ഗെയിൽ പദ്ധതിയിൽനിന്ന്​ പിന്നോട്ടില്ല -വ്യവസായ വകുപ്പ്​

തിരുവനന്തപുരം: ഗെയിൽ വാതക പൈപ്പ്​ ​ൈലൻ പദ്ധതിക്കെതിരെയുണ്ടായ കടുത്തപ്രതിഷേധം കണക്കി​െലടുത്ത്​ നയം വ്യക്​തമാക്കി വ്യവസായവകുപ്പ്​ രംഗത്ത്​. സംസ്​ഥാനത്തി​​െൻറ വികസനത്തിന്​ അനിവാര്യമായ പദ്ധതിയിൽനിന്ന്​ പിന്നോട്ടില്ലെന്നും നിക്ഷിപ്​ത താൽപര്യക്കാരുടെ കള്ളപ്രചാരണങ്ങളിൽ വീഴരുതെന്നും വ്യവസായമന്ത്രി എ.സി. മൊയ്​തീൻ പ്രസ്​താവനയിൽ ചൂണ്ടിക്കാട്ടി. പദ്ധതിക്കായി ഭൂമിയുടെ ഉപയോഗാവകാശം മാത്രമാണ്​ ഏറ്റെടുക്കുന്നതെന്നും ഉടമസ്​ഥാവകാശമല്ലെന്നും മന്ത്രി അറിയിച്ചു. സ്​ഥലത്തി​​െൻറ പുതുക്കിയ ന്യായവിലയുടെ 50 ശതമാനവും വിളകളുടെ വിലയും നഷ്​ടപരിഹാരമായി നൽകും. ചെറിയൊരുവിഭാഗം നടത്തുന്ന കള്ളപ്രചാരണം ആശങ്കയുണ്ടാക്കുന്നതാണ്​. രാഷ്​ട്രീയ മുതലെടുപ്പിനും ചിലർ ശ്രമിക്കുന്നു. 

പ്രകൃതിവാതകത്തി​െൻറ ഗുണം എല്ലാവർക്കും ലഭ്യമാക്കുകയെന്ന ലക്ഷ്യത്തോടുകൂടിയാണ് കൊച്ചിയിൽ എൽ.എൻ.ജി പെേട്രാനൈറ്റ് സ്​ഥാപിച്ചത്. കേരളത്തിൽ എറണാകുളം, തൃശൂർ, മലപ്പുറം, പാലക്കാട്, കോഴിക്കോട്, കണ്ണൂർ, കാസർകോട്​ ജില്ലകളിലായി 503 കിലോമീറ്റർ ദൂരത്തിലാണ്​ പൈപ്പ് കടന്നുപോകുക. നിറമോ മണമോ വിഷാംശമോ രാസപ്രവർത്തനശക്​തിയോ ഇല്ലാത്ത ദ്രാവകമാണ് എൽ.എൻ.ജി. പദ്ധതിവഴിയുള്ള പ്രകൃതിവാതകം വീട്ടിൽ ഉപയോഗിക്കുന്ന പാചകവാതകത്തേക്കാൾ ഭാരംകുറവായതിനാൽ ചോർച്ചയുണ്ടായാൽ എളുപ്പം അന്തരീക്ഷത്തിലേക്ക് അലിഞ്ഞുചേരും. 

സംസ്​ഥാനത്തിന്​ പ്രതിവർഷം 320 കോടിയുടെ വരുമാനമാണ്​ പദ്ധതിവഴി ലഭിക്കുക. പൈപ്പ് ലൈൻ കടന്നുപോകുന്ന എല്ലാ ജില്ലകളിലെയും ജനങ്ങൾക്കും വ്യവസായശാലകൾക്കും പ്രകൃതിവാതകം വിതരണംചെയ്യുന്നതിനുള്ള പദ്ധതിയും സർക്കാർ നടപ്പാക്കും. 10 മീറ്റർ വീതിയിലാണ് സ്​​ഥലമേറ്റെടുപ്പ്​. നിർമാണസമയത്ത് 20 മീറ്റർ വീതി ആവശ്യമുള്ളതിനാൽ വിളകൾക്ക് 20 മീറ്റർ വീതിയിൽ നഷ്​ടപരിഹാരം നൽകും. മൊത്തം 1,257 ഏക്കർ സ്​ഥലമാണ് സംസ്​ഥാനത്ത്​ ഏറ്റെടുക്കുന്നത്. പദ്ധതിയുടെ പ്രാധാന്യം കണക്കിലെടുത്ത്​ മുഖ്യമന്ത്രി തന്നെ നേരിട്ട് യോഗങ്ങൾ വിളിച്ചിരുന്നു. അർഹമായ നഷ്​ടപരിഹാരത്തുക ഗെയിൽ വിതരണം ചെയ്യുന്നുണ്ടെന്ന് ഉറപ്പും വരുത്തിയിട്ടുണ്ട്. വസ്​തുത ഇതാണെന്നിരിക്കെ കേരളത്തിെ​ൻറ വികസനത്തെ തകർക്കുന്നവരാണ് എതിർപ്പുമായി രംഗത്തുവരുന്നതെന്നും പദ്ധതി സമയബന്ധിതമായി പൂർത്തിയാക്കുമെന്നും മന്ത്രി അറിയിച്ചു.