കോയമ്പത്തൂർ: കോടനാട് എസ്റ്റേറ്റിലെ കൊലപാതക-, കവർച്ചക്കേസുമായി ബന്ധപ്പെട്ട് അറസ്റ്റിലായ നാല് പ്രതികളെ കോയമ്പത്തൂർ ജയിലിൽ റിമാൻഡ് ചെയ്തു. തൃശൂർ സ്വദേശികളായ സതീശൻ, ദ്വീപു, ഉദയകുമാർ, സന്തോഷ് എന്നിവരെയാണ് കൂനൂർ മജിസ്ട്രേറ്റ് സുന്ദർരാജിെൻറ വസതിയിൽ ഹാജരാക്കിയത്. ഇവരെ കോയമ്പത്തൂർ സെൻട്രൽ ജയിലിലേക്ക് കൊണ്ടുപോയി. അതിനിടെ, അപകടത്തിൽ പരിക്കേറ്റ് കോയമ്പത്തൂർ ജി. കുപ്പുസ്വാമി നായിഡു മെമ്മോറിയൽ ആശുപത്രിയിൽ കഴിയുന്ന രണ്ടാംപ്രതി കെ.വി. സയെൻറ മൊഴിയെടുക്കാൻ പാലക്കാട്ടുനിന്ന് കേരള പൊലീസും നീലഗിരി ജില്ല പൊലീസിലെ ഉന്നത ഉദ്യോഗസ്ഥരും കോയമ്പത്തൂർ റൂറൽ ഡി.എസ്.പി ശ്രീനിവാസലുവുമെത്തി.
അവശനിലയിലായതിനാൽ സയനിൽനിന്ന് വിശദമായ മൊഴി ശേഖരിക്കാനായിട്ടില്ല. ആരോഗ്യനില വീണ്ടെടുത്തതിനുശേഷം അറസ്റ്റ് ചെയ്ത് ചോദ്യംചെയ്യലിന് വിധേയമാക്കും. മറ്റ് അഞ്ച് പ്രതികളും കസ്റ്റഡിയിലുണ്ടെങ്കിലും അറസ്റ്റ് രേഖപ്പെടുത്തിയിട്ടില്ല. രഹസ്യകേന്ദ്രത്തിൽ ചോദ്യം ചെയ്ത് വരികയാണ്. അന്വേഷണം സംസ്ഥാന ആഭ്യന്തര സെക്രട്ടറിയുടെ മേൽനോട്ടത്തിൽ നടത്തണമെന്ന് പ്രതിപക്ഷ നേതാവ് എം.കെ. സ്റ്റാലിൻ ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.