ഉറച്ച കോട്ടയെ ഇളക്കാനും ഉറപ്പിക്കാനും തന്ത്രങ്ങൾ

കാ​ഞ്ഞ​ങ്ങാ​ട്: 2019ലെ​ ലോ​ക​്സ​ഭ തെ​ര​ഞ്ഞെ​ടു​പ്പി​ൽ തെ​ല്ലൊ​ന്ന്​ ആ​ടി​യു​ല​ഞ്ഞ​താ​ണ്​ കാ​ഞ്ഞ​ങ്ങാ​ട്​ മ​ണ്ഡ​ലം. കാ​ൽ ല​ക്ഷ​ത്തി​ന്​ മു​ക​ളി​ൽ നി​യ​മ​സ​ഭാ ഭൂ​രി​പ​ക്ഷം ല​ഭി​ച്ച മ​ണ്ഡ​ലം ലോ​ക്സ​ഭ​യി​ൽ എ​ൽ.​ഡി.​എ​ഫി​ന്​ ന​ൽ​കി​യ ലീ​ഡ്​ ര​ണ്ടാ​യി​ര​ത്തി​ൽ​പ​രം. ഉ​ദു​മ പാ​ടേ മ​റി​ഞ്ഞ​തി​നാ​ൽ തെ​ല്ലൊ​രാ​ശ്വാ​സം. ഭൂ​രി​പ​ക്ഷം ന​ന്നേ കു​റ​ഞ്ഞെ​ങ്കി​ലും ഇ​ട​തി​നോ​ടു​ള്ള ആ​ഭി​മു​ഖ്യം മ​ണ്ഡ​ലം നി​ല​നി​ർ​ത്തി. കെ.​പി. സ​തീ​ഷ് ച​ന്ദ്ര​നെ​ന്ന മി​ക​ച്ച സ്ഥാ​നാ​ർ​ഥി കാ​ഞ്ഞ​ങ്ങാ​ട് മ​ണ്ഡ​ല​ത്തി​ൽ ഇ​ട​തു​മു​ന്ന​ണി​ക്ക് ഗു​ണം ചെ​യ്തി​ട്ടു​ണ്ടാ​യി​രു​ന്നു.

എ​ല്ലാ​യ്പോ​ഴും ഇ​ട​തി​നെ പി​ന്തു​ണ​ച്ച മ​ണ്ഡ​ല​മാ​ണ് കാ​ഞ്ഞ​ങ്ങാ​ട്. 2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ 27,139ന്റെ ​ഭൂ​രി​പ​ക്ഷ​ത്തി​ലാ​ണ് മ​ണ്ഡ​ലം എ​ൽ.​ഡി.​എ​ഫ് നി​ല​നി​ർ​ത്തി​യ​ത്. രാ​ജ്മോ​ഹ​ൻ ഉ​ണ്ണി​ത്താ​ൻ ലോ​ക്സ​ഭ​യി​ലേ​ക്ക് വി​ജ​യി​ച്ച 2019ലെ ​തെ​ര​ഞ്ഞെ​ടു​പ്പി​ൽ 2221 വോ​ട്ടി​ന്റെ ഭൂ​രി​പ​ക്ഷം മാ​ത്ര​മാ​ണ് ഇ​ട​തു​മു​ന്ന​ണി​ക്കു​ണ്ടാ​യ​തെ​ങ്കി​ൽ നി​യ​മ​സ​ഭ തെ​ര​ഞ്ഞെ​ടു​പ്പി​ൽ പ​ഴ​യ ഭൂ​രി​പ​ക്ഷം തി​രി​ച്ചു​പി​ടി​ച്ച ആ​ശ്വാ​സ​ത്തി​ലാ​ണ് ഇ​ത്ത​വ​ണ വോ​ട്ടെ​ടു​പ്പി​നെ നേ​രി​ടു​ന്ന​ത്. ഒ​രു ന​ഗ​ര​സ​ഭ​യും ഏ​ഴു പ​ഞ്ചാ​യ​ത്തു​ക​ളും ഉ​ൾ​ക്കൊ​ള്ളു​ന്ന​താ​ണ് കാ​ഞ്ഞ​ങ്ങാ​ട് മ​ണ്ഡ​ലം. ന​ഗ​ര​സ​ഭ​യ​ട​ക്കം ആ​റു ത​ദ്ദേ​ശ സ്ഥാ​പ​ന​ങ്ങ​ളി​ലും ഭ​ര​ണ​ത്തി​ലു​ള്ള​ത് ഇ​ട​തു​മു​ന്ന​ണി​യാ​ണ്.

