അ​മ്മ​യെ​ഴു​ത്ത് വെ​ളി​ച്ചം കാ​ണാ​തെ അ​മ്മ യാ​ത്ര​യാ​യി

ചെ​റു​വ​ത്തൂ​ർ: ശ​നി​യാ​ഴ്ച ചെ​മ്പ്ര​കാ​ന​ത്ത് നി​ര്യാ​ത​യാ​യ ക​രു​വാ​ച്ചേ​രി മീ​നാ​ക്ഷി​യ​മ്മ വി​ട​പ​റ​ഞ്ഞ​ത് ത​ന്‍റെ ആ​ത്മ​ക​ഥ​യാ​യ ‘അ​മ്മ​യെ​ഴു​ത്ത്’​വെ​ളി​ച്ചം കാ​ണാ​തെ. പ​ഠി​ച്ച ക്ലാ​സു​ക​ളി​ല​ത്ര​യും ആ​ൺ​കു​ട്ടി​ക​ളെ ര​ണ്ടാ​മ​താ​ക്കി ഒ​ന്നാം സ്ഥാ​ന​ക്കാ​രി​യാ​യി​രു​ന്നു മീ​നാ​ക്ഷി​യ​മ്മ.

മോ​ളെ ടീ​ച്ച​റാ​ക്ക​ണ​മെ​ങ്കി​ൽ കു​ഞ്ഞീ​നെ നോ​ക്കാ​ൻ വേ​ല​ക്കാ​രി​യെ വെ​ക്ക​ണ​മെ​ന്ന വ​ലി​യ​മ്മ​യു​ടെ പ​രി​ഹാ​സം ത​ന്‍റെ മ​ന​സ്സി​ന് ഏ​ല്പി​ച്ച മു​റി​വ് ഇ​ന്നും ഉ​ണ​ങ്ങി​യി​ട്ടി​ല്ലെ​ന്ന് മീ​നാ​ക്ഷി​യ​മ്മ എ​പ്പോ​ഴും പ​രാ​തി​പ്പെ​ടാ​റു​ണ്ട​ത്രെ. ഏ​ഴാം ക്ലാ​സി​ൽ പാ​തി​വ​ഴി​യി​ൽ പ​ഠ​നം മു​ട​ങ്ങി​യ​തി​നെ​ക്കു​റി​ച്ച ക​ദ​ന​ക​ഥ​യാ​ണ് 66ാം വ​യ​സ്സി​ൽ പ​ഴ​യ ഒ​രു ഡ​യ​റി ബു​ക്കി​ൽ ആ​ത്മ​ക​ഥ​യാ​യി എ​ഴു​തി​ത്തു​ട​ങ്ങി​യ​ത്. ഒ​ന്ന​ര വ​ർ​ഷം കൂ​ടി പ​ള്ളി​ക്കൂ​ട​ത്തി​ലെ ബെ​ഞ്ചി​ലി​രു​ന്നി​രു​ന്നെ​ങ്കി​ൽ ല​ഭി​ക്കു​മാ​യി​രു​ന്ന മി​ക​ച്ച അ​ധ്യാ​പി​ക​യെ​യാ​ണ് വ​ല്യ​മ്മ​യു​ടെ ശ​കാ​ര വാ​ക്കു​ക​ൾ​മൂ​ലം ന​ഷ്ട​മാ​യ​ത്.

