കോട്ടയം: കെ. മുരളീധരൻ നേമത്ത് മാത്രമല്ല എല്ലായിടത്തും ശക്തനാണെന്ന് കോൺഗ്രസ് നേതാവ് ഉമ്മൻചാണ്ടി. നേമത്തെ സ്ഥാനാർഥിയുടെ കാര്യത്തിൽ പ്രഖ്യാപനം വരെ കാത്തിരിക്കൂവെന്നും ഉമ്മൻചാണ്ടി പറഞ്ഞു.
മുരളീധരന്‍ നേമത്ത് ശക്തനായ സ്ഥാനാര്‍ഥിയാണോ എന്ന ചോദ്യത്തിനാണ് എല്ലായിടത്തും ശക്തനാണ് മുരളീധരനെന്ന് ഉമ്മൻചാണ്ടി പ്രതികരിച്ചത്.
നേമത്ത് ഉമ്മൻചാണ്ടി മത്സരിക്കുമെന്ന് അഭ്യൂഹമുണ്ടായിരുന്നു. എന്നാൽ, താൻ പുതുപ്പള്ളി വിട്ട് പോകില്ലെന്നാണ് ഇന്നലെ രാത്രി അദ്ദേഹം വ്യക്തമാക്കിയത്. ഇതോടെ നേമത്തെ യു.ഡി.എഫ് സ്ഥാനാർഥിയുടെ കാര്യം വീണ്ടും അനിശ്ചിതത്വത്തിലായി.
കെ. മുരളീധരനെ ഇന്ന് ഹൈകമാൻഡ് ഡൽഹിയിലേക്ക് വിളിപ്പിച്ച സാഹചര്യത്തിലാണ് മുരളീധരൻ നേമത്ത് മത്സരിച്ചേക്കുമെന്ന് അഭ്യൂഹം വന്നത്. അതേസമയം, നിലവിലെ എം.പിമാർ ആരും മത്സരിക്കില്ലെന്ന് കെ.പി.സി.സി അധ്യക്ഷൻ മുല്ലപ്പള്ളി രാമചന്ദ്രൻ നേരത്തെ വ്യക്തമാക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.