പറയേണ്ടത് പറഞ്ഞ ജനനായകൻ

തി​രു​വ​ന​ന്ത​പു​രം: സ്ഥ​ല​നാ​മ​മാ​യി​രു​ന്നി​ല്ല, മൂ​ന്ന്​​ പ​തി​റ്റാ​​ണ്ടോ​ളം ഇ​ട​തു​മു​ന്ന​ണി​ക്ക​ക​ത്തും പു​റ​ത്തും തി​രു​ത്തി​ന്‍റെ പ​ര്യാ​യ​മാ​യ ര​ണ്ട​ക്ഷ​ര​മാ​യി​രു​ന്നു കാ​നം. മ​ധ്യ​തി​രു​വി​താം​കൂ​റി​ലെ അ​ത്ര​​യൊ​ന്നും ഇ​ട​തു​പ​ക്ഷ​ത്ത​ല്ലാ​ത്ത നാ​യ​ർ കു​ടും​ബ​ത്തി​ൽ​നി​ന്ന്​ ക​മ്യൂ​ണി​സ്റ്റ്​ പാ​ർ​ട്ടി​യു​ടെ അ​മ​ര​ത്തേ​ക്ക്​ ന​ട​ന്നു​ക​യ​റു​​മ്പോ​ൾ രാ​ജേ​ന്ദ്ര​ന്​ കൈ​മു​ത​ലാ​യു​ണ്ടാ​യി​രു​ന്ന​ത്​ നി​ല​പാ​ടു​ക​ളി​ലെ ക​ണി​ശ​ത മാ​ത്രം.

മു​ന്ന​ണി മ​ര്യാ​ദ​യു​ടെ പേ​രി​ലോ ആ​രെ​യെ​ങ്കി​ലും ഭ​യ​ന്നി​ട്ടോ പ​റ​യാ​നു​ള്ള​ത്​ ​പ​റ​യേ​ണ്ട സ​മ​യ​ത്ത്​ പ​റ​യാ​ൻ അ​ദ്ദേ​ഹം മ​ടി കാ​ണി​ച്ചി​ല്ല. സൗ​മ്യ ശൈ​ലി​യാ​യി​രു​ന്നെ​ങ്കി​ലും മു​ഖം നോ​ക്കാ​തെ​യു​ള്ള വാ​ക്കു​ക​ളു​ടെ മൂ​ർ​ച്ച മു​ന്ന​ണി​യി​ലെ പ്ര​മു​ഖ​ർ പ​ല​വ​ട്ട​മ​റി​ഞ്ഞു. കൊ​ണ്ടും കൊ​ടു​ത്തും കാ​നം ഇ​ട​തു​പ​ക്ഷ​ത്തെ ക​രു​ത്ത​നാ​യ ‘പ്ര​തി​പ​ക്ഷ നേ​താ​വാ​യി’ നി​ല​കൊ​ണ്ടു. ഒ​രു വി​ര​ൽ​കൊ​ണ്ട്​ ത​ല്ലാ​നും ഒ​മ്പ​ത്​ വി​ര​ൽ​കൊ​ണ്ട്​ ത​ഴു​കാ​നും അ​​ദ്ദേ​ഹ​ത്തി​ന്​ അ​റി​യി​ല്ലാ​യി​രു​ന്നു.

അ​മ്മാ​വ​നി​ൽ​നി​ന്ന്​ ആ​ദ്യ പാ​ഠം

കോ​ട്ട​യം ജി​ല്ല​യി​ലെ വാ​ഴൂ​ർ പ​ഞ്ചാ​യ​ത്തി​ൽ ‘കാ​ന​ത്ത്​’ ജ​നി​ച്ച രാ​ജേ​ന്ദ്ര​ന്​ ഇ​ട​തു​പ​ക്ഷ ആ​ശ​യ​ങ്ങ​ൾ പ​ക​ർ​ന്നു​കി​ട്ടി​യ​ത്​​ അ​മ്മാ​വ​ൻ കാ​നം കു​ട്ടി​കൃ​ഷ്​​ണ​നി​ൽ​നി​ന്നാ​ണ്. ആ​ല​പ്പു​ഴ എ​സ്.​ഡി കോ​ള​ജി​ലെ വി​ദ്യാ​ർ​ഥി​യാ​യി​രു​ന്ന​പ്പോ​ഴാ​ണ്​ കു​ട്ടി​കൃ​ഷ്​​ണ​ൻ തൊ​ഴി​ലാ​ളി പ​ക്ഷ​ത്തെ​ത്തി​യ​ത്. അ​ത്​ അ​ന​ന്ത​ര​വ​നി​ലേ​ക്കും കൈ​മാ​റി. ചെ​റു​പ്പ​ത്തി​ൽ പി​താ​വ്​ ജോ​ലി ചെ​യ്തി​രു​ന്ന എ​സ്​​റ്റേ​റ്റി​ൽ ചെ​ല്ലു​മ്പോ​ൾ ക​ണ്ട തൊ​ഴി​ലാ​ളി ജീ​വി​ത​ങ്ങ​ളും അ​വ​രു​ടെ നി​സ്സ​ഹാ​യ​ത​ക​ളും സ​മ​ര​ങ്ങ​ളു​മെ​ല്ലാം മ​ന​സ്സി​ൽ പ​തി​ഞ്ഞി​രു​ന്നു.

