കണ്ണൂർ: മെമു ട്രെയിൻ മലബാറിലേക്കും. മാർച്ച് 16 മുതൽ ഷൊർണൂർ - കണ്ണൂർ മെമു ട്രെയിൻ സർവിസ് തുടങ്ങും.
ചെന്നൈ സോണലിൽ 20 മെമു സർവിസിനാണ് റെയിൽവേ പച്ചക്കൊടി വീശിയത്. 06023 ഷൊർണൂർ-കണ്ണൂർ മെമു രാവിലെ 4.30ന് ഷൊർണൂരിൽനിന്ന് പുറപ്പെട്ട് 9.10ന് കണ്ണൂരിലെത്തും. 06024 കണ്ണൂർ-ഷൊർണൂർ മെമു വൈകീട്ട് 5.20ന് കണ്ണൂരിൽ നിന്ന് പുറപ്പെട്ട് 10.55ന് ഷൊർണൂരിലെത്തും.
കൊല്ലം-ആലപ്പുഴ, ആലപ്പുഴ-കൊല്ലം, ആലപ്പുഴ-എറണാകുളം, എറണാകുളം-ആലപ്പുഴ, എറണാകുളം-ഷൊർണൂർ, ഷൊർണൂർ-എറണാകുളം എന്നീ ട്രെയിനുകളും കേരളത്തിന് അനുവദിച്ചിട്ടുണ്ട്.
സീസൺ ടിക്കറ്റ് യാത്രക്കാർക്ക് പ്രാമുഖ്യം നൽകുന്ന ട്രെയിനുകൾ ഞായറാഴ്ച സർവിസ് നടത്തില്ല. യാത്രക്കാരുടെ വർഷങ്ങളായുള്ള ആവശ്യമാണ് മലബാറിൽ മെമു ട്രെയിൻ ആരംഭിക്കണമെന്നുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.