പെ​രി​യ ഇ​ര​ട്ട​ക്കൊ​ല​യും രാ​ഹു​ൽ ഗാ​ന്ധി ത​രം​ഗ​വും ഒ​രു​പ​രി​ധി​വ​രെ ക​ഴി​ഞ്ഞ ലോ​ക്‌​സ​ഭ തെ​ര​ഞ്ഞെ​ടു​പ്പി​ൽ മ​ണ്ഡ​ല​ത്തി​ൽ പ്ര​തി​ഫ​ലി​ച്ച​താ​ണ് ഇ​ട​തി​ന്റെ ഭൂ​രി​പ​ക്ഷം കു​ത്ത​നെ ഇ​ടി​ച്ച​ത്. ഇ​ട​തു​കോ​ട്ട​യാ​ണെ​ങ്കി​ലും യു.​ഡി.​എ​ഫി​നൊ​പ്പം​നി​ന്ന ച​രി​ത്ര​വും മ​ണ്ഡ​ല​ത്തി​നു​ണ്ട്. 2011ലാ​ണ് കാ​ഞ്ഞ​ങ്ങാ​ട് മ​ണ്ഡ​ലം നി​ല​വി​ൽ വ​ന്ന​ത്. മു​മ്പ് 1957 മു​ത​ൽ 2011വ​രെ ഹോ​സ്ദു​ർ​ഗ് മ​ണ്ഡ​ലം എ​ന്ന​റി​യ​പ്പെ​ട്ടി​രു​ന്നു.

1957ൽ ​സോ​ഷ്യ​ലി​സ്റ്റ് നേ​താ​വ് കെ. ​ച​ന്ദ്ര​ശേ​ഖ​ര​നാ​ണ് മ​ണ്ഡ​ല​ത്തി​ലെ പ്ര​ഥ​മ എം.​എ​ൽ.​എ. ’57ലെ ​തെ​ര​ഞ്ഞെ​ടു​പ്പി​ൽ ക​മ്യൂ​ണി​സ്റ്റ് നേ​താ​വും സ്വാ​ത​ന്ത്ര്യ​സ​മ​ര സേ​നാ​നി​യു​മാ​യ കെ. ​മാ​ധ​വ​നെ​യാ​യി​രു​ന്നു അ​ദ്ദേ​ഹം തോ​ൽ​പി​ച്ച​ത്. 1960ൽ ​ന​ട​ന്ന തെ​ര​ഞ്ഞെ​ടു​പ്പി​ലും ച​ന്ദ്ര​ശേ​ഖ​ര​നു​ത​ന്നെ വി​ജ​യം. ര​ണ്ടാ​മൂ​ഴ​ത്തി​ൽ അ​ദ്ദേ​ഹം റ​വ​ന്യൂ-​നി​യ​മ മ​ന്ത്രി​യാ​യി. 1965ലും 67​ലും 70ലും ​സോ​ഷ്യ​ലി​സ്റ്റ്‌ നേ​താ​വ് എ​ൻ.​കെ. ബാ​ല​കൃ​ഷ്ണ​ൻ എം.​എ​ൽ.​എ ആ​യി. മൂ​ന്നാ​മൂ​ഴ​ത്തി​ൽ ബാ​ല​കൃ​ഷ്ണ​ൻ ആ​രോ​ഗ്യ​മ​ന്ത്രി​യാ​യി. 1977 മു​ത​ൽ ഹോ​സ്ദു​ർ​ഗ് സം​വ​ര​ണ മ​ണ്ഡ​ല​മാ​യി. സം​വ​ര​ണ​മാ​യ ആ​ദ്യ തെ​ര​ഞ്ഞെ​ടു​പ്പി​ലും പി​ന്നീ​ട് ന​ട​ന്ന തെ​ര​ഞ്ഞെ​ടു​പ്പു​ക​ളി​ലും സി.​പി.​ഐ​യി​ലെ കെ.​ടി. കു​മാ​ര​ൻ വി​ജ​യി​ച്ചു. എ​ന്നാ​ൽ, 1987ൽ ​കാ​ഞ്ഞ​ങ്ങാ​ട് മ​ണ്ഡ​ലം യു.​ഡി.​എ​ഫി​നൊ​പ്പം നി​ന്ന​തും ക​ണ്ടു. 89 വോ​ട്ടി​ന് കോ​ൺ​ഗ്ര​സി​ലെ എ​ൻ. മ​നോ​ഹ​ര​നാ​ണ് വി​ജ​യി​ച്ച​ത്.