80ാം വ​യ​സ്സു​വ​രെ മ​ങ്ങി​യ​കാ​ഴ്ച​യി​ൽ​പോ​ലും മീ​നാ​ക്ഷി​യ​മ്മ വാ​യ​ന മു​ട​ക്കി​യി​ല്ല. വീ​ട്ട​മ്മ​യാ​യ ഏ​റ്റ​വും വ​ലി​യ വാ​യ​ന​ക്കാ​രി​യെ​ന്ന വി​ശേ​ഷ​ണ​ത്തോ​ടെ​യാ​ണ് അ​മ്മ​യെ​ഴു​ത്തി​ന്‍റെ ആ​മു​ഖം. ഒ​യോ​ള​ത്തെ വീ​ടി​ന​ടു​ത്തു​ള്ള ലൈ​ബ്ര​റി​യി​ൽ മീ​നാ​ക്ഷി വാ​യി​ക്കാ​ത്ത ഒ​രു പു​സ്ത​കം​പോ​ലും ഉ​ണ്ടാ​വി​ല്ല. വ​ലു​പ്പം​കൂ​ടി​യ നാ​ട​ക​വും നോ​വ​ലും വാ​യി​ച്ചു​തീ​ർ​ക്കാ​ൻ ഒ​ന്നോ ര​ണ്ടോ ദി​വ​സം മാ​ത്രം. വീ​ട്ടു​ജോ​ലി​യും കാ​ർ​ഷി​ക​വൃ​ത്തി​യും ചെ​യ്യു​ന്ന​തി​നി​ട​യി​ലാ​ണ് അ​തേ താ​ൽപര്യ​ത്തോ​ടെ പു​സ്ത​ക​ങ്ങ​ളും വാ​യി​ച്ചു​തീ​ർ​ത്ത​ത്. ഏ​ഴാം ക്ലാ​സി​ൽ പ​ഠ​നം നി​ർ​ത്തി​യ മീ​നാ​ക്ഷി അ​മ്മ​മ്മ​യോ​ടൊ​പ്പം വ​യ​ലി​ൽ പ​ണി​ക്കി​റ​ങ്ങി. ര​ണ്ടു വ​ർ​ഷം കൊ​ണ്ടു​ത​ന്നെ മി​ക​ച്ച ക​ർ​ഷ​ക​ത്തൊ​ഴി​ലാ​ളി​യെ​ന്ന പേ​രും സ്വ​ന്ത​മാ​ക്കി. വാ​യ​ന​യി​ലൂ​ടെ സ്വാ​യ​ത്ത​മാ​ക്കി​യ ഹൃ​ദ​യ​സ്പ​ർ​ശി​യാ​യ വാ​ക്കു​ക​ൾ​കൊ​ണ്ട് സ​മ്പ​ന്ന​മാ​ണ് അ​മ്മ​യെ​ഴു​ത്തി​ലെ ഓ​രോ അ​ധ്യാ​യ​വും. അ​ച്ഛ​ന്റെ​യും അ​മ്മ​യു​ടെ​യും തീ​രു​മാ​ന​ങ്ങ​ൾ​ക്കു മു​ന്നി​ൽ ത​നി​ക്കു താ​ഴെ​യു​ള്ള സ​ഹോ​ദ​ര​ങ്ങ​ളു​ടെ സം​ര​ക്ഷ​ണ​ത്തി​നാ​യി പ​ഠ​നം നി​ർ​ത്തേ​ണ്ടി​വ​ന്ന പെ​ൺ​കു​ട്ടി​യു​ടെ, ജീ​വി​ത പ്രാ​ര​ബ്ധ​ങ്ങ​ളാ​ൽ ചെ​റു​പ്രാ​യ​ത്തി​ൽ​ത​ന്നെ പ​ക​ല​ന്തി​യോ​ളം ക​ഠി​ന​മാ​യ പ​ണി​ക​ളി​ൽ ഏ​ർ​പ്പെ​ടാ​ൻ നി​ർ​ബ​ന്ധി​ത​താ​യ യു​വ​തി​യു​ടെ പ​തി​നാ​റു വ​യ​സ്സു​വ​രെ​യു​ള്ള ക​ഥ​യാ​ണ് ആ​രു​മ​റി​യാ​തെ ഒ​രു വീ​ട്ട​മ്മ സ്വ​ന്തം കൈ​പ്പ​ട​യി​ൽ ആ​ത്മ​ക​ഥ​യാ​യി എ​ഴു​തി​വെ​ച്ച​ത്. യാ​ദൃ​ച്ഛി​ക​മാ​യി വാ​യി​ക്കാ​നി​ട​യാ​യ മ​ക​ൻ ഒ​യോ​ളം നാ​രാ​യ​ണ​ൻ മാ​ഷാ​ണ് ആ​ത്മ​ക​ഥ പു​സ്ത​ക​മാ​ക്കു​ന്ന​തി​നെ​ക്കു​റി​ച്ച് ആ​ദ്യം സൂ​ചി​പ്പി​ച്ച​ത്.

അ​മ്മ​യെ​ഴു​ത്ത് ആ​ത്മ​ക​ഥ​ക്ക് ഒ​രാ​മു​ഖം എ​ന്ന​പേ​രി​ൽ ഒ​യോ​ളം മാ​ഷ് ത​ന്‍റെ ഫേ​സ് ബു​ക്കി​ലൂ​ടെ പ​ങ്കു​വെ​ച്ച ക​ഥ​ക​ൾ ആ​യി​ര​ക്ക​ണ​ക്കി​ന് പേ​രാ​ണ് പ​ങ്കു​വെ​ക്കു​ക​യും പു​സ്ത​ക​മാ​യി പു​റ​ത്തി​റ​ക്ക​ണ​മെ​ന്ന് നി​ർ​ബ​ന്ധി​ക്കു​ക​യും ചെ​യ്ത​ത്. ഇ​നി​യ​ങ്ങോ​ട്ടു​ള്ള കാ​ര്യ​ങ്ങ​ൾ തു​റ​ന്നെ​ഴു​തി​യാ​ൽ അ​ത് പ​ല​ർ​ക്കും വേ​ദ​ന​യു​ണ്ടാ​ക്കു​ന്ന​താ​യി​രി​ക്കു​മെ​ന്നും അ​തു​കൊ​ണ്ട് താ​ൻ കൂ​ടു​ത​ലൊ​ന്നും എ​ഴു​തു​ക​യി​ല്ലെ​ന്നും എ​ഴു​തി​യ​തു​ത​ന്നെ വേ​ണ്ടാ​ത്ത കാ​ര്യ​മാ​യി​പ്പോ​യെ​ന്നും ത​നി നാ​ട​ൻ​ഭാ​ഷ​യി​ൽ പ്ര​തി​ക​രി​ച്ച അ​മ്മ​യെ ചേ​ർ​ത്തു​പി​ടി​ച്ചാ​ണ് മ​ക​ൻ ആ​ത്മ​ക​ഥ പൂ​ർ​ത്തി​യാ​ക്കി​യ​ത്. പു​സ്ത​കം പ്ര​സി​ദ്ധീ​ക​രി​ക്കാ​നു​ള്ള ഒ​രു​ക്ക​ത്തി​നി​ട​യി​ലാ​ണ് മീ​നാ​ക്ഷി​യ​മ്മ​യു​ടെ ആ​രോ​ഗ്യം വ​ഷ​ളാ​യ​തും യാ​ത്ര പ​റ​ഞ്ഞ​തും.