പ്രതീഷ്​ തനിച്ചല്ല; നാട്​ നെഞ്ചേറ്റി പുസ്​തകത്തട്ട്​

കാസർകോട്​: സ്വന്തം പ്രാണൻ തിരിച്ചുപിടിക്കാൻ ഉളിയെടുത്ത്​ അധ്വാനിക്കാനിറങ്ങിയ പ്രതീഷ്​ ഒറ്റക്കായില്ല. വൃക്ക മാറ്റിവെക്കാനുള്ള പണത്തിനുവേണ്ടി ആരുടെ മുന്നിലും കൈനീട്ടാതെ സുഹൃത്തുക്കളുടെ സഹായത്തോടെ അക്ഷരത്തട്ട്​ നിർമിക്കാനിറങ്ങിയ പ്രതീഷിനൊപ്പം നാടും ചേർന്നു. അക്ഷരങ്ങളെ സ്​നേഹിക്കുന്ന മനുഷ്യർ ആ പുസ്​തകത്തട്ട്​ വാങ്ങാൻ അണിചേർന്ന​േപ്പാൾ ജീവകാരുണ്യ പ്രവർത്തനത്തിൽ പുതിയ അധ്യായമായി അത്​ മാറി. തൃശൂർ അഞ്ചേരി നിരോലി വീട്ടിൽ പ്രതീഷിന്‍റെ​ സ്വന്തം ജീവൻ തിരിച്ചുപിടിക്കാനുള്ള ഈ പ്രയത്​നം 2021 ഒക്​ടോബർ 13ന്​ 'ഇത്​ പ്രാണൻ തിരിച്ചുപിടിക്കാനുള്ള പ്രയാണം' എന്ന തലക്കെട്ടിൽ വാർത്തയാക്കിയിരുന്നു.

പ്രതീഷ്​ നിർമിക്കുന്ന പുസ്​തകത്തട്ട്​ അക്ഷര സ്​നേഹികളുടെ കൈകളിലെത്തിക്കാൻ കാസർകോട്ടുനിന്നും തുടക്കമിട്ടത്​ ചട്ടഞ്ചാൽ ഹയർ സെക്കൻഡറി സ്​കൂൾ മലയാളം അധ്യാപകൻ രതീഷ്​ പിലിക്കോടാണ്​. ഇതിനകം ജില്ലയിൽ 500ഒാളം പുസ്​തകത്തട്ടുകൾക്ക്​ ആവശ്യക്കാരുണ്ടായി. കണ്ണൂർ ജില്ലയിലും ആവശ്യക്കാർ രംഗത്തുവന്നു. പത്തുലക്ഷം രൂപയുടെ വിൽപന നടന്നു. 15 വാട്​സ്​ ആപ്​ ഗ്രൂപ്പുകൾ ആവശ്യക്കാരെ കണ്ടെത്താനായി രൂപം കൊണ്ടു. 5000 പുസ്​തകത്തട്ടുകൾ വിറ്റഴിക്കപ്പെടു​േമ്പാൾ മാത്രമേ​ ചെലവുകൾ കഴിച്ച്​ ചികിത്സക്കുള്ള പണം മിച്ചംവരുകയുള്ളൂവെന്ന്​ രതീഷ്​ മാസ്​റ്റർ പറഞ്ഞു.

ഇത്​ മൂന്നാംതവണയാണ്​ പ്രതീഷി​െൻറ വൃക്ക തകരാറിലാകുന്നത്​. ആദ്യ തവണ അച്ഛ​െൻറയും രണ്ടാം തവണ അമ്മയുടെയും സ്വീകരിച്ചു. ഇപ്പോൾ അവയും തകരാറിലായി. അനുജ​െൻറ വൃക്കയാണ്​ മാറ്റിവെക്കാൻ തീരുമാനിച്ചിരിക്കുന്നത്​. 10 ലക്ഷം രൂപയാണ്​ ചെലവ്​. പാലക്കാട്​, കൊല്ലം, മലപ്പുറം ജില്ലകളിലും പ്രതീഷിനെ ചികിത്സിക്കാനുള്ള ചെലവ്​ കണ്ടെത്താനുള്ള ശ്രമം നടത്തുന്നുണ്ട്​. നീലേശ്വരത്തെ കെ.വി. രവീന്ദ്രൻ മുഖ്യ കോഒാഡിനേറ്ററായാണ്​ ഇതുവരെ പുസ്​തകത്തട്ട്​വിറ്റഴിക്കപ്പെട്ടത്​. എൻ.കെ. ജയദീപ് ​(തൃക്കരിപ്പൂർ), രഞ്​ജിത്ത്​ ഓരി (പടന്ന), സി.വി. രവീന്ദ്രൻ ചെറുവത്തൂർ, സി.കെ. രവീന്ദ്രൻ പിലിക്കോട്​, പ്രഭാകരൻ മലാംകടവ്​, പത്​മനാഭൻ, രമ്യ, നിധിൻ, ഉണ്ണികൃഷ്​ണൻ അണിഞ്ഞ, സർവമംഗള പുണിഞ്ചിത്തായ, മധുസൂദനൻ കരിച്ചേരി, എം.കെ പ്രിയ എന്നിവർ നേതൃത്വം നൽകി. 2000 രൂപയാണ്​ പുസ്​തകത്തട്ടി​െൻറ വില. 9961607383 ആണ്​​ പ്രതീഷി​െൻറ ഫോൺ നമ്പർ.