കൊച്ചി: സാമൂഹികവിരുദ്ധശല്യം മൂലം ട്രെയിനിൽ അഭയം തേടിയ കുടുംബത്തിന് പൊലീസ് സുരക്ഷ ഉറപ്പാക്കണമെന്ന് ഹൈകോടതി. കൊല്ലം ഇരവിപുരത്തെ സൂനാമി ഫ്ലാറ്റിൽ സാമൂഹികവിരുദ്ധരുടെ ശല്യംമൂലം അന്തിയുറങ്ങാനാവാതെ മഞ്ജുവെന്ന യുവതിയും രണ്ട് മക്കളും െട്രയിനിൽ അഭയം തേടിയ മാധ്യമ വാർത്തകളുടെ അടിസ്ഥാനത്തിലാണ് ജസ്റ്റിസ് ദേവൻ രാമചന്ദ്രെൻറ ഉത്തരവ്. വിഷയത്തിൽ സ്വമേധയാ കേസെടുക്കുന്നതിെൻറ ഭാഗമായി കോടതി കൊല്ലം പൊലീസ് മേധാവിയുടെ വിശദീകരണവും തേടി. തുടർന്ന് സ്വമേധയാ കേസ് രജിസ്റ്റർ ചെയ്യുന്നതിെൻറ ഭാഗമായി രേഖകൾ ചീഫ് ജസ്റ്റിസിന് സമർപ്പിക്കാൻ രജിസ്ട്രിക്ക് നിർദേശം നൽകി. യുവതിക്കും മക്കൾക്കും സുരക്ഷ ഒരുക്കുന്നതിെൻറ ഭാഗമായി മറ്റാർക്കും ബുദ്ധിമുട്ടുണ്ടാക്കരുതെന്നും നിർദേശിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.