അമ്പലവയല്‍ (വയനാട്): പൊന്നംകൊല്ലിയില്‍ ഗൃഹനാഥന്‍ ആത്മഹത്യചെയ്ത സംഭവത്തില്‍ 11 പേരെ അമ്പലവയല്‍ പൊലീസ് അറസ്റ്റ് ചെയ്തു. ചുള്ളിയോട് നെടുമ്പുറത്ത് എന്‍.ആര്‍. ശരത്ത് (22), ആനപ്പാറ പാലത്തുംവീട് മുഹമ്മദ് ആഷിഖ് (22), കരടിപ്പാറ അങ്ങോട് പി. അമലേഷ് (22), കളത്തില്‍ക്കുണ്ട് വി. അജിത്ത് (23), വരിക്കിഴങ്ങില്‍ നിതിന്‍ദാസ് (23), കണ്ടന്‍പുളി കെ.ജി. അതുല്‍ (22), ചെമ്പളാന്‍ തകിടിയില്‍ ഗോപു സഹദേവന്‍ (26), കുനിയില്‍ വിഷ്ണുപ്രസാദ് (22), കരിപ്പാട് വിഷ്ണു പ്രേമന്‍ (23), ചെറുകുന്നേല്‍ ജസ്റ്റോ മാത്യു (24), പന്തലാട്ട്പറമ്പില്‍ പി.കെ. രാഹുല്‍ (26) എന്നിവരാണ് പിടിയിലായത്.
പൊന്നംകൊല്ലി മഠത്തില്‍ ശശികുമാറാണ്(63) കിണറ്റില്‍ ചാടി ജീവനൊടുക്കിയത്. തിങ്കളാഴ്ച രാത്രി ഏഴോടെ ശശികുമാറിനെയും കുടുംബത്തെയും പ്രതികൾ വീട്ടില്‍ക്കയറി മര്‍ദിച്ചിരുന്നു. ഇതില്‍ മനംനൊന്താണ് ജീവനൊടുക്കുന്നതെന്ന് ശശികുമാര്‍ ആത്മഹത്യക്കുറിപ്പ് എഴുതിവെച്ചിരുന്നു.
ആറ് ബൈക്കുകളിൽ എത്തിയ സംഘം വൈദ്യുതി ബന്ധം വിച്ഛേദിച്ചശേഷം മര്‍ദിക്കുകയായിരുെന്നന്ന് ശശികുമാറിെൻറ മകൻ പറഞ്ഞു. അറസ്റ്റുചെയ്ത പ്രതികളെ കോടതിയില്‍ ഹാജരാക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.