വി​ര​മി​ക്കാ​നി​രി​ക്കെ കാ​സ​ർ​കോ​ട് ഗ​വ. കോ​ള​ജ് മുൻ പ്രിൻസിപ്പലിനെതിരെ അ​ച്ച​ട​ക്ക ന​ട​പ​ടി: ഹരജി വിധി പറയാൻ മാറ്റി

കൊ​ച്ചി: ഈ ​മാ​സം വി​ര​മി​ക്കാ​നി​രി​ക്കെ അ​ച്ച​ട​ക്ക ന​ട​പ​ടി​ക​ളു​ടെ ഭാ​ഗ​മാ​യി ന​ട​ക്കു​ന്ന അ​ന്വേ​ഷ​ണം ചോ​ദ്യം ചെ​യ്ത് കാ​സ​ർ​കോ​ട് ഗ​വ. കോ​ള​ജ് മു​ൻ പ്രി​ൻ​സി​പ്പ​ൽ ഡോ. ​ര​മ ന​ൽ​കി​യ ഹ​ര​ജി ഹൈ​കോ​ട​തി വി​ധി പ​റ​യാ​ൻ മാ​റ്റി.

ത​നി​ക്കെ​തി​രെ വ്യാ​ജ ആ​രോ​പ​ണ​ങ്ങ​ളു​ന്ന​യി​ച്ച് പ്രി​ൻ​സി​പ്പ​ലി​ന്‍റെ ചു​മ​ത​ല​യി​ൽ​നി​ന്ന് നീ​ക്കി മ​ഞ്ചേ​ശ്വ​രം കോ​ള​ജി​ലേ​ക്ക് സ്ഥ​ലം മാ​റ്റി​യെ​ന്ന ആ​രോ​പ​ണ​മ​ട​ക്കം ഉ​ന്ന​യി​ച്ച് ന​ൽ​കി​യ ഹ​ര​ജി​യി​ൽ വാ​ദം പൂ​ർ​ത്തി​യാ​ക്കി​യാ​ണ്​​ ജ​സ്റ്റി​സ് എ. ​മു​ഹ​മ്മ​ദ് മു​ഷ്താ​ഖ്, ജ​സ്റ്റി​സ് ജ​സ്റ്റി​സ്‌ ശോ​ഭ അ​ന്ന​മ്മ ഈ​പ്പ​ൻ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച് വി​ധി പ​റ​യാ​ൻ മാ​റ്റി​യ​ത്.

അ​ന്വേ​ഷ​ണ​ത്തി​നെ​തി​രെ കേ​ര​ള അ​ഡ്​​മി​നി​സ്​​ട്രേ​റ്റി​വ്​ ട്രൈ​ബ്യൂ​ണ​ലി​നെ സ​മീ​പി​ച്ചെ​ങ്കി​ലും അ​ന്വേ​ഷ​ണ ന​ട​പ​ടി​ക​ൾ വേ​ഗ​ത്തി​ലാ​ക്കാ​നും ഉ​ട​ൻ പൂ​ർ​ത്തി​യാ​ക്കാ​നു​മാ​ണ് നി​ർ​ദേ​ശി​ച്ച​ത്. തു​ട​ർ​ന്നാ​ണ് ഹ​ര​ജി​ക്കാ​രി ഹൈ​കോ​ട​തി​യെ സ​മീ​പി​ച്ച​ത്.

കാ​സ​ർ​കോ​ട് കോ​ള​ജി​ൽ പ്രി​ൻ​സി​പ്പ​ലാ​യി​രി​ക്കെ ക​ർ​ശ​ന അ​ച്ച​ട​ക്ക​ന​ട​പ​ടി സ്വീ​ക​രി​ച്ച​തി​നെ​തി​രെ ചി​ല​ർ പ്ര​തി​ഷേ​ധി​ച്ച​തി​ന്​ പി​ന്നാ​ലെ​യാ​ണ്​ ത​ന്നെ ചു​മ​ത​ല​യി​ൽ​നി​ന്ന് നീ​ക്കി​യ​തെ​ന്ന്​ ഹ​ര​ജി​യി​ൽ പ​റ​യു​ന്നു. മാ​ർ​ച്ച് 31ന് ​വി​ര​മി​ക്കാ​നി​രി​ക്കെ ത​ന്നെ ബു​ദ്ധി​മു​ട്ടി​ക്കാ​നാ​ണി​തെ​ന്നാ​ണ് ഹ​ര​ജി​യി​ലെ വാ​ദം.