എ.​ഐ.​എ​സ്.​എ​ഫി​ലൂ​ടെ​യാ​യി​രു​ന്നു വി​ദ്യാ​ർ​ഥി രാ​ഷ്ട്രീ​യ​ത്തി​​ലേ​ക്കും തു​ട​ർ​ന്ന്​ പൊ​തു​പ്ര​വ​ർ​ത്ത​ന​ത്തി​ലേ​ക്കു​മു​ള്ള രം​ഗ​പ്ര​വേ​ശം. വാ​ഴൂ​രി​ലെ സ്കൂ​ൾ വി​ദ്യാ​ഭ്യാ​സ കാ​ല​ത്തും പി​ന്നീ​ട്,​ കോ​ട്ട​യം ബ​സേ​ലി​യോ​സി​ലെ കോ​ള​ജ്​ പ​ഠ​ന​കാ​ല​ത്തും ഈ ​രാ​ഷ്ട്രീ​യ​ബോ​ധം മ​ന​സ്സി​ലു​റ​ച്ചു. കോ​ള​ജ്​ പ​ഠ​ന​കാ​ല​ത്ത്​ സി.​പി.​ഐ പ്ര​വ​ർ​ത്ത​ക​നാ​യ​ കോ​ട്ട​യം ഭാ​സി ലോ​ക്ക​ൽ ഗാ​ർ​ഡി​യ​നാ​യ​തും ഈ ​വ​ഴി​ക​ളി​ൽ ക​രു​ത്തേ​കി. 1968ൽ​ ​സി.​​പി.​ഐ അം​ഗ​ത്വം കി​ട്ടി. വി​ദ്യാ​ർ​ഥി​കാ​ലം ക​ഴി​യും​മു​മ്പ്​ 20ാം വ​യ​സ്സി​ൽ എ.​​ഐ.​വൈ.​എ​ഫ്​ സം​സ്ഥാ​ന സെ​ക്ര​ട്ട​റി​യാ​യി. ഇ​തേ​കാ​ല​ത്ത്​ സി.​പി.​ഐ സം​സ്ഥാ​ന കൗ​ൺ​സി​ലി​ലു​മെ​ത്തി.

പാ​ർ​ട്ടി ത​ഴ​ഞ്ഞോ എ​ന്ന്​ ചോ​ദി​ച്ചാ​ൽ...

26ാം വ​യ​സ്സി​ൽ സാ​ക്ഷാ​ൽ എ​ൻ.​ഇ. ബാ​ല​റാം സെ​ക്ര​ട്ട​റി​യാ​യി​രി​ക്കെ, എ.​എ​ന്നും സി. ​അ​ച്യു​ത​മേ​നോ​നും ടി.​വി. തോ​മ​സി​നും വെ​ളി​യം ഭാ​ർ​ഗ​വ​നു​മൊ​പ്പം സം​സ്ഥാ​ന സെ​ക്ര​ട്ടേ​റി​​യ​റ്റി​ലേ​ക്ക്​ തെ​ര​ഞ്ഞെ​ടു​ക്ക​പ്പെ​ട്ടു. പി​ന്നീ​ട്, ത​ഴോ​ട്ടു​പോ​കേ​ണ്ടി വ​ന്നി​ട്ടി​ല്ലെ​ന്ന്​ ചെ​റി​യ ചി​രി​യോ​​ടെ കാ​നം പ​റ​യും. മ​ന്ത്രി പ​ദ​വി​യി​ലോ എം.​പി സ്ഥാ​ന​ത്തോ എ​ത്താ​ത്ത​തി​ന്​ കാ​ര​ണം പാ​ർ​ട്ടി​യി​ലെ ത​ഴ​യ​ലാ​ണോ എ​ന്ന്​ ദോ​ഷൈ​ക ദൃ​ക്കു​ക​ൾ ചോ​ദി​ച്ച​പ്പോ​ഴൊ​ക്കെ 26ാം വ​യ​സ്സി​ലെ ച​രി​ത്രം കാ​നം ആ​ർ​ജ​വ​ത്തോ​ടെ നി​ര​ത്തി. ഇ​ന്നും ഇ​ന്ന​​ലെ​യും ത​ന്നോ​ടൊ​പ്പ​മു​ള്ള നേ​താ​ക്ക​ളാ​രും അ​ന്ന്​ പാ​ർ​ട്ടി​യി​ലു​ണ്ടാ​യി​രു​ന്നി​ല്ലെ​ന്ന്​ തെ​ല്ല്​ അ​ഭി​മാ​ന​ത്തോ​ടെ പ​റ​ഞ്ഞു​വെ​ച്ചു.

