കൊച്ചി: തിരക്ക് കുറഞ്ഞ സമയങ്ങളിൽ പകുതി നിരക്കിൽ യാത്ര ചെയ്യാൻ സൗകര്യമൊരുക്കി കൊച്ചി മെട്രോ. ഫ്ലെക്സി ഫെയർ എന്ന ഈ സംവിധാനം 20 മുതൽ നിലവിൽ വരുമെന്ന് കൊച്ചി മെട്രോ അധികൃതർ അറിയിച്ചു. തിരക്ക് കുറഞ്ഞ സമയങ്ങളായ രാവിലെ ആറ് മുതൽ എട്ട് മണി വരെയും രാത്രി എട്ട് മുതൽ 10.50 വരെയും എല്ലാ യാത്രക്കാർക്കും യാത്ര നിരക്കിെൻറ 50 ശതമാനം ഡിസ്‌കൗണ്ടാണ് കൊച്ചി മെട്രോ വാഗ്ദാനം ചെയ്യുന്നത്. യാത്ര നിരക്ക് കുറക്കണമെന്ന ഉപഭോക്താക്കളുടെ അഭ്യർഥനയുടെ അടിസ്ഥാനത്തിലാണ് നടപടിയെന്ന് അധികൃതർ വ്യക്തമാക്കി. ഫ്ലെക്സി ഫെയർ സിസ്റ്റത്തിൽ കൊച്ചി വൺ കാർഡ് ഉടമകൾക്കും (ട്രിപ്പ് പാസ്) അവരുടെ കാർഡിലെ തുകയിലെ വ്യത്യാസത്തിെൻറ കാഷ് ബാക്ക് ലഭിക്കും. ക്യു.ആർ ടിക്കറ്റുകൾ, കൊച്ചി വൺ കാർഡ്, കൊച്ചി വൺ കാർഡ് ട്രിപ്പ് പാസ് എന്നിവ ഉപയോഗിച്ച് യാത്ര ചെയ്യുന്ന എല്ലാ യാത്രക്കാർക്കും ഈ പ്രയോജനം ലഭിക്കുമെന്ന് കെ.എം.ആർ.എൽ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.