ക​രി​പ്പൂ​ർ വി​മാ​നാ​പ​ക​ടം ഒരാണ്ട്​ പിന്നിട്ടിട്ടും ചി​റ​ക​ടി​ക്കാ​നാ​വാ​തെ ആ മനുഷ്യർ

ക​രി​പ്പൂ​ർ വി​മാ​നാ​പ​ക​ടം നടന്ന്​ ഒരാണ്ട്പി​ന്നിടു​േമ്പാഴും  നാ​ട്​ ന​ടു​ങ്ങി​യ ദു​ര​ന്ത​ത്തി​ൽ നിന്ന്​ ആ മനുഷ്യർ കരകയറിയിട്ടില്ല. അ​പ​ക​ട​ത്തി​ൽ 165 പേ​ർ​ക്കാ​ണ് പ​രി​ക്കേ​റ്റ​ത്. പ​കു​തി​യോ​ളം പേ​ർ​ക്ക് ന​ഷ്​​ട​പ​രി​ഹാ​രം ന​ൽ​കി​യ​താ​യാ​ണ് വി​മാ​ന​ക്ക​മ്പ​നി അ​ധി​കൃ​ത​ർ വ്യ​ക്ത​മാ​ക്കു​ന്ന​ത്.

75ഓ​ളം പേ​ർ​ക്ക് ന​ഷ്​​ട​പ​രി​ഹാ​രം ല​ഭി​ച്ചു. പ​രി​ക്കേ​റ്റ​വ​രി​ൽ 122 പേ​രും മ​രി​ച്ച​വ​രി​ൽ ഒ​രാ​ളു​മാ​ണ് ന​ഷ്​​ട​പ​രി​ഹാ​ര​ത്തി​ന് ബ​ന്ധ​പ്പെ​ട്ട​ത്. ഇ​തി​ൽ ര​ണ്ടു​പേ​ർ ഇ​പ്പോ​ഴും ചി​കി​ത്സ​യി​ലാ​ണ്. ചി​കി​ത്സ പൂ​ർ​ത്തി​യാ​യ ശേ​ഷം ബ​ന്ധ​പ്പെ​ടാ​മെ​ന്നാ​ണ്​ ഇ​വ​ർ വി​മാ​ന ക​മ്പ​നി​യെ അ​റി​യി​ച്ചി​രി​ക്കു​ന്ന​ത്. ബാ​ക്കി​യു​ള്ള​വ​ർ​ക്കാ​ണ് ന​ഷ്​​ട​പ​രി​ഹാ​രം സം​ബ​ന്ധി​ച്ച് വാ​ഗ്ദാ​ന​പ​ത്ര​മ​യ​ച്ച​ത്. ഇ​തി​ൽ ഒാ​ഫ​ർ സ്വീ​ക​രി​ച്ച 75 പേ​ർ​ക്ക് തു​ക ല​ഭി​ച്ചു. ബാ​ക്കി​യു​ള്ള​വ​രു​മാ​യി ച​ർ​ച്ച​ക​ൾ പു​രോ​ഗ​മി​ക്കു​ക​യാ​ണ്.

മ​രി​ച്ച 18 പേ​രും പ​രി​ക്കേ​റ്റ​വ​രി​ൽ 25 പേ​രും യു.​എ.​ഇ ആ​സ്ഥാ​ന​മാ​യ നി​യ​മ സ്ഥാ​പ​ന​ത്തെ​യും പ​രി​ക്കേ​റ്റ ബാ​ക്കി 18 പേ​ർ അ​മേ​രി​ക്ക ആ​സ്ഥാ​ന​മാ​യ നി​യ​മ സ്ഥാ​പ​ന​ത്തെ​യു​മാ​ണ് ന​ഷ്​​ട​പ​രി​ഹാ​ര​ത്തി​നാ​യി ചു​മ​ത​ല​പ്പെ​ടു​ത്തി​യ​ത്. ഇ​വ​ർ​ക്ക് ന​ഷ്​​ട​പ​രി​ഹാ​രം ല​ഭ്യ​മാ​യോ എ​ന്ന​തി​നെ​ക്കു​റി​ച്ച്​ അ​റി​യി​ല്ലെ​ന്ന് വി​മാ​ന ക​മ്പ​നി അ​ധി​കൃ​ത​ർ വ്യ​ക്ത​മാ​ക്കി. 

ദു​ര​ന്ത​ത്തെ അ​തി​ജീ​വി​ച്ചു ഇ​നി?

കോ​വി​ഡിെ​ന തു​ട​ർ​ന്ന് വി​ദേ​ശ​ത്ത് കു​ടു​ങ്ങി​യ​വ​ർ നാ​ട്ടി​ലേ​ക്ക് തി​രി​ച്ചെ​ത്തു​ന്ന​തിെൻറ ആ​ശ്വാ​സ​ത്തി​ലാ​യി​രു​ന്നു വി​മാ​നം ലാ​ൻ​ഡ്​ ചെ​യ്യു​ന്ന നി​മി​ഷം വ​രെ. മി​നി​റ്റു​ക​ൾ​ക്കി​ടെ എ​ല്ലാം മാ​റി മ​റി​ഞ്ഞു.