ട്രേ​ഡ് യൂ​നി​യ​ൻ മേ​ഖ​ല​യി​ലെ പ്ര​വ​ർ​ത്ത​ന​ങ്ങ​ളി​ലാ​ണ് കാ​നം ശ്ര​ദ്ധ​യൂ​ന്നി​യ​ത്. 1982ലെ ​തെ​ര​ഞ്ഞെ​ടു​പ്പി​ൽ നി​യ​മ​സ​ഭ​യി​ലേ​ക്ക്​ ആ​ദ്യ​മെ​ത്തു​​മ്പോ​ൾ അ​ന്ന്​ സി.​പി.​ഐ സ്ഥാ​നാ​ർ​ഥി​ക​ളാ​യ പി.​കെ.​വി​യും പി.​എ​സ്.​ ശ്രീ​നി​വാ​സ​നു​മ​ട​ക്കം അ​തി​കാ​യ​രെ​ല്ലാം തോ​റ്റി​രു​ന്നു. കേ​ര​ള നി​യ​മ​സ​ഭ​യി​ൽ കോ​ടി​യേ​രി ബാ​ല​കൃ​ഷ്ണ​നും ര​മേ​ശ് ചെ​ന്നി​ത്ത​ല​യും കാ​ന​വും ക​ന്നി​ക്കാ​രാ​യി എ​ത്തി​യ​വ​രാ​ണ്. 1987ലെ ​ര​ണ്ടാം​വ​ര​വി​ൽ അ​ർ​ഹ​ത​യു​ണ്ടാ​യി​ട്ടും മ​ന്ത്രി സ്ഥാ​നം​ ല​ഭി​ച്ചി​ല്ല. പി​ന്നീ​ട്,​ രാ​ജ്യ​സ​ഭ​യി​ലേ​ക്ക്​ പേ​ര്​ ഉ​യ​ർ​ന്നെ​ങ്കി​ലും ന​റു​ക്കു​വീ​ണി​ല്ല. അ​സം​ഘ​ടി​ത​രാ​യി​രു​ന്ന നി​ര്‍മാ​ണ​ത്തൊ​ഴി​ലാ​ളി​ക​ളു​ടെ ജീ​വി​ത​സു​ര​ക്ഷ​ക്കാ​യി കാ​നം നി​യ​മ​സ​ഭ​യി​ല്‍ അ​വ​ത​രി​പ്പി​ച്ച സ്വ​കാ​ര്യ ബി​ല്ലി​ന്റെ ചു​വ​ടു​പി​ടി​ച്ചാ​ണ് പി​ന്നീ​ട് നി​ര്‍മാ​ണ​ത്തൊ​ഴി​ലാ​ളി നി​യ​മം നി​ല​വി​ല്‍വ​ന്ന​ത്. 1991ലും 1996​ലും ജ​ന​വി​ധി തേ​ടി​യെ​ങ്കി​ലും പ​രാ​ജ​യ​മ​റി​ഞ്ഞു. പി​ന്നെ, എ.​ഐ.​ടി.​യു.​സി​യു​ടെ അ​മ​ര​ത്തേ​ക്ക്.

ഭ​ര​ണ​പ​ക്ഷ​ത്തെ ‘പ്ര​തി​പ​ക്ഷ നേ​താ​വ്​’

