അറസ്റ്റിലായ ബൈജു
കുന്നംകുളം (തൃശൂര്‍): ഇസ്‌ലാം മതത്തെ അപമാനിക്കുന്ന തരത്തിൽ സമൂഹമാധ്യമങ്ങളിൽ പ്രചാരണം നടത്തിയ സംഭവത്തിൽ ബി.ജെ.പി നേതാവ് അറസ്റ്റിൽ. ബി.ജെ.പി കാട്ടകാമ്പാൽ പഞ്ചായത്ത് കമ്മിറ്റി പ്രസിഡന്റ് ബൈജുവിനെയാണ് കുന്നംകുളം പൊലീസ് അറസ്റ്റ് ചെയ്തത്.
ബൈജു വേലായുധൻ എന്ന ഫേസ്ബുക്ക് അക്കൗണ്ടിൽ നിന്ന് മേയ് 23 മുതൽ ഇസ്‌ലാം മതത്തെയും പ്രവാചകൻ മുഹമ്മദ് നബിയെയും മകൾ ഫാത്തിമ ബീവിയെയും മതപണ്ഡിതരെയും അപമാനിക്കുന്ന തരത്തിൽ ബി.ജെ.പി നേതാവ് പ്രചാരണം നടത്തിയിരുന്നു.
കരിക്കാട് സ്വദേശി താഴത്തേതിൽ വീട്ടിൽ റാഫിയുടെ പരാതിയിലാണ് പൊലീസ് നടപടി. മതസ്പർധ ഉണ്ടാക്കുന്ന തരത്തിൽ സമൂഹമാധ്യമം വഴി പ്രചാരണം നടത്തിയെന്നാണ് ഇയാൾക്കെതിരായ കേസ്. പ്രതിയെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.