ​ത്തം നി​കു​തി​വ​രു​മാ​ന​ത്തി​ന്റെ ഗ​ണ്യ​മാ​യ ഭാ​ഗ​വും കേ​ന്ദ്ര​ത്തി​നാ​ണ്‌ ല​ഭി​ക്കു​ന്ന​ത്‌. എ​ന്നാ​ൽ, വി​ക​സ​ന​വും സാ​മൂ​ഹി​ക​ക്ഷേ​മ​വും ഉ​റ​പ്പാ​ക്കു​ക​യെ​ന്ന ഉ​ത്ത​ര​വാ​ദി​ത്ത​ത്തി​ന്റെ മു​ഖ്യ​പ​ങ്കും വ​ഹി​ക്കു​ന്ന​ത്‌ സം​സ്ഥാ​ന​ങ്ങ​ളാ​ണ്. 2018-2019ലെ ​വ​ര​വും ചെ​ല​വും വി​ശ​ക​ല​നം​ചെ​യ്ത്​ 15ാം ധ​ന​ക​മീ​ഷ​ൻ ത​ന്നെ ത​യാ​റാ​ക്കി​യ റി​പ്പോ​ർ​ട്ട്​ ​പ്ര​കാ​രം ആ​കെ വ​രു​മാ​ന​ത്തി​ൽ 62.7 ശ​ത​മാ​ന​വും കേ​ന്ദ്ര സ​ർ​ക്കാ​റി​നാ​ണ്. കേ​ന്ദ്ര​ത്തി​ന്‍റെ ചെ​ല​വ്​ 37.6 ശ​ത​മാ​നം മാ​ത്രം.

മൊ​ത്തം ചെ​ല​വു​ക​ളി​ൽ 62.4 ശ​ത​മാ​ന​വും സം​സ്ഥാ​ന​ങ്ങ​ളു​ടെ ചു​മ​ലി​ലാ​ണ്. ഈ ​സാ​ഹ​ച​ര്യ​ത്തി​ൽ നി​കു​തി വി​ഹി​തം 50 ശ​ത​മാ​നം സം​സ്ഥാ​ന​ങ്ങ​ൾ​ക്കാ​യി നീ​ക്കി​വെ​ക്ക​ണ​മെ​ന്നാ​ണ്​ കേ​​ര​ള​ത്തി​ന്‍റെ ആ​വ​ശ്യം.

സെ​സി​നും സ​ർ​ചാ​ർ​ജി​നും പ​രി​ധി നി​ശ്ച​യി​ക്ക​ണം

സം​സ്ഥാ​ന​ങ്ങ​ൾ​ക്ക്​ വീ​തം​വെ​ക്കേ​ണ്ട വി​ഹി​തം (ഡി​വി​സീ​വ്​ പൂ​ൾ) മ​റി​ക​ട​ക്കാ​നും കേ​ന്ദ്ര​വ​രു​മാ​നം ഉ​റ​പ്പി​ച്ചു​നി​ർ​ത്താ​നും സെ​സും സ​ർ​ചാ​ർ​ജു​മാ​ണ്​ കേ​ന്ദ്രം പി​ടി​വ​ള്ളി​യാ​ക്കു​ന്ന​ത്. 2011-2012ൽ ​കേ​ന്ദ്ര സ​ർ​ക്കാ​റി​ന്റെ ആ​കെ നി​കു​തി​വ​ര​വി​ന്റെ 10.4 ശ​ത​മാ​ന​മാ​യി​രു​ന്നു സെ​സു​ക​ളും സ​ർ​ചാ​ർ​ജു​ക​ളും. 2021-2022ൽ ​ഇ​ത്​ 28.1 ശ​ത​മാ​ന​മാ​യി ഉ​യ​ർ​ന്നു.

ഫ​ല​ത്തി​ൽ ശു​ഷ്ക​മാ​കു​ന്ന​ത്​ ഡി​വി​സീ​വ്​ പൂ​ളാ​ണ്. നി​ര​ന്ത​രം കൂ​ട്ടു​ന്ന ഇ​ന്ധ​ന​നി​കു​തി ഡി​വി​സീ​വ്​ പൂ​ളി​ൽ ഉ​ൾ​പ്പെ​ടാ​ത്ത സെ​സു​ക​ളാ​യാ​ണ് കേ​ന്ദ്രം ഈ​ടാ​ക്കു​ന്ന​ത്. ഈ ​സാ​ഹ​ച​ര്യ​ത്തി​ൽ സെ​സി​നും സ​ർ​ചാ​ർ​ജി​നും പ​രി​ധി നി​ശ്ച​യി​ക്ക​ണ​മെ​ന്നും ഈ ​പ​രി​ധി ക​വി​ഞ്ഞു​ള്ള​വ ഡി​വി​സീ​വ്​ പൂ​ളി​ലേ​ക്ക്​ മാ​റ്റ​​ണ​മെ​ന്നും ആ​വ​ശ്യ​പ്പെ​ടും.

വി​ഭ​ജ​ന​ങ്ങ​ളി​ലെ അ​സ​ന്തു​ലി​താ​വ​സ്ഥ

15ാം ധ​ന ക​മീ​ഷ​ൻ കേ​ന്ദ്ര നി​കു​തി വ​രു​മാ​ന​ത്തി​ന്റെ 41 ശ​ത​മാ​നം 28 സം​സ്ഥാ​ന​ങ്ങ​ൾ​ക്കാ​യി വി​ഭ​ജി​ച്ചു​ന​ൽ​ക​ണ​മെ​ന്നാ​ണ്‌ ശി​പാ​ർ​ശ ചെ​യ്ത​ത്‌. ഇ​ത്‌ കേ​ന്ദ്ര​ത്തി​ന്റെ ആ​വ​ശ്യ​ങ്ങ​ൾ​ക്ക്‌ വേ​ണ്ട​ത്ര പ​ണം ഉ​റ​പ്പാ​ക്കു​മെ​ന്നും സം​സ്ഥാ​ന​ങ്ങ​ൾ​ക്ക്‌ മ​തി​യാ​യ ഉ​പാ​ധി​ര​ഹി​ത ധ​ന​സ്രോ​ത​സ്സ്​​ ല​ഭ്യ​മാ​ക്കു​മെ​ന്നു​മാ​യി​രു​ന്നു ക​മീ​ഷ​ന്റെ വി​ല​യി​രു​ത്ത​ൽ. യാ​ഥാ​ർ​ഥ്യം മ​റി​ച്ചാ​യി​രു​ന്നു. പ​ല സം​സ്ഥാ​ന​ങ്ങ​ളും സാ​മ്പ​ത്തി​ക ഞെ​രു​ക്ക​ത്തി​ലേ​ക്ക്‌ വ​ലി​ച്ചെ​റി​യ​പ്പെ​ട്ടു. ഈ ​പോ​രാ​യ്മ പ​രി​ഹ​രി​ക്ക​ണ​മെ​ന്ന​താ​ണ്​ മ​റ്റൊ​രാ​വ​ശ്യം.