തിരുവനന്തപുരം: ചാരക്കേസും മുൻ മുഖ്യമന്ത്രി കെ. കരുണാകരന്‍റെ രാജിയും സംബന്ധിച്ച് കഴിഞ്ഞ ദിവസം നടത്തിയ പ്രസ്താവനയിൽ ഉറച്ചു നിൽക്കുന്നതായി കെ.പി.സി.സി അധ്യക്ഷൻ എം.എം ഹസൻ. ഇതിന് മറ്റ് വ്യാഖ്യാനങ്ങളോ വിശദീകരണങ്ങളോ നൽകേണ്ടതില്ല. ഏറെ കാലമായി മനസിൽ ഉണ്ടായിരുന്ന വികാരം പ്രകടിപ്പിക്കുകയാണ് ചെ‍യ്തത്. ഇക്കാര്യത്തിൽ ഗ്രൂപ്പിൽ നിന്ന് സമ്മർദമുണ്ടായോ എന്ന് ഇപ്പോൾ ചർച്ച ചെയ്യേണ്ടെന്നും ഹസൻ മാധ്യമങ്ങളോട് പറഞ്ഞു.
ഐ.എസ്.ആര്‍.ഒ ചാരക്കേസ് സമയത്ത് കെ. കരുണാകരനെ രാജിവെപ്പിക്കാൻ ശ്രമിച്ചതിൽ കുറ്റബോധമുണ്ടെന്നും മുഖ്യമന്ത്രി സ്ഥാനത്തു നിന്ന് അദ്ദേഹത്തെ നീക്കുന്നതിനെ എ.കെ. ആൻറണി ശക്തമായി എതിര്‍ത്തിരുന്നുവെന്നും ആണ് ഹസൻ ശനിയാഴ്ച വെളിപ്പെടുത്തിയത്.
അന്ന് കരുണാകരന് കാലാവധി തികക്കാൻ അവസരം നൽകണമായിരുന്നു. കരുണാകരനെതിരെ പ്രവർത്തിച്ചതിൽ വളരെയധികം ദുഃഖമുണ്ട്. കരുണാകരന് പുറത്തേക്കുള്ള വാതിൽ തുറന്നത് എ.കെ. ആൻറണിയാണെന്നാണ് അന്ന് മാധ്യമങ്ങളിൽ വാർത്ത വന്നത്. അത് ശരിയല്ല. കരുണാകരനെ നീക്കാൻ ശ്രമിക്കരുതെന്നാണ് തന്നോടും ഉമ്മൻ ചാണ്ടിയോടും ആൻറണി ആവശ്യപ്പെട്ടതെന്നും ഹസന്‍ പറഞ്ഞിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.