കോവിഡിനു പിന്നാലെ വെള്ളപ്പൊക്കവും; ദുരിതപ്പെയ്​ത്തിൽ അടിപതറുന്നു​

മൂവാറ്റുപുഴ: കോവിഡിന്​ ഒപ്പം വെള്ള​പ്പൊക്കവും വന്നതോടെ ദുരിതത്തിലായി പെരുമറ്റത്തെ നാട്ടുകാർ. കണ്ടെയ്ൻമെൻറ് സോണിനും പ്രളയത്തിനുമിടയിലാണ് പായിപ്ര പഞ്ചായത്തിലെ എട്ട്​, ഒമ്പത്​ വാർഡുകൾ ഉൾപ്പെടുന്ന പെരുമറ്റം മേഖല. പെരുമറ്റവും കൂൾമാരിയും കണ്ടെയ്ൻമെൻറ് സോണായി പ്രഖ്യാപിച്ചിരുന്നതിനാൽ ഇവിടെയുള്ള ഇടറോഡുകൾപോലും പൊലീസ് അടച്ചിട്ടിരിക്കുകയാണ്. ഇതിനി​െടയാണ് രാത്രി കാളിയാർ പുഴയും പെരുമറ്റം തോടും കരകവിഞ്ഞത്.

ഇവിടെയുള്ള വീടുകളിലേക്ക് വെള്ളം കയറി. തുടർന്ന് നാട്ടുകാർ വീടുകളിലെ സാധനങ്ങളും മാറ്റാൻ വാഹനങ്ങളിൽ പോകാൻ റോഡുകൾ തുറക്കാൻ ആവശ്യപ്പെ​െട്ടങ്കിലും പൊലീസ് തയാറായില്ല. കണ്ടെയ്ൻമെൻറ് സോണായതിനാൽ ഇവിടെനിന്ന് ജനം പുറത്തുപോകുന്നതും വാഹനങ്ങൾ അകത്തേക്കുപോകുന്നതും തടഞ്ഞു.

വെള്ളം ആശങ്ക സൃഷ്​ടിക്കുന്ന വിധത്തിൽ കയറിയിട്ടില്ലെന്നും പിൻവലിയുമെന്നുമായിരുന്നു പൊലീസി​െൻറ വിശദീകരണം. ഇതോടെ ജനങ്ങളും പൊലീസും തമ്മിൽ ചെറിയ തർക്കമുണ്ടായി. ഇതിനി​െട, ചിലർ സാധനങ്ങൾ മറ്റുസ്ഥലങ്ങളിലേക്ക്​ മാറ്റി. ഇതിനുശേഷം പുലർച്ച ജലനിരപ്പ് ഉയർന്നതോടെ വീണ്ടും സാധനങ്ങൾ നീക്കാൻ എത്തിയവരെയും പൊലീസ് തടഞ്ഞു. കണ്ടെയ്ൻമെൻറ് സോണിൽനിന്ന് ജനങ്ങളെ പുറത്തേക്കു വിടാനാകില്ലെന്ന് പൊലീസ് ശക്തമായ നിലപാടെടുത്തതോടെ ജനം മറ്റുമാർഗമില്ലാതെ പിന്മാറുകയായിരുന്നു. പിന്നീട് ജനപ്രതിനിധികൾ ഇടപെട്ടാണ് പ്രശ്നം പരിഹരിച്ചത്.