വി​മാ​ന​ദു​ര​ന്ത​മെ​ന്ന അ​ത്യാ​ഹി​ത​ഘ​ട്ട​ത്തെ അ​തി​ജീ​വി​ച്ചെ​ങ്കി​ലും അ​തു​ണ്ടാ​ക്കി​യ ആ​ഘാ​ത​ത്തെ മ​റി​ക​ട​ക്കാ​ൻ ക​ഴി​യാ​ത്ത അ​വ​സ്ഥ​യി​ലാ​ണ് ഒ​ട്ടു​മി​ക്ക​വ​രും. ഗു​രു​ത​ര​മാ​യി പ​രി​ക്കേ​റ്റ​വ​ർ ഇ​പ്പോ​ഴും ചി​കി​ത്സ​യി​ലാ​ണ്. ജോ​ലി ന​ഷ്​​ട​പ്പെ​ട്ട​വ​ർ നി​ര​വ​ധി. അ​പ​ക​ട​ത്തി​ന് ശേ​ഷം ആ​ശു​പ​ത്രി​ക​ൾ ക​യ​റി​യി​റ​ങ്ങു​ക​യാ​ണ് ഇ​പ്പോ​ഴും പ​രി​ക്കേ​റ്റ​വ​ർ. ജീ​വി​ത​ത്തിെൻറ ഗ​തി​മാ​റി​യി​ട്ട് ഒ​രു വ​ർ​ഷം പി​ന്നി​ട്ടി​രി​ക്കു​ന്നു. ന​ഷ്​​ട​പ​രി​ഹാ​രം ല​ഭി​ക്കാ​ത്ത​വ​രാ​ണ് ഏ​റെ പേ​രും. ഇ​നി ല​ഭി​ച്ചാ​ലും ബാ​ക്കി​യു​ള്ള ജീ​വി​തം എ​ന്താ​കു​മെ​ന്ന ആ​ശ​ങ്ക​യും കാ​ർ​മേ​ഘം പോ​ലെ മൂ​ടി​നി​ൽ​ക്കു​ന്നു. ഗു​രു​ത​ര​മാ​യി പ​രി​ക്കേ​റ്റ​വ​ർ​ക്ക് ഇ​നി ജോ​ലി​ക്ക് പോ​കാ​ൻ സാ​ധി​ക്കി​ല്ല. പ്ര​തി​സ​ന്ധി​യി​ലാ​യ കു​ടും​ബ​ജീ​വി​തം, ചി​കി​ത്സ ചെ​ല​വ്, മ​റ്റ് ചെ​ല​വു​ക​ൾ, ഭാ​വി​യി​ൽ ചി​കി​ത്സ​ക്കു​ണ്ടാ​കു​ന്ന ചെ​ല​വ് തു​ട​ങ്ങി ഒ​രു​പാ​ട് ചോ​ദ്യ​ങ്ങ​ളാ​ണ് ഇ​ര​ക​ൾ​ക്ക് മു​ന്നി​ൽ ഉ​യ​ർ​ന്ന് നി​ൽ​ക്കു​ന്ന​ത്. കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളി​ൽ​നി​ന്ന്​ അ​ർ​ഹ​മാ​യ സ​ഹാ​യ​ങ്ങ​ളൊ​ന്നും ല​ഭി​ച്ചി​ല്ലെ​ന്ന് ഇ​ര​ക​ൾ പ​റ​യു​ന്നു. നി​ര​വ​ധി ത​വ​ണ മ​ന്ത്രി​മാ​ർ, എം.​പി​മാ​ർ, എം.​എ​ൽ.​എ​മാ​ർ, ക​ല​ക്ട​ർ​മാ​ർ എ​ന്നി​വ​രെ ക​ണ്ട് സ​ഹാ​യം അ​ഭ്യ​ർ​ഥി​ച്ചെ​ങ്കി​ലും നി​രാ​ശ​യാ​യി​രു​ന്നു ഫ​ലം. എ​യ​ർ ഇ​ന്ത്യ എ​ക്സ്പ്ര​സ് ചി​കി​ത്സ ചെ​ല​വ് വ​ഹി​ച്ച​ത് മാ​ത്ര​മാ​ണ് ആ​ശ്വാ​സം.

ശ​നി​യാ​ഴ്ച സം​ഗ​മം

ദു​ര​ന്ത​ത്തി​െൻറ ഓ​ർ​മ പു​തു​ക്കാ​ൻ പ​രി​ക്കേ​റ്റ​വ​രും മ​രി​ച്ച​വ​രു​ടെ ബ​ന്ധു​ക്ക​ളും വാ​ർ​ഷി​ക​ദി​ന​മാ​യ ആ​ഗ​സ്​​റ്റ്​ ഏ​ഴി​ന് ഒ​രി​ക്ക​ൽ​കൂ​ടി ക​രി​പ്പൂ​രി​ലെ​ത്തും. വി​മാ​നാ​പ​ക​ടം ന​ട​ന്ന സ്ഥ​ല​ത്തു​ത​ന്നെ​യാ​ണ് ഇ​വ​ർ സം​ഗ​മി​ക്കു​ന്ന​ത്. ശ​നി​യാ​ഴ്ച രാ​വി​ലെ 10 മു​ത​ൽ ന​ട​ക്കു​ന്ന പ​രി​പാ​ടി​യി​ൽ എം.​കെ. രാ​ഘ​വ​ൻ എം.​പി, ടി.​വി. ഇ​ബ്രാ​ഹിം എം.​എ​ൽ.​എ എ​ന്നി​വ​ർ പ​ങ്കെ​ടു​ക്കും. കേ​ന്ദ്ര​മ​ന്ത്രി വി. ​മു​ര​ളീ​ധ​ര​ൻ, ശ​ശി ത​രൂ​ർ എം.​പി അ​ട​ക്ക​മു​ള്ള​വ​ർ ഓ​ൺ​ലൈ​നാ​യും സം​ബ​ന്ധി​ക്കും.