പ​ന്ന്യ​ൻ ര​വീ​ന്ദ്ര​ൻ സ്ഥാ​ന​മൊ​ഴി​ഞ്ഞ 2015ലെ ​സ​മ്മേ​ള​ന​ത്തി​ലാ​ണ്​ കാ​നം പാ​ർ​ട്ടി സം​സ്ഥാ​ന സെ​ക്ര​ട്ട​റി​യാ​യ​ത്. അ​തും സ്വ​ന്തം ത​ട്ട​ക​മാ​യ കോ​ട്ട​യ​ത്ത്​ ന​ട​ന്ന സ​മ്മേ​ള​ന​ത്തി​ൽ. സി.​പി.​എ​മ്മി​ന്‍റെ ന​യ​വ്യ​തി​യാ​ന​ങ്ങ​ൾ​ക്കും സ​ർ​ക്കാ​റി​ന്‍റെ വീ​ഴ്ച​ക​ൾ​ക്കു​മെ​തി​രെ കാ​നം വി​മ​ർ​ശ​ന​ത്തി​ന്‍റെ ചാ​ട്ടു​ളി പാ​യി​ച്ചു. മു​ന്ന​ണി മാ​ന്യ​ത​ക്ക് നി​ര​ക്കാ​ത്ത നി​ല​യി​ൽ പ്ര​വ​ർ​ത്തി​ച്ച തോ​മ​സ് ചാ​ണ്ടി​യെ പു​റ​ത്താ​ക്ക​ണ​മെ​ന്ന് ആ​വ​ശ്യ​പ്പെ​ട്ടു. നി​ല​മ്പൂ​രി​ൽ ര​ണ്ട് മാ​വോ​വാ​ദി​ക​ൾ കൊ​ല്ല​പ്പെ​ട്ട​പ്പോ​ൾ അ​വ​രും സ​ഖാ​ക്ക​ളാ​ണെ​ന്ന് ഉ​റ​ക്കെ​പ്പ​റ​ഞ്ഞു. തി​രു​വ​ന​ന്ത​പു​രം ലോ ​അ​ക്കാ​ദ​മി പ്ര​ശ്നം വ​ഷ​ളാ​ക്കി​യ​ത് സ​ർ​ക്കാ​റി​ന്‍റെ പി​ടി​വാ​ശി​യാ​ണെ​ന്ന് യു.​ഡി.​എ​ഫി​ന്​ മു​ന്നേ പ​റ​ഞ്ഞ​ത്​ കാ​ന​മാ​ണ്.

ക​ണ്ണൂ​രി​ലെ രാ​ഷ്ട്രീ​യ കൊ​ല​പാ​ത​ക​ങ്ങ​ളി​ൽ സി.​പി.​എം നി​ല​പാ​ടി​നോ​ട് യോ​ജി​പ്പി​ല്ലെ​ന്ന്​ തു​റ​ന്ന​ടി​ച്ച​തും ദേ​ശീ​യ രാ​ഷ്ട്രീ​യ​ത്തി​ൽ ഫാ​ഷി​സം വ​ന്നോ ഇ​ല്ല​യോ എ​ന്ന​ത് സ്കെ​യി​ൽ നോ​ക്കി തി​ട്ട​പ്പെ​ടു​ത്തേ​ണ്ട ഒ​ന്ന​ല്ലെ​ന്ന് ക​രാ​ട്ടി​നെ ഉ​പ​ദേ​ശി​ച്ച​തു​മെ​ല്ലാം ഈ ​വ​ഴി​യി​ലെ തു​റ​ന്നു​പ​റ​ച്ചി​ലു​ക​ൾ. ജോ​സ്​ കെ. ​മാ​ണി​യു​ടെ ഇ​ട​തു​പ​ക്ഷ പ്ര​വേ​ശ​ന​ത്തെ കു​റി​ച്ച് ​‘യു.​ഡി.​എ​ഫി​ന്‍റെ വെ​ന്‍റി​ലേ​റ്റ​റ​ല്ല എ​ൽ.​ഡി.​എ​ഫ്’​ എ​ന്നാ​യി​രു​ന്നു പ്ര​തി​ക​ര​ണം. ഒ​ന്നാം പി​ണ​റാ​യി സ​ർ​ക്കാ​റി​നെ രൂ​ക്ഷ​മാ​യി വി​മ​ർ​ശി​ച്ച കാ​നം, ര​ണ്ടാം പി​ണ​റാ​യി സ​ർ​ക്കാ​റി​നോ​ട്​ മ​യ​പ്പെ​ടു​ന്നു​ന്നോ എ​ന്ന്​ ചോ​ദി​ച്ച​പ്പോ​ൾ ‘എ​ല്ലാ ദി​വ​സ​വും രാ​വി​ലെ എ​ഴു​ന്നേ​റ്റ്​ എ​നി​ക്ക്​ സ​ർ​ക്കാ​റി​നെ​തി​രെ പ്ര​സ്താ​വ​ന ന​ട​ത്താ​ൻ പ​റ്റു​മോ’ എ​ന്നാ​യി​രു​ന്നു മ​റു​ചോ​ദ്യം.