1991ലും 96​ലും സി.​പി.​ഐ​യി​ലെ എം. ​നാ​രാ​യ​ണ​നും പി​ന്നീ​ട് സ​ഹോ​ദ​ര​ൻ എം. ​കു​മാ​ര​നും 2006ലെ ​തെ​ര​ഞ്ഞെ​ടു​പ്പി​ൽ സി.​പി.​ഐ​യി​ലെ പ​ള്ളി​പ്രം ബാ​ല​നും വി​ജ​യി​ച്ചു. ജ​ന​റ​ൽ സീ​റ്റാ​യ​തി​നൊ​പ്പം ഹോ​സ്ദു​ർ​ഗി​ന്റെ പേ​ര് കാ​ഞ്ഞ​ങ്ങാ​ട് എ​ന്നാ​യി. 2011, 2016, 2021 വ​ർ​ഷ​ങ്ങ​ളി​ലെ തെ​ര​ഞ്ഞെ​ടു​പ്പി​ൽ സി.​പി.​ഐ നേ​താ​വ് ഇ. ​ച​ന്ദ്ര​ശേ​ഖ​ര​ൻ വി​ജ​യി​ച്ചു. 2016ൽ ​നി​യ​മ​സ​ഭ​യി​ലെ​ത്തി​യ ച​ന്ദ്ര​ശേ​ഖ​ര​ൻ റ​വ​ന്യു മ​ന്ത്രി​യാ​യി. 2016ൽ ​ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ 26,011 വോ​ട്ടി​ന്റെ​യും 2021ൽ ​ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ 27,139 വോ​ട്ടി​ന്റെ​യും ഭൂ​രി​പ​ക്ഷ​മാ​ണ് ഇ​ട​തു​മു​ന്ന​ണി​ക്ക് കി​ട്ടി​യ​ത്. മ​ണ്ഡ​ലം എ​ൽ.​ഡി.​എ​ഫി​ന് ഒ​പ്പം നി​ൽ​ക്കു​മ്പോ​ഴും മ​ണ്ഡ​ല​ത്തി​െൻറ മ​ല​യോ​ര​ങ്ങ​ളി​ൽ കോ​ൺ​ഗ്ര​സി​ന് ഉ​റ​ച്ച വോ​ട്ടു​ബ​ല​മു​ണ്ട്. തീ​ര​ദേ​ശ​ങ്ങ​ളി​ലെ മു​സ്‍ലിം ലീ​ഗ് വോ​ട്ടും ന്യൂ​ന​പ​ക്ഷ വോ​ട്ടി​ന്റെ പി​ൻ​ബ​ല​വും യു.​ഡി.​എ​ഫി​നു​ണ്ട്. രാ​ജ്മോ​ഹ​ൻ ഉ​ണ്ണി​ത്താ​നെ​ന്ന ക​രു​ത്ത​നാ​യ സ്ഥാ​നാ​ർ​ഥി​യും ക​ഴി​ഞ്ഞ അ​ഞ്ചു വ​ർ​ഷ​ത്തി​നി​ട​യി​ലും മ​റ്റ് മ​ണ്ഡ​ല​ങ്ങ​ളെ അ​പേ​ക്ഷി​ച്ച് കാ​ഞ്ഞ​ങ്ങാ​ട് മ​ണ്ഡ​ല​ത്തി​ൽ സ​ജീ​വ സാ​ന്നി​ധ്യ​മ​റി​യി​ച്ച​തും തു​ണ​യാ​കു​മെ​ന്നാ​ണ് യു.​ഡി.​എ​ഫ് ക​ണ​ക്കു​കൂ​ട്ട​ൽ. 2,221 എ​ന്ന എ​ൽ.​ഡി.​എ​ഫ് ഭൂ​രി​പ​ക്ഷം ഇ​ത്ത​വ​ണ മ​റി​ക​ട​ക്കാ​നാ​കു​മെ​ന്നും യു.​ഡി.​എ​ഫ് ഭൂ​രി​പ​ക്ഷ മ​ണ്ഡ​ല​മാ​യി കാ​ഞ്ഞ​ങ്ങാ​ട് മാ​റു​മെ​ന്നു​മാ​ണ് യു.​ഡി.​എ​ഫ് പ്ര​തീ​ക്ഷ. ബി.​ജെ.​പി വോ​ട്ടു​നി​ല പി​ന്നോ​ട്ടു​പോ​കു​മെ​ന്നാ​ണ് ഇ​രു​മു​ന്ന​ണി​യും ക​രു​തു​ന്ന​ത്. മ​ണ്ഡ​ല​ത്തി​ലെ വി​ക​സ​ന​വും അ​ടി​സ്ഥാ​ന പ്ര​ശ്ന​ങ്ങ​ളും വ​ലി​യ ച​ർ​ച്ച​ക​ള​ല്ലാ​ത്ത കാ​ഞ്ഞ​ങ്ങാ​ട് കേ​ന്ദ്ര, സം​സ്ഥാ​ന​ഭ​ര​ണം സം​ബ​ന്ധി​ച്ച് പ്ര​ധാ​ന ച​ർ​ച്ചാ​വി​ഷ​യ​മാ​ണ്.

കാ​ഞ്ഞ​ങ്ങാ​ട്​ മ​ണ്ഡ​ലം ഒ​റ്റ​നോ​ട്ട​ത്തി​ൽ

2019ലെ ​ലോ​ക്സ​ഭ വോ​ട്ടു​നി​ല

• രാ​ജ്മോ​ഹ​ൻ ഉ​ണ്ണി​ത്താ​ൻ (യു.​ഡി.​എ​ഫ്) -72,570
• കെ.​പി. സ​തീ​ഷ് ച​ന്ദ്ര​ൻ (എ​ൽ.​ഡി.​എ​ഫ്) -74,791
• ര​വീ​ശ​ത​ന്ത്രി കു​ണ്ടാ​ർ (എ​ൻ.​ഡി.​എ) -20,046
• എ​ൽ.​ഡി.​എ​ഫ് ഭൂ​രി​പ​ക്ഷം -2221

2021 നി​യ​മ​സ​ഭ തെ​ര​ഞ്ഞെ​ടു​പ്പ്

• എ​ൽ.​ഡി.​എ​ഫ്-84,615
• യു.​ഡി.​എ​ഫ്-57,476
• എ​ൻ.​ഡി.​എ-21,570
• ഭൂ​രി​പ​ക്ഷം (എ​ൽ.​ഡി.​എ​ഫ്) 27,139

തദ്ദേശസ്ഥാപന ഭ​ര​ണം

• കാ​ഞ്ഞ​ങ്ങാ​ട് ന​ഗ​ര​സ​ഭ-​എ​ൽ.​ഡി.​എ​ഫ്
• അ​ജാ​നൂ​ർ-​എ​ൽ.​ഡി.​എ​ഫ്
• മ​ടി​ക്കൈ-​എ​ൽ.​ഡി.​എ​ഫ്
• കോ​ടോം-​ബേ​ളൂ​ർ-​എ​ൽ.​ഡി.​എ​ഫ്
• പ​ന​ത്ത​ടി-​എ​ൽ.​ഡി.​എ​ഫ്
• കി​നാ​നൂ​ർ-​ക​രി​ന്ത​ളം-​എ​ൽ.​ഡി.​എ​ഫ്
• ക​ള്ളാ​ർ-​യു.​ഡി.​എ​ഫ്
• ബ​ളാ​ൽ-​യു.​ഡി.​എ​ഫ്