ലീഗൽ മെട്രോളജി വകുപ്പിന്റെ നേതൃത്വത്തില്‍ പെട്രോള് പമ്പുകളില്‍ പരിശോധന നടത്തുന്നു
കാസർകോട്: ഓണത്തോടനുബന്ധിച്ച് വിപണിയിലെ കരിഞ്ചന്ത, പൂഴ്ത്തിവെപ്പ്, അമിതവില ഈടാക്കല്‍, റേഷന്‍ സാധനങ്ങളുടെ മറിച്ചുവിൽപന എന്നിവ തടയുന്നതിന് പൊതുവിതരണ വകുപ്പ് പരിശോധന നടത്തി. ജില്ലയിലെ പൊതുവിപണിയിലും റേഷന്‍ കടകളിലും ജില്ല സപ്ലൈ ഓഫിസര്‍ എന്‍.ജെ. ഷാജിമോന്റെ നേതൃത്വത്തിലായിരുന്നു പരിശോധന. ഒമ്പത് കടങ്ങളില്‍ നടത്തിയ പരിശോധനയില്‍ രണ്ടെണ്ണത്തില്‍ ക്രമക്കേട് കണ്ടെത്തുകയും സ്ഥാപനങ്ങള്‍ക്കെതിരെ നടപടി സ്വീകരിക്കുകയും ചെയ്തു.
കാസര്‍കോട് താലൂക്ക് സപ്ലൈ ഓഫിസര്‍ കെ.വി.ദിനേശന്‍, റേഷനിങ് ഇന്‍സ്‌പെക്ടര്‍മാരായ പ്രകാശ് പിള്ള, കെ.പി.ബാബു തുടങ്ങിയവരും പരിശോധനയില്‍ പങ്കെടുത്തു.തുടര്‍ന്നുള്ള ദിവസങ്ങളിലും ജില്ലയുടെ വിവിധ ഭാഗങ്ങളില്‍ കര്‍ശന പരിശോധന നടത്തുമെന്ന് ജില്ല സപ്ലൈ ഓഫിസര്‍ അറിയിച്ചു. ലീഗല്‍ മെട്രോളജി വകുപ്പുമായി ചേര്‍ന്നുള്ള സംയുക്ത പരിശോധനയും സിവില്‍ സപ്ലൈസ് വകുപ്പ് നടത്തുന്നുണ്ട്.
കാസർകോട്: അളവിലും തൂക്കത്തിലും ക്രമക്കേട് കാണിച്ചതിന് ജില്ലയിലെ വിവിധ ഭാഗത്തെ കടകൾക്ക് 43,000 രൂപയുടെ പിഴ. ലീഗല്‍ മെട്രോളജി വകുപ്പ് ജില്ലയിലെ വിവിധ ഭാഗങ്ങളില്‍ നടത്തിയ പരിശോധനയിലാണ് ക്രമക്കേട് കണ്ടെത്തിയത്. ഉദ്യോഗസ്ഥര് രണ്ട് സ്‌ക്വാഡുകളായാണ് വിവിധ കടകളിലും പെട്രോള് പമ്പുകളിലും പരിശോധന നടത്തിയത്. മൊത്തം 23 കേസുകള്‍ രജിസ്റ്റര്‍ ചെയ്തു. മുദ്ര പതിപ്പിക്കാത്ത അളവുതൂക്ക ഉപകരണങ്ങള്‍ വ്യാപാര സ്ഥാപനങ്ങളില്‍ ഉപയോഗിച്ചതിനും അളവില്‍ കുറവ് വരുത്തി കച്ചവടം നടത്തിയതിനുമാണ് കേസുകള്‍ രജിസ്റ്റര്‍ ചെയ്തത്.
പരിശോധന സെപ്റ്റംബര്‍ ഏഴുവരെ തുടരും. ഡെപ്യൂട്ടി കണ്ട്രോളര് പി. ശ്രീനിവാസ, ഫ്ലയിങ് സ്‌ക്വാഡ് ഡെപ്യൂട്ടി കണ്ട്രോളര് എസ്.എസ്. അഭിലാഷ്, അസി. കണ്ട്രോളര് ടി.കെ. കൃഷ്ണകുമാര്‍, ഇന്‍സ്‌പെക്ടര്‍മാരായ എം. രതീഷ്, കെ. ശശികല, കെ.എസ്. രമ്യ, ഇന്‍സ്‌പെക്ടിങ് അസിസ്റ്റന്റുമാരായ ടി.വി. പവിത്രന്‍, പി.വി. വിനുകുമാര്‍, റോബര്‍ട്ട് പെര, പി.ശ്രീജിത്ത്, ഡ്രൈവര്‍മാരായ ഗംഗാധരന്‍, പി.അജിത്കുമാര്‍ എന്നിവര്‍ പരിശോധനയില്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.