കൊടുങ്ങല്ലൂർ അന്താരാഷ്ട്ര ചലച്ചിത്രോത്സവം ഡെലിഗേറ്റ് രജിസ്ട്രേഷൻ ഉദ്ഘാടനം വി.ആർ. സുനിൽകുമാർ എം.എൽ.എ നിർവഹിക്കുന്നു
കൊടുങ്ങല്ലൂർ: കൊടുങ്ങല്ലൂർ ഫിലിം സൊസൈറ്റി സംഘടിപ്പിക്കുന്ന അന്താരാഷ്ട്ര ചലച്ചിത്രോത്സവത്തിന്‍റെ ഒരുക്കം സജീവമായി. കൊടുങ്ങല്ലൂർ ലക്ഷ്മി സിനിമാസിൽ ഈ മാസം 26 മുതൽ 29 വരെ നടക്കുന്ന ചലച്ചിത്രോത്സവത്തിൽ 15 ലോകസിനിമകൾ പ്രദർശിപ്പിക്കും.
മറ്റു സിനിമകളും ചർച്ചകളും വിവിധ സാംസ്കാരിക പരിപാടികളും നടത്തും. ഡെലിഗേറ്റ് രജിസ്ട്രേഷൻ ഉദ്ഘാടനം വി.ആർ. സുനിൽകുമാർ എം.എൽ.എ നിർവഹിച്ചു. ഓൺലൈനായും ലക്ഷ്മി സിനിമാസ് ലോബിയിലെ ഡെലിഗേറ്റ് സെല്ലിലും രജിസ്റ്റർ ചെയ്യാം.
350 രൂപയാണ് നാലുദിവസത്തെ ഡെലിഗേറ്റ് പാസിനുള്ള ഫീസ്. ലക്ഷ്മി സിനിമാസ് ഉടമ പി.ആർ. സജീവ്, മാനേജർ വി.എ. അനിൽകുമാർ, വി.ആർ. വിഷ്ണുരാജ്, കൊടുങ്ങല്ലൂർ ഫിലിം സൊസൈറ്റി പ്രസിഡന്‍റ് മുസ്തഫ, സെക്രട്ടറി ഇ.എം. ഫാരിസ്, ജോയന്‍റ് സെക്രട്ടറി നിസ്രി തുടങ്ങിയവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.