ഒളയം ഇച്ചിലങ്കോട് റോഡിന്റെ ഭാഗങ്ങൾ ഒലിച്ചുപോയി

കുമ്പള: ശക്തമായ മഴയിൽ ഒളയം ഇച്ചിലങ്കോട് റോഡിന്റെ വശങ്ങൾ ഒലിച്ചുപോയി. പച്ചമ്പളയിൽനിന്നും ഷിറിയ പാലത്തിനടുത്തേക്ക് എളുപ്പം എത്താവുന്ന റോഡാണ് തകർന്നത്. വശങ്ങൾ പൂർണമായും ഇടിഞ്ഞ് ഗതാഗതയോഗ്യമല്ലാത്ത രൂപത്തിലാണ്. യാത്രക്കാർ ഒരുകാരണവശാലും അതുവഴി പോകരുതെന്ന് നാട്ടുകാർ മുന്നറിയിപ്പ് നൽകി. റോഡിന്റെ തകർച്ച പ്രദേശവാസികളിൽ ആശങ്ക ഉളവാക്കിയിട്ടുണ്ട്.