കാരിച്ചാൽ ചുണ്ടൻ ജലരാജാവ്; നെ​ഹ്​​റു ട്രോ​ഫി​യിൽ മുത്തമിട്ടത് വീയപുരം ചുണ്ടനെ പിന്തള്ളി -വിഡിയോ

ആ​ല​പ്പു​ഴ: ട്രാ​ക്കി​ൽ തീ​പ​ട​ർ​ത്തി കൊണ്ടുള്ള പോരാട്ടത്തിൽ കാരിച്ചാൽ ചുണ്ടൻ നെ​ഹ്​​റു ട്രോ​ഫി​ ജേതാക്കൾ. പള്ളാത്തുരുത്തി ബോട്ട് ക്ലബിന്‍റെ കരുത്തിലാണ് കാരിച്ചാൽ ചുണ്ടൻ 70മത് നെ​ഹ്​​റു ട്രോ​ഫിയിൽ മുത്തമിട്ടത്. വാശിയേറിയ മത്സരത്തിൽ കൈനകരി വില്ലേജ് ബോട്ട് ക്ലബ് തുഴയെറിഞ്ഞ വീയപുരം ചുണ്ടനെ 0.5 മൈക്രോ സെക്കൻ‌ഡുകൾക്കാണ് കാരിച്ചാൽ പിന്തള്ളി‍‍യത്.

ഫൈനൽ മത്സരത്തിൽ കുമരകം ടൗൺ ബോട്ട് ക്ലബിന്റെ നടുഭാഗം ചുണ്ടൻ മൂന്നും നിരണം ബോട്ട് ക്ലബിന്റെ നിരണം ചുണ്ടൻ നാലും സ്ഥാനങ്ങളിൽ ഫിനിഷ് ചെയ്തു. ഫൈനലിൽ മാറ്റുരച്ച നാലു ചുണ്ടൻ വള്ളങ്ങളും ഒരു സെക്കൻഡിൽ താഴെ വ്യത്യാസത്തിലാണ് ഫിനിഷ് ചെയ്തത്.

കാരിച്ചാൽ ചുണ്ടൻ (പള്ളാത്തുരുത്തി ബോട്ട് ക്ലബ്-4.29.785), വീയപുരം ചുണ്ടൻ (വി.ബി.സി കൈനകരി - 4.29.790), നടുഭാഗം ചുണ്ടൻ (കുമരകം ടൗൺ ബോട്ട് ക്ലബ് - 4.30.13), നിരണം ചുണ്ടൻ (നിരണം ബോട്ട് ക്ലബ്- 4.30.56) എന്നിങ്ങനെയാണ് വള്ളങ്ങളുടെ ഫിനിഷിങ് ടൈം. ഒന്നാം ലൂസേഴ്സ് ഫൈനലിൽ തലവടി ചുണ്ടനും രണ്ടാം ലൂസേഴ്സ് ഫൈനലിൽ വലിയ ദിവാൻജിയും മൂന്നാം ലൂസേഴ്സ് ഫൈനലിൽ ആയാപറമ്പ് പാണ്ടി ചുണ്ടനും ജേതാക്കളായി.

നെ​ഹ്​​റു ട്രോ​ഫിയുടെ ചരിത്രത്തിൽ കാരിച്ചാൽ ചുണ്ടന്‍റെ പതിനാറാം കിരീടവും പള്ളാത്തുരുത്തി ബോട്ട് ക്ലബ് തുടർച്ചയായി നേടുന്ന അഞ്ചാം കിരീടവുമാണ് ഇത്തവണത്തേത്. 2016ന് ശേഷം ആദ്യമായാണ് കാരിച്ചാൽ ചുണ്ടൻ നെഹ്റു ട്രോഫി നേടുന്നത്. 1974, 1975, 1976, 1980, 1982, 1983, 1984, 1986, 1987, 2000, 2001, 2003, 2008, 2011, 2016 വർഷങ്ങളാണ് കാരിച്ചാലിന്‍റെ കിരീട നേട്ടങ്ങൾ.

രാ​വി​ലെ 11ന് ​ചെ​റു​വ​ള്ള​ങ്ങ​ളു​ടെ ഹീ​റ്റ്സാ​ണ് ആ​ദ്യം ആ​രം​ഭി​ച്ചു. ഉ​ച്ച​ക്ക്​ ര​ണ്ടി​ന് ന​ട​​ന്ന ഉ​ദ്ഘാ​ട​ന സ​മ്മേ​ള​ന​ത്തി​നു ശേ​ഷ​ം ചു​ണ്ട​ന്‍ വ​ള്ള​ങ്ങ​ളു​ടെ ഹീ​റ്റ്സ് മ​ത്സ​ര​ങ്ങ​ളും ചെ​റു​വ​ള്ള​ങ്ങ​ളു​ടെ ഫൈ​ന​ല്‍ മ​ത്സ​ര​ങ്ങ​ളും ന​ട​ന്നു. വൈ​കീ​ട്ട്​ 3.45 മു​ത​ലാ​ണ് ഫൈ​ന​ല്‍ മ​ത്സ​ര​ങ്ങ​ള്‍ തുടങ്ങിയത്. ക​ഴി​ഞ്ഞ വ​ര്‍ഷം നെ​ഹ്റു ട്രോ​ഫി നേ​ടി​യ വ​ള്ള​ത്തി​ന്റെ ക്യാ​പ്റ്റ​നാ​യ അ​ല​ന്‍ മൂ​ന്ന്‌ തൈ​ക്ക​ല്‍ തു​ഴ​ച്ചി​ലു​കാ​ര്‍ക്ക് സ​ത്യ​വാ​ച​കം ചൊ​ല്ലി​ക്കൊ​ടു​ത്തു.