കൊല്ലം: കരുനാഗപ്പള്ളി അഴീക്കലിൽ സുഹൃത്ത് പെട്രോളൊഴിച്ച് തീ കൊളുത്തിയ യുവതി മരിച്ചു. ആലപ്പുഴ വണ്ടാനം മെഡിക്കല്‍ കോളജ് ആശുപത്രിയില്‍ ചികിത്സയിലിരിക്കെയാണ് ഷൈജാമോള്‍ മരണത്തിന് കീഴടങ്ങിയത്. തീ കൊളുത്തിയ പാലാ സ്വദേശി ഷിബു ചാക്കോ ഇന്നലെ ജീവനൊടുക്കിയിരുന്നു.
ഇന്നലെ രാത്രി ഏഴരയോടെ അഴീക്കലിലെ വീട്ടിലെത്തി പെട്രോള്‍ ഒഴിച്ച് തീ കൊളുത്തുകയായിരുന്നു. ഷൈജാമോള്‍ക്ക് 80 ശതമാനത്തിലധികം പൊള്ളലേറ്റിരുന്നു. ഷൈജയുടെ മാതാപിതാക്കളുടെ നിലവിലി കേട്ട് നാട്ടുകാർ ഓടിയെത്തിയ ശേഷമാണ് ഷിബു സ്വയം തീകൊളുത്തിയത്. ഇരുവരെയും ആശുപത്രിയിൽ എത്തിച്ചെങ്കിലും ഷിബു ഇന്നലെ രാത്രി തന്നെ മരിച്ചു.
നാല് വർഷമായി ഷൈജാമോളും ഷിബു ചാക്കോയും ഒന്നിച്ചു ജീവിക്കുകയായിരുന്നു. ഷിബു ചാക്കോ നിരവധി കേസുകളില്‍ പ്രതിയാണെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.