തിരുവനന്തപുരം: കോവിഡ് പ്രതിരോധ പ്രവർത്തനങ്ങളുടെ ഭാഗമായി ബി.ജെ.പി ഹെൽപ് ഡെസ്ക് തുടങ്ങുമെന്ന് സംസ്ഥാന അധ്യക്ഷൻ കെ.സുരേന്ദ്രൻ. എല്ലാ രാഷ്ട്രീയ പരിപാടികളും മാറ്റിവെച്ച് കോവിഡ് പ്രതിരോധ പ്രവർത്തനങ്ങൾക്കിറങ്ങാൻ സംസ്ഥാന ഭാരവാഹി യോഗത്തിൽ തീരുമാനിച്ചതായും സുരേന്ദ്രൻ പറഞ്ഞു.
വാക്സിൻ സംബന്ധിച്ച് അനാവശ്യ ഭീതി പരത്തരുത്. മെയ് 1 മുതൽ പ്രായപൂർത്തിയായ എല്ലാ പൗരൻമാർക്കും വാക്സിൻ നൽകുമെന്ന് കേന്ദ്രസർക്കാർ അറിയിച്ചിട്ടുണ്ട്. എന്നിട്ടും വാക്സിൻ ഇല്ല എന്ന പ്രചരണം നടത്തി അനാവശ്യമായി പ്രധാനമന്ത്രിക്ക് കത്തയച്ച് ജനങ്ങളെ ഭീതിയിലാക്കുകയാണ് സംസ്ഥാന സർക്കാർ ചെയ്യുന്നത്. വാക്സിൻ കയ്യിലുണ്ടായിരുന്നപ്പോൾ 13 ശതമാനം വിതരണം മാത്രമാണ് കേരളത്തിൽ നടന്നതെന്നും സുരേന്ദ്രൻ കുറ്റപ്പെടുത്തി.
സംസ്ഥാനത്തെ എല്ലാ പൗരൻമാർക്കും വാക്സിൻ സൗജന്യമായി നൽകുമെന്ന് അറിയിച്ച മുഖ്യമന്ത്രി ഇപ്പോൾ വാക്സിനായി കേന്ദ്രത്തിന് കത്തയച്ച് കാത്തിരിക്കുകയാണ്. േകന്ദ്രസർക്കാർ നൽകുന്ന വാക്സിൻ വിതരണം ചെയ്യുന്ന പോസ്റ്റ്മാന്‍റെ പണി മാത്രമാണ് സംസ്ഥാന സർക്കാർ എടുക്കുന്നതെന്നും സുരേന്ദ